¹O Swunto Duxo mothol vorta, ke uni manush kana pashola e vriama te avel O Kristo mekena pengo pachamos; ai lenape palal manush kai atsaven, ai palal zakonuria le bengenge.

¹But the Spirit says expressly that in later times some will fall away from the faith, paying attention to seducing spirits and doctrines of demons,

²Won mekenape te duriaren le manush le xoxamle, ai le chor kai kodole le manushenge ginduria mule le, sar te avilino phabarde le sastrensa le lolesa.

²through the hypocrisy of men who speak lies, branded in their own conscience as with a hot iron;

³Kodola manush sicharen ke nai mishto te ansuris tu, ai te na xas anda uni dieli. Numa O Del dia kodola dieli kal manush kai pachanpe ando Del, ai kai zhanen o chachimos.

³forbidding marriage and commanding to abstain from foods which God created to be received with thanksgiving by those who believe and know the truth.

⁴Naisisaras le Devleske ande lende. So godi kerdia O Del lasho; kanchi chi trobul shudino, numa trobul te naisin le Devles mai anglal sar te len,

⁴For every creature of God is good, and nothing is to be rejected, if it is received with thanksgiving.

⁵ke swuntsosardia si pala E Vorba le Devleski ai rhugimos.

⁵For it is sanctified through the word of God and prayer.

⁶Te sicharen kadala dieli, le Devleske shaven tu avesa iek lashi sluga le Jesus Kristoski, tu sikavesa ke pravares tu le pachamaske vorbensa, ai pala so sichilian.

⁶If you instruct the brothers of these things, you will be a good servant of Christ Jesus, nourished in the words of the faith, and of the good doctrine which you have followed.

⁷Numa shude le paramicha le xoxamle kai mothonas dumult, ai kai nai lashe le pachamaske, numa sichos te traiisar pasha Del.

⁷But refuse profane and old wives’ fables. Exercise yourself toward godliness.

⁸O manush te avel zuralo ando stato si mishto, numa te beshel pasha Del si mai mishto, ke wo shinavel amenge o traio pe akana, ai vi pe mai angle.

⁸For bodily exercise has some value, but godliness has value in all things, having the promise of the life which is now, and of that which is to come.

⁹Kadia vorba chachila ai trobul te avel sa premime ai pachaie.

⁹This saying is faithful and worthy of all acceptance.

¹⁰Sostar keras buchi ai maras ame, ke thodiam amaro pachamos ando Del o zhuvindo, kai si o skepitori sa le manushenge, ai mai but kodolengo kai pachanpe.

¹⁰For to this end we both labor and suffer reproach, because we have set our trust in the living God, who is the Savior of all men, especially of those who believe.

¹¹Phen kadia ai sichar sa kadala dieli.

¹¹Command and teach these things.

¹²Na mek khonik te rimol tu ka san terno, numa sikav le manushenge kai pachanpe ando Del, sar des duma, sar phires le Devlesa, chi dragostia, cho pachamos, ai cho vuzhimos.

¹²Let no man despise your youth; but be an example to those who believe, in word, in your way of life, in love, in spirit, in faith, and in purity.

¹³Ai zhi kai me avav sichu te jin E Vorba le Devleski angla savorhende, ai de duma pa Del ai sichar.

¹³Until I come, pay attention to reading, to exhortation, and to teaching.

¹⁴Na buster e podarka le Devleski kai si ande tute, kai dia tu kana le profeturia dine duma, ai kai le mai phure thode le vas pe tute te rhugin tuke.

¹⁴Don’t neglect the gift that is in you, which was given to you by prophecy, with the laying on of the hands of the elders.

¹⁵Le sama te ker kadia buchi, ai ker sa chi ilesa, saxke savorhe te dikhen ke zhas angle.

¹⁵Be diligent in these things. Give yourself wholly to them, that your progress may be revealed to all.

¹⁶Le sama tutar, ai le sama so sichares. Ai na mek tu katar kodola dieli, ke te keresa kadia skepisar tu tut, ai vi kodolen kai ashunen tute.

¹⁶Pay attention to yourself, and to your teaching. Continue in these things, for in doing this you will save both yourself and those who hear you.