¹Zvino ini, hama, pandakauya kwamuri, handina kuuya neunyanzvi hwekutaura kana nenjere, ndichikuparidzirai uchapupu hwaMwari.

¹And I, brethren, when I came to you, came not with excellency of speech or of wisdom, declaring unto you the testimony of God.

²Nekuti ndakafunga kusaziva chinhu pakati penyu, kunze kwaJesu Kristu, naiye wakarovererwa pamuchinjikwa.

²For I determined not to know any thing among you, save Jesus Christ, and him crucified.

³Uye ndakanga ndinemwi muutera nemukutya nemukudedera kukuru.

³And I was with you in weakness, and in fear, and in much trembling.

⁴Nekutaura kwangu nekuparidza kwangu hakuna kuva nemashoko ekukwezva euchenjeri hwevanhu asi mukuratidza kweMweya nekwesimba;

⁴And my speech and my preaching was not with enticing words of man's wisdom, but in demonstration of the Spirit and of power:

⁵kuti rutendo rwenyu rwurege kuva munjere dzevanhu, asi musimba raMwari.

⁵That your faith should not stand in the wisdom of men, but in the power of God.

⁶Asi njere tinodzitaura pakati pevakakwana, asi uchenjeri hwusati hwuri hwenyika ino, kana hwevatongi venyika ino, vanozoshaiswa maturo.

⁶Howbeit we speak wisdom among them that are perfect: yet not the wisdom of this world, nor of the princes of this world, that come to nought:

⁷Asi tinotaura uchenjeri hwaMwari muchakavanzika, hwakavigwa, hwakagara hwagadzwa naMwari nyika isati yavapo hwuve kubwinya kwedu;

⁷But we speak the wisdom of God in a mystery, even the hidden wisdom, which God ordained before the world unto our glory:

⁸ihwo hwusina kuzivikamwa neumwe wevatongi venyika ino; nekuti dai vakaziva, vangadai vasina kuroverera Ishe wekubwinya pamuchinjikwa.

⁸Which none of the princes of this world knew: for had they known it, they would not have crucified the Lord of glory.

⁹Asi sezvazvakanyorwa zvichinzi: Izvo ziso zvarisina kuona, nenzeve zvadzisina kunzwa, kana kupinda mumoyo wemunhu, Mwari zvaakavagadzirira vanomuda;

⁹But as it is written, Eye hath not seen, nor ear heard, neither have entered into the heart of man, the things which God hath prepared for them that love him.

¹⁰Mwari wakazvizarurira kwatiri neMweya wake; nekuti Mweya unonzvera zvinhu zvose, kunyange zvinhu zvakadzika zvaMwari.

¹⁰But God hath revealed them unto us by his Spirit: for the Spirit searcheth all things, yea, the deep things of God.

¹¹Nekuti munhu ndeupi unoziva zvinhu zvemunhu, kunze kwemweya wemunhu uri maari? Saizvozvo hakuna munhu unoziva zvinhu zvaMwari, kunze kweMweya waMwari.

¹¹For what man knoweth the things of a man, save the spirit of man which is in him? even so the things of God knoweth no man, but the Spirit of God.

¹²Zvino isu hatina kugamuchira mweya wenyika, asi Mweya unobva kuna Mwari, kuti tizive zvinhu zvatakangopiwa pachena naMwari;

¹²Now we have received, not the spirit of the world, but the spirit which is of God; that we might know the things that are freely given to us of God.

¹³zvatinotaurawo, kwete mumashoko anodzidziswa nenjere dzevanhu, asi anodzidziswa neMweya Mutsvene; tichienzanisa zvinhu zveMweya neMweya.

¹³Which things also we speak, not in the words which man's wisdom teacheth, but which the Holy Ghost teacheth; comparing spiritual things with spiritual.

¹⁴Zvino munhu wechisikigo haagamuchiri zvinhu zveMweya waMwari; nekuti upenzi kwaari; uye haagoni kunzwisisa, nekuti zvinonzverwa neMweya.

¹⁴But the natural man receiveth not the things of the Spirit of God: for they are foolishness unto him: neither can he know them, because they are spiritually discerned.

¹⁵Asi weMweya unonzvera zvinhu zvose, asi iye amene haanzverwi nemunhu.

¹⁵But he that is spiritual judgeth all things, yet he himself is judged of no man.

¹⁶Nekuti ndiani wakaziva fungwa yaIshe, kuti amuraire? Asi isu tine fungwa yaKristu.

¹⁶For who hath known the mind of the Lord, that he may instruct him? But we have the mind of Christ.