¹Mhirizhonga yakati yamira, Pauro akadanira kwaari vadzidzi, akavambundikira, ndokubuda kuti aende Makedhonia.

¹And after the uproar was ceased, Paul called unto him the disciples, and embraced them, and departed for to go into Macedonia.

²Zvino wakati agura nemativi iwawo, avakurudzira zvikuru nemashoko mazhinji, akasvika Girisi.

²And when he had gone over those parts, and had given them much exhortation, he came into Greece,

³Akati agara mwedzi mitatu, zano raitwa nevaJudha pamusoro pake, ava kuda kuenda Siria nechikepe, akazvipira kudzokera nepaMakedhonia.

³And there abode three months. And when the Jews laid wait for him, as he was about to sail into Syria, he purposed to return through Macedonia.

⁴Akaperekedzwa naSopatro weBheriya, neveTesaronika, Arisitako naSekundo, naGayo weDhebhe, naTimotio; uye Tikiko naTrofimo veAsia.

⁴And there accompanied him into Asia Sopater of Berea; and of the Thessalonians, Aristarchus and Secundus; and Gaius of Derbe, and Timotheus; and of Asia, Tychicus and Trophimus.

⁵Ivo vakatungamira vakatimirira paTroasi.

⁵These going before tarried for us at Troas.

⁶Asi isu takabva Firipi nechikepe mushure memazuva ezvingwa zvisina mbiriso; tikasvika kwavari paTroasi mumazuva mashanu; patakagara mazuva manomwe.

⁶And we sailed away from Philippi after the days of unleavened bread, and came unto them to Troas in five days; where we abode seven days.

⁷Zvino nemusi wekutanga wevhiki, vadzidzi vaungana kumedura chingwa, Pauro akaparidza kwavari, akagadzirira kuenda chifume; akaredzva mharidzo kusvikira pakati peusiku.

⁷And upon the first day of the week, when the disciples came together to break bread, Paul preached unto them, ready to depart on the morrow; and continued his speech until midnight.

⁸Kwakange kune mwenje mizhinji muimba yekumusoro mavakange vakaungana.

⁸And there were many lights in the upper chamber, where they were gathered together.

⁹Zvino pahwindo pakange pagere rimwe jaya rainzi Yutiko, rikabatwa nehope kwazvo, zvino Pauro wakati achiramba achiparidza, iro rikakundwa nehope, rikawira pasi, kubva panhurikwa yechitatu, rikasimudzwa rafa.

⁹And there sat in a window a certain young man named Eutychus, being fallen into a deep sleep: and as Paul was long preaching, he sunk down with sleep, and fell down from the third loft, and was taken up dead.

¹⁰Ipapo Pauro akaburuka akawira pamusoro paro, akarimbundikira akati: Musazvinetsa, nekuti mweya waro uri mariri.

¹⁰And Paul went down, and fell on him, and embracing him said, Trouble not yourselves; for his life is in him.

¹¹Zvino wakati akwirazve kumusoro, akamedura chingwa akadya, akataura nguva refu kusvikira kuchiedza, saizvozvo wakaenda.

¹¹When he therefore was come up again, and had broken bread, and eaten, and talked a long while, even till break of day, so he departed.

¹²Vakauya nemukomana ari mupenyu, vakanyaradzwa zvisati zviri zvishoma.

¹²And they brought the young man alive, and were not a little comforted.

¹³Asi isu takatungamira kuchikepe, tikaenda nechikepe Aso, takananga kukwidza Pauro ipapo, nekuti wakange araira saizvozvo, iye achida kufamba netsoka.

¹³And we went before to ship, and sailed unto Assos, there intending to take in Paul: for so had he appointed, minding himself to go afoot.

¹⁴Zvino wakati asangana nesu paAso, tikamukwidza, tikandosvika Mitirene;

¹⁴And when he met with us at Assos, we took him in, and came to Mitylene.

¹⁵tikabva ipapo nechikepe, fume tikasvika pakatarisana neKiyo; fume tikasvika paSamo; ndokugara paTrogiriamu chifume tikasvika Mireto.

¹⁵And we sailed thence, and came the next day over against Chios; and the next day we arrived at Samos, and tarried at Trogyllium; and the next day we came to Miletus.

¹⁶Nekuti Pauro wakange akazvipira kupfuura Efeso nechikepe, nekuti wakange asingadi kupedza nguva paAsia; nekuti waimhanya kuti kana zvichibvira ave paJerusarema nezuva rePendekosita.

¹⁶For Paul had determined to sail by Ephesus, because he would not spend the time in Asia: for he hasted, if it were possible for him, to be at Jerusalem the day of Pentecost.

¹⁷Zvino ari paMireto akatumira Efeso akadana vakuru vekereke.

¹⁷And from Miletus he sent to Ephesus, and called the elders of the church.

¹⁸Zvino vakati vasvika kwaari, akati kwavari: Munoziva kubva pazuva rekutanga randakasvika paAsia, mugariro wandakaita pakati penyu nguva dzose,

¹⁸And when they were come to him, he said unto them, Ye know, from the first day that I came into Asia, after what manner I have been with you at all seasons,

¹⁹ndichibatira Ishe nekuzvininipisa kose, nemisodzi mizhinji, nemiedzo yakandiwira nerangano dzakaipa dzevaJudha;

¹⁹Serving the LORD with all humility of mind, and with many tears, and temptations, which befell me by the lying in wait of the Jews:

²⁰kuti handina sei kuvanza zvingakubatsirai asi ndakakuratidzai nekukudzidzisai pachena dzimba nedzimba;

²⁰And how I kept back nothing that was profitable unto you, but have shewed you, and have taught you publickly, and from house to house,

²¹ndichipupura kwazvo zvose kuvaJudha nekuvaGiriki, kutendeukira kuna Mwari, nerutendo kuna Ishe wedu Jesu Kristu.

²¹Testifying both to the Jews, and also to the Greeks, repentance toward God, and faith toward our Lord Jesus Christ.

²²Zvino tarirai, ndinoenda kuJerusarema ndakasungwa mumweya, ndisingazivi zvichandiwira ikoko,

²²And now, behold, I go bound in the spirit unto Jerusalem, not knowing the things that shall befall me there:

²³asi kuti Mweya Mutsvene unondipupurira kwazvo muguta rimwe nerimwe, kuti zvisungo nenhamo zvakandigarira.

²³Save that the Holy Ghost witnesseth in every city, saying that bonds and afflictions abide me.

²⁴Asi handirangariri chinhu pane izvi, uye handiverengi kuti upenyu hwangu hunokosha kwandiri kuti ndipedze rwendo rwangu nemufaro nebasa randakagamuchira kuna Ishe Jesu rekupupura kwazvo evhangeri yenyasha dzaMwari.

²⁴But none of these things move me, neither count I my life dear unto myself, so that I might finish my course with joy, and the ministry, which I have received of the Lord Jesus, to testify the gospel of the grace of God.

²⁵Zvino tarirai, ndinoziva kuti imwi mose vandakafamba pakati penyu ndichiparidza ushe hwaMwari, hamuchazooni chiso changuzve.

²⁵And now, behold, I know that ye all, among whom I have gone preaching the kingdom of God, shall see my face no more.

²⁶Naizvozvo ndinokupupurirai nhasi kuti ndakachena paropa revanhu vose;

²⁶Wherefore I take you to record this day, that I am pure from the blood of all men.

²⁷nekuti handina kuvanza kukuparidzirai zano rose raMwari.

²⁷For I have not shunned to declare unto you all the counsel of God.

²⁸Naizvozvo zvichenjererei imwi, neboka rose pamusoro paro Mweya Mutsene pawakakuitai vatariri, kuti mufudze kereke yaMwari, yaakatenga neropa rake.

²⁸Take heed therefore unto yourselves, and to all the flock, over the which the Holy Ghost hath made you overseers, to feed the church of God, which he hath purchased with his own blood.

²⁹Nekuti ndinoziva izvi kuti kana ndaenda mapumhi anorura achapinda pakati penyu asingaregi boka.

²⁹For I know this, that after my departing shall grievous wolves enter in among you, not sparing the flock.

³⁰Uye pakati penyu pachamuka varume vachataura zvinhu zvinotsausa, kuti vakwezve vadzidzi vavatevere.

³⁰Also of your own selves shall men arise, speaking perverse things, to draw away disciples after them.

³¹Naizvozvo rindai, murangarire kuti munguva yemakore matatu handina kurega siku nesikati kuyambira umwe neumwe nemisodzi.

³¹Therefore watch, and remember, that by the space of three years I ceased not to warn every one night and day with tears.

³²Uye ikozvino hama ndinokukumikidzai kuna Ishe, nekushoko renyasha dzake, iro rinogona kukuvakai, nekukupai nhaka pakati pevakaitwa vatsvene vose.

³²And now, brethren, I commend you to God, and to the word of his grace, which is able to build you up, and to give you an inheritance among all them which are sanctified.

³³Handina kuchiva sirivheri kana ndarama kana nguvo yemunhu.

³³I have coveted no man's silver, or gold, or apparel.

³⁴Imwi mumene munoziva kuti maoko awa akabatira kushaiwa kwangu nekwevanhu vandaiva navo.

³⁴Yea, ye yourselves know, that these hands have ministered unto my necessities, and to them that were with me.

³⁵Pazvinhu zvose ndakakuratidzai, kuti muchibata saizvozvi munofanira kubatsira vasina simba, nekurangarira mashoko aIshe Jesu, kuti iye wakati: Kwakaropafadzwa kupa kupfuura kugamuchira.

³⁵I have shewed you all things, how that so labouring ye ought to support the weak, and to remember the words of the Lord Jesus, how he said, It is more blessed to give than to receive.

³⁶Zvino wakati ataura saizvozvi, akafugama, akanyengetera navo vose.

³⁶And when he had thus spoken, he kneeled down, and prayed with them all.

³⁷Vakachema zvikuru vose; vakawira pamutsipa waPauro vakamutsvoda,

³⁷And they all wept sore, and fell on Paul's neck, and kissed him,

³⁸vachishungurudzika kwazvo neshoko raakataura, kuti havachazooni chiso chakezve. Ipapo vakamuperekedza kuchikepe.

³⁸Sorrowing most of all for the words which he spake, that they should see his face no more. And they accompanied him unto the ship.