¹Pakupedzisira, hama, tinyengetererei, kuti shoko raIshe rimhanye nekukudzwa kunyange sezvinoitwa nemwi;

¹Finally, brethren, pray for us, that the word of the Lord may have free course, and be glorified, even as it is with you:

²uye kuti tisunungurwe kuvanhu vasakarurama nevakaipa; nekuti rutendo harwusi rwevose.

²And that we may be delivered from unreasonable and wicked men: for all men have not faith.

³Asi Ishe wakatendeka, uchakusimbisai, nekukuchengetai kune wakaipa.

³But the Lord is faithful, who shall stablish you, and keep you from evil.

⁴Uye tine chivimbo muna Ishe maererano nemwi, kuti munoita zvinhu zvose zvatinokurairai uye muchazviita.

⁴And we have confidence in the Lord touching you, that ye both do and will do the things which we command you.

⁵Asi Ishe ngaatungamirire moyo yenyu murudo rwaMwari, nemumoyo murefu waKristu.

⁵And the Lord direct your hearts into the love of God, and into the patient waiting for Christ.

⁶Zvino tinokurairai hama muzita raIshe wedu Jesu Kristu, kuti muzviraure pahama imwe neimwe inofamba zvisakafanira uye kwete nemirairo yamakagamuchira kwatiri;

⁶Now we command you, brethren, in the name of our Lord Jesus Christ, that ye withdraw yourselves from every brother that walketh disorderly, and not after the tradition which he received of us.

⁷Nekuti imwi mumene munoziva kuti munofanira kutitevera sei, nekuti hatina kufamba zvisakafanira pakati penyu;

⁷For yourselves know how ye ought to follow us: for we behaved not ourselves disorderly among you;

⁸uye hatina kudya chikafu chemunhu pachena, asi takashingaira nekushanda nekutambudzika siku nesikati, kuti tisava mutoro kune umwe wenyu;

⁸Neither did we eat any man's bread for nought; but wrought with labour and travail night and day, that we might not be chargeable to any of you:

⁹kwete nekuti hatina mvumo, asi kuti tipe muenzaniso kwamuri kuti mutitevere.

⁹Not because we have not power, but to make ourselves an ensample unto you to follow us.

¹⁰Nekuti kunyange pataiva nemwi, takakurairai izvi, kuti: Kana umwe asingadi kushanda, ngaarege kudyawo.

¹⁰For even when we were with you, this we commanded you, that if any would not work, neither should he eat.

¹¹Nekuti tinonzwa kuti kune vamwe vanofamba pakati penyu zvisakafanira, vasingatongoshandi zvachose, asi vachiita zvisina maturo.

¹¹For we hear that there are some which walk among you disorderly, working not at all, but are busybodies.

¹²Zvino avo vakadaro tinoraira nekukurudzira kubudikidza naIshe wedu Jesu Kristu, kuti vashande nekunyarara vadye chikafu chavo.

¹²Now them that are such we command and exhort by our Lord Jesus Christ, that with quietness they work, and eat their own bread.

¹³Asi imwi, hama, musaneta pakuita zvakanaka.

¹³But ye, brethren, be not weary in well doing.

¹⁴Asi kana ani nani asingateereri shoko redu netsamba iyi, mutarisise munhu uyo, kuti murege kufambidzana naye, kuti anyare;

¹⁴And if any man obey not our word by this epistle, note that man, and have no company with him, that he may be ashamed.

¹⁵uye musamuidza semuvengi, asi mumuraire sehama.

¹⁵Yet count him not as an enemy, but admonish him as a brother.

¹⁶Zvino, Ishe werugare amene ngaakupei rugare nguva dzose nemitoo yose. Ishe ngaave nemwi mose.

¹⁶Now the Lord of peace himself give you peace always by all means. The Lord be with you all.

¹⁷Kwaziso neruoko rwangu, ini Pauro, ndicho chiratidzo patsamba dzose; ndinonyora saizvozvo.

¹⁷The salutation of Paul with mine own hand, which is the token in every epistle: so I write.

¹⁸Nyasha dzaIshe wedu Jesu Kristu ngadzive nemwi mose. Ameni.

¹⁸The grace of our Lord Jesus Christ be with you all. Amen.