¹Shov dies pala kodia O Jesus lias pesa o Petri, o Iakov ai lesko phral o Iovano, ningerdias le pek bari plaiing ai ferdi won sas kotse.

¹Y DESPUÉS de seis días, Jesús toma á Pedro, y á Jacobo, y á Juan su hermano, y los lleva aparte á un monte alto:

²Kotse parhudilo angla lende, lesko mui strefialsa sar o kham, ai leske tsalia parnile sar e vediara.

²Y se transfiguró delante de ellos; y resplandeció su rostro como el sol, y sus vestidos fueron blancos como la luz.

³Strazo avisaile angla lende, o Moses ai o Elijah denas duma le Kristosa.

³Y he aquí les aparecieron Moisés y Elías, hablando con él.

⁴Antunchi o Petri dias duma ai phendias, "Jesus, Gazda, mishto ke sam katse! Te mangesa, anzaras trin tseri, iek tuke, iek le Mosesoske, ai iek le Elijahaske."

⁴Y respondiendo Pedro, dijo á Jesús: Señor, bien es que nos quedemos aquí: si quieres, hagamos aquí tres pabellones: para ti uno, y para Moisés otro, y otro para Elías.

⁵Sar delas duma, iek nuvero kai strefialas avilo ai vuäaradia le, ai anda nuvero iek glaso phendias: "Kado si murho Shav kai si mange de sa drago, kai plachal ma de sa zurales; ashunen leste!"

⁵Y estando aún él hablando, he aquí una nube de luz que los cubrió; y he aquí una voz de la nube, que dijo: Este es mi Hijo amado, en el cual tomo contentamiento: á él oíd.

⁶Kana le disipluria ashunde kodo glaso, daraile zurales ai pele tele mosa pe phuv.

⁶Y oyendo esto los discípulos, cayeron sobre sus rostros, y temieron en gran manera.

⁷Numa O Jesus avilo, thodia o vas pe lende, ai phendias, "Wushten, na daran!"

⁷Entonces Jesús llegando, los tocó, y dijo: Levantaos, y no temáis.

⁸Kana vazde penge iakha, chi mai dikhle kanikas, ferdi O Jesus sas.

⁸Y alzando ellos sus ojos, á nadie vieron, sino á solo Jesús.

⁹Sar avenas tele pai plaiing O Jesus dias le trad, "Na phenen kanikaske so dikhlian zhi kai O Shav le Manushesko zhuvindila andai martia."

⁹Y como descendieron del monte, les mandó Jesús, diciendo: No digáis á nadie la visión, hasta que el Hijo del hombre resucite de los muertos.

¹⁰Leske disipluria phushle les, "Sostar le Gramnoturia phenen ke o Elijah trobul te avel mai anglal?"

¹⁰Entonces sus discípulos le preguntaron, diciendo: ¿Por qué dicen pues los escribas que es menester que Elías venga primero?

¹¹O Jesus phendia lenge, "Chaches trobul te avel o Elijah te anel palpale swako fielo sar kai sas.

¹¹Y respondiendo Jesús, les dijo: á la verdad, Elías vendrá primero, y restituirá todas las cosas.

¹²Numa phenav tumenge, o Elijah vunzhe avilo, numa le manush chi prinzharde les, ai kerde lesa so godi mangle. Sa kadia O Shav le Manushesko si te avel chinuime lendar."

¹²Mas os digo, que ya vino Elías, y no le conocieron; antes hicieron en él todo lo que quisieron: así también el Hijo del hombre padecerá de ellos.

¹³Antunchi le disipluria haliarde ke delas lensa duma pa o Iovano o baptisto.

¹³Los discípulos entonces entendieron, que les habló de Juan el Bautista.

¹⁴Kana aresle karing o narodo, iek manush avilo ka Jesus, thodiape ande changende angla leste,

¹⁴Y como ellos llegaron al gentío, vino á él un hombre hincándosele de rodillas,

¹⁵ai phendias, "Gazda, al tuke mila anda murho shav! Ke beng ande leste, ai chinuil zurales, butivar perel ande iag, ai butivar perel ando pai.

¹⁵Y diciendo: Señor, ten misericordia de mi hijo, que es lunático, y padece malamente; porque muchas veces cae en el fuego, y muchas en el agua.

¹⁶Ningerdem les ka che disipluria, numa nashti sastiarde les."

¹⁶Y le he presentado á tus discípulos, y no le han podido sanar.

¹⁷O Jesus dias atweto ai phendias, "Tume kai nai tume pachamos, ai rimome vitsa, zhi kana trobula te avav tumensa? Zhi kana trobul te rhivdiv tumen? Anen le shavorhes mande!"

¹⁷Y respondiendo Jesús, dijo: ­Oh generación infiel y torcida! ¿hasta cuándo tengo de estar con vosotros? ¿hasta cuándo os tengo de sufrir? traédmele acá.

¹⁸O Jesus gonisardias le benges, ai o beng anklisto avri anda shavorho, ai strazo sasto sas.

¹⁸Y Jesús le reprendió, y salió el demonio de él; y el mozo fué sano desde aquella hora.

¹⁹Porme le disipluria avile ka Jesus, line les rigate ai phushle, "Sostar nashti gonisardiam les ame?"

¹⁹Entonces, llegándose los discípulos á Jesús, aparte, dijeron: ¿Por qué nosotros no lo pudimos echar fuera?

²⁰O Jesus phendias lenge, ke de sa xantsi pachamos si tume, o chachimos phenav tumenge, te avel tume pachamos kambor e sumuntsa la garchitsaki, phendianas kakala plaiake, "Le tu katkar ai tho tu kote!" Ai si te mishkilpe, ai nai khanchi kai nashti kerena.

²⁰Y Jesús les dijo: Por vuestra incredulidad; porque de cierto os digo, que si tuviereis fe como un grano de mostaza, diréis á este monte: Pásate de aquí allá: y se pasará: y nada os será imposible.

²¹Numa kodolestar anklel avri ferdi kana rhugis tu ai zhonis.

²¹Mas este linaje no sale sino por oración y ayuno.

²²Andek dies kai le disipluria sas andek than ande Galilee. O Jesus phendia lenge, ke O Shav le manushesko si te avel dino andel vas le manushengo:

²²Y estando ellos en Galilea, Jesús les dijo: El Hijo del hombre será entregado en manos de hombres,

²³Ai si te mudaren les; numa o trito dies zhuvindila." Won nekezhisaile zurales.

²³Y le matarán; mas al tercer día resucitará. Y ellos se entristecieron en gran manera.

²⁴Kana O Jesus ai leske disipluria aresle ando Capernaum, le manush kai chiden e taksa, avile ka Petri ai phushle les, "Tumaro gazda chi pochinel e taksa?"

²⁴Y como llegaron á Capernaum, vinieron á Pedro los que cobraban las dos dracmas, y dijeron: ¿Vuestro Maestro no paga las dos dracmas?

²⁵"Pochinel," phendia o Petri, ai kana o Petri avilo ando kher, O Jesus dias duma mai anglal, ai phendias, "So gindis tu, Simon? Le amparaturia la phuviake, kastar len e taksa le themeski, katar penge shave, vai katar le streia?"

²⁵El dice: Sí. Y entrando él en casa, Jesús le habló antes, diciendo: ¿Qué te parece, Simón? Los reyes de la tierra, ¿de quién cobran los tributos ó el censo? ¿de sus hijos ó de los extraños?

²⁶Kana o Petri phendias, "Katar le streia," O Jesus phendias leske, "Antunchi le shave chi trobul te pochinen.

²⁶Pedro le dice: De los extraños. Jesús le dijo: Luego los hijos son francos.

²⁷Numa te na rimosaras lenge gindo ai te peren ando bezex, zha ka maria, ai shude vunjitsa ando pai, le o pervo masho kai astaresa, phuter lesko mui, ai kotse arakhesa love, inger lende ai pochin e taksa pa mande ai pa tute."

²⁷Mas porque no los escandalicemos, ve á la mar, y echa el anzuelo, y el primer pez que viniere, tómalo, y abierta su boca, hallarás un estatero: tómalo, y dáselo por mí y por ti.