¹Murhe phral, O Del sikadia peske lashimos karing amende, mangav tumendar te den tumar stato sar manush shinade le Devleske, vuzhe ai vorta angla Del, ke kodia si e buchi e vorta kai trobul te keren le Devleske.

¹Therefore I urge you, brothers, by the mercies of God, to present your bodies a living sacrifice, holy, acceptable to God, which is your spiritual service.

²Na len tume pala traio kadala lumiako, numa meken le Devles te parhuvel tumen sa vi tumari goji, ai antunchi sai haliarena so O Del mangel - so si malades, so si leske drago, ai so si vorta.

²Don’t be conformed to this world, but be transformed by the renewing of your mind, so that you may prove what is the good, well-pleasing, and perfect will of God.

³Palai podarka kai O Del dia ma ande pesko lashimos, phenav tumenge savorhenge: na gindin pa tumende ke san mai but ke so san. Numa te avel tume ginduria lashe, swako anda tumende te haliarel pe ke nai mai but ke ferdi pala pachamos kai O Del dia les.

³For I say, through the grace that was given me, to every man who is among you, not to think of himself more highly than he ought to think; but to think reasonably, as God has apportioned to each person a measure of faith.

⁴Ande iek stato manushesko si ame but kotora kai swako kerel aver buchi.

⁴For even as we have many members in one body, and all the members don’t have the same function,

⁵Ai sakadia, o but kai sam, savorhe andek than keras iek stato chidine le Kristosa, ai sam savorhe chidine iek kavresa ke sar le kotora ieke statoske.

⁵so we, who are many, are one body in Christ, and individually members one of another.

⁶Swakones sas ame dine na saikfielo podarki kai trobul te keras lensa buchi sar O Del dia ivia sakones. Te si iekes anda amende e podarka te mothol E Vorba le Devleski kai sas les dino katar O Del, trobul te kerel kodia buchi pala pachamos kai si les;

⁶Having gifts differing according to the grace that was given to us, if prophecy, let us prophesy according to the proportion of our faith;

⁷Te sas avres dini e podarka te podail, mek te podail; kodo kai sas les dini e podarka te sicharel, trobul te sicharel;

⁷or service, let us give ourselves to service; or he who teaches, to his teaching;

⁸Kodoles kai sas les dini e podarka te zhutin, trobul te phen le vorbi kai zhutin vai pechin; kodo kai del pesko mishtimos, te del sa peske ilesa; kodo kai sikavel o drom trobul, te kerel vorta kodia buchi, kodo kai zhutil le choren te keren kodia sa peske ilesa;

⁸or he who exhorts, to his exhorting: he who gives, let him do it with liberality; he who rules, with diligence; he who shows mercy, with cheerfulness.

⁹E dragostia trobul te avel andai ilo. Te avel tumenge gratsia o nasulimos, ai astardion ka lashimos.

⁹Let love be without hypocrisy. Abhor that which is evil. Cling to that which is good.

¹⁰Te aven drago iek kavreske sar phral kai si drago iek kavreske; ai lazhan iek kavrestar;

¹⁰In love of the brothers be tenderly affectionate one to another; in honor preferring one another;

¹¹Keren buchi ilesa ai te na aven kandine; podain le Devles sa tumare ilesa;

¹¹not lagging in diligence; fervent in spirit; serving the Lord;

¹²Aven raduime ke zhanen ande soste pachan tume; kana avel o baio pe tumende, rhevdin; rhugin tume sagda;

¹²rejoicing in hope; enduring in troubles; continuing steadfastly in prayer;

¹³zhutin tumare phral kai trobul le zhutimos; ai premin mishto kodolen kai aven tumende.

¹³contributing to the needs of the saints; given to hospitality.

¹⁴Swuntson kodolen kai chinuin tume: swuntson ai na te del le armaia.

¹⁴Bless those who persecute you; bless, and don’t curse.

¹⁵Raduin tume kodolensa kai raduin pe, ai roven kodolensa kai roven.

¹⁵Rejoice with those who rejoice. Weep with those who weep.

¹⁶Traiin ai malaven pala iek kavreste. Na aven barimatange, numa keren le bucha kai nai barimata anda lende, ai na gindin tume gojaver.

¹⁶Be of the same mind one toward another. Don’t set your mind on high things, but associate with the humble. Don’t be wise in your own conceits.

¹⁷Te kerdia tumenge vari kon nasulimos na keren vi tume leske. Roden ta keren o lashimos angla sa le manush.

¹⁷Repay no one evil for evil. Respect what is honorable in the sight of all men.

¹⁸Keren so godi dashtin, ai kodia si pala tumende, te traiin ande pacha sa le manushensa.

¹⁸If it is possible, as much as it is up to you, be at peace with all men.

¹⁹Murhe phral, le shave le Devleske, te kerdia tumenge vari kon nasulimos na keren vi tume palpale, numa meken e xoli le Devleski te kerel kodia. Ke si ramome, "Me kerava nasulimos kodoleske kai kerdia nasulimos karing mande. Me pochinava palpale mothol O Del."

¹⁹Don’t seek revenge yourselves, beloved, but give place to God’s wrath. For it is written, “Vengeance belongs to me; I will repay, says the Lord.” Deuteronomy 32:35

²⁰Te avela cho duzhmano bokhalo, del les te xal; te avela trushalo, del les te pel; ke te keresa kadia, kodia si sar te chidianas angara phabarde pe lesko shero.

²⁰Therefore “If your enemy is hungry, feed him. If he is thirsty, give him a drink; for in doing so, you will heap coals of fire on his head.” Proverbs 25:21-22

²¹Na mek o nasulimos te niril tut; numa tu nirisar o nasulimos le lashimasa.

²¹Don’t be overcome by evil, but overcome evil with good.