¹Nekuti murairo zvaune mumvuri wezvinhu zvakanaka zvinouya usati uri mufananidzo chaiwo wezvinhu izvozvo, haungatongogoni kuperedzera avo vanoswedera gore rimwe nerimwe naizvozvo zvibayiro zvavanoramba vachibayira.

¹For the law having a shadow of good things to come, and not the very image of the things, can never with those sacrifices which they offered year by year continually make the comers thereunto perfect.

²Dai zvakanga zvakadaro zvingadai zvisina kupera kubayirwa here? nekuti vashumiri, kana vakange vanatswa kamwe chete vangadai vasingazivi zvivi zvavo.

²For then would they not have ceased to be offered? because that the worshippers once purged should have had no more conscience of sins.

³Asi kuzvibayiro izvozvo vanoyeudzirwa zvivi gore rimwe nerimwe.

³But in those sacrifices there is a remembrance again made of sins every year.

⁴Nekuti hazvibviri kuti ropa rehando nerembudzi ribvise zvivi.

⁴For it is not possible that the blood of bulls and of goats should take away sins.

⁵saka paanosvika panyika, unoti: Chibayiro nechipiriso hamuna kuzvida, asi makandigadzirira muviri;

⁵Wherefore when he cometh into the world, he saith, Sacrifice and offering thou wouldest not, but a body hast thou prepared me:

⁶pazvibayiro zvinopiswa, nezvechivi hamuna kuzvifarira;

⁶In burnt offerings and sacrifices for sin thou hast had no pleasure.

⁷Zvino ndikati: Tarirai ndauya (Murugwaro rwakapetwa makanyorwa pamusoro pangu) Kuita chido chenyu, Mwari.

⁷Then said I, Lo, I come (in the volume of the book it is written of me,) to do thy will, O God.

⁸Zvaanoti pakutanga: Zvibayiro nezvipiriso, nezvibayiro zvinopiswa, nezvibayiro zvechivi hamuna kuzvida kana kufadzwa nazvo izvo zvinobayirwa sezvinoreva murairo),

⁸Above when he said, Sacrifice and offering and burnt offerings and offering for sin thou wouldest not, neither hadst pleasure therein; which are offered by the law;

⁹ndokuzoti: Tarira, ndinovuya kuzoita chido chenyu imwi Mwari. Unobvisa chekutanga kuti amise chechipiri.

⁹Then said he, Lo, I come to do thy will, O God. He taketh away the first, that he may establish the second.

¹⁰Nekuda ikoku takaitwa vatsvene kubudikidza nekubayirwa kwemuviri waJesu Kristu kamwe.

¹⁰By the which will we are sanctified through the offering of the body of Jesus Christ once for all.

¹¹Mupristi umwe neumwe unomira zuva rimwe nerimwe achishumira, nekubayira kazhinji zvibayiro izvozvo zvisingatongogoni kubvisa zvivi;

¹¹And every priest standeth daily ministering and offering oftentimes the same sacrifices, which can never take away sins:

¹²asi murume uyu wakati abayira chibayiro chimwe nekuda kwezvivi nekusingaperi, akagara pasi kuruoko rwerudyi rwaMwari;

¹²But this man, after he had offered one sacrifice for sins for ever, sat down on the right hand of God;

¹³kubva zvino achitarisira kusvikira vavengi vake vaitwa chitsiko chetsoka dzake.

¹³From henceforth expecting till his enemies be made his footstool.

¹⁴Nekuti nechibayiro chimwe chete wakaperedzera nekusingaperi avo vanoitwa vatsvene.

¹⁴For by one offering he hath perfected for ever them that are sanctified.

¹⁵Mweya Mutsvenewo unotipupurira; nekuti pakutanga wakange amboti:

¹⁵Whereof the Holy Ghost also is a witness to us: for after that he had said before,

¹⁶Iyi ndiyo sungano yandichaita navo shure kwemazuva iwayo, ndizo zvinotaura Ishe, Ndichaisa mirairo yangu mumoyo yavo, nokuinyora mufungwa dzavo.

¹⁶This is the covenant that I will make with them after those days, saith the Lord, I will put my laws into their hearts, and in their minds will I write them;

¹⁷Nezvivi zvavo nekuipa kwavo handichatongozvirangaririzve.

¹⁷And their sins and iniquities will I remember no more.

¹⁸Zvino apo pane kangamwiro yezvizvi, hapachina kubayirwa kwechivi.

¹⁸Now where remission of these is, there is no more offering for sin.

¹⁹Naizvozvo, hama, zvatingatsunga kupinda panzvimbo tsvene neropa raJesu,

¹⁹Having therefore, brethren, boldness to enter into the holiest by the blood of Jesus,

²⁰nenzira itsva mhenyu, yaakatizarurira kubudikidza nemuvheiri, ndiyo nyama yake;

²⁰By a new and living way, which he hath consecrated for us, through the veil, that is to say, his flesh;

²¹uye tine mupristi mukuru pamusoro peimba yaMwari,

²¹And having an high priest over the house of God;

²²ngatiswedere nemoyo wechokwadi, nechivimbo chakazara cherutendo, moyo yedu yasaswa pahana yakaipa, nemiviri yedu yakashambidzwa nemvura yakachena.

²²Let us draw near with a true heart in full assurance of faith, having our hearts sprinkled from an evil conscience, and our bodies washed with pure water.

²³Ngatibatisise chitendero chetariro yedu, tisingazungunuki; nekuti iye wakavimbisa wakatendeka;

²³Let us hold fast the profession of our faith without wavering; (for he is faithful that promised;)

²⁴uye ngatirangariranei pakumutsirana rudo namabasa akanaka,

²⁴And let us consider one another to provoke unto love and to good works:

²⁵tisarega kuungana kwedu, setsika yevamwe, asi tichikurudzirana; zvikuru zvamunovona zuva richiswedera.

²⁵Not forsaking the assembling of ourselves together, as the manner of some is; but exhorting one another: and so much the more, as ye see the day approaching.

²⁶Nekuti kana tichitadza maune, tambogamuchira ruzivo rwechokwadi, hakusisina chibayiro pamusoro pezvivi,

²⁶For if we sin wilfully after that we have received the knowledge of the truth, there remaineth no more sacrifice for sins,

²⁷asi kumwe kumirira tichitya kutongwa nekutsamwa kunopfuta moto, kuchapedza vevengi.

²⁷But a certain fearful looking for of judgment and fiery indignation, which shall devour the adversaries.

²⁸Munhu unozvidza murairo waMozisi unofa kunze kwetsitsi nezvapupu zviviri kana zvitatu;

²⁸He that despised Moses' law died without mercy under two or three witnesses:

²⁹zvino unofunga kuti uchanzi wakafanira kurangwa zvinorwadza sei, wakatsikira pasi Mwanakomana waMwari, uye ukatora ropa resungano, raakaitwa mutsvene naro serisina maturo, uye akazvidza Mweya wenyasha?

²⁹Of how much sorer punishment, suppose ye, shall he be thought worthy, who hath trodden under foot the Son of God, and hath counted the blood of the covenant, wherewith he was sanctified, an unholy thing, and hath done despite unto the Spirit of grace?

³⁰Nekuti tinomuziva iye wakati: Kutsiva ndekwangu, ini ndicharipira, ndizvo zvinotaura Ishe, uyezve unoti: Ishe uchatonga vanhu vake.

³⁰For we know him that hath said, Vengeance belongeth unto me, I will recompense, saith the Lord. And again, The Lord shall judge his people.

³¹Zvinotyisa kuwira mumaoko aMwari mupenyu.

³¹It is a fearful thing to fall into the hands of the living God.

³²Asi rangarirai mazuva akare, amakati mavhenekerwa maari mukatsunga pakurwa kukuru kwematambudziko;

³²But call to remembrance the former days, in which, after ye were illuminated, ye endured a great fight of afflictions;

³³pamwe nekuti makaitwa chiokero zvose nekunyombwa nematambudziko; pamwe nekuti makagovanawo naivo vakaitirwa izvozvo.

³³Partly, whilst ye were made a gazingstock both by reproaches and afflictions; and partly, whilst ye became companions of them that were so used.

³⁴Nekuti makanzwira tsitsi zvisungo zvangu, makagamuchira nemufaro kupambwa kwenhumbi dzenyu, muchiziva mukati menyu kuti imwi mune fuma yakapfuura nekunaka, inogara iri kumatenga.

³⁴For ye had compassion of me in my bonds, and took joyfully the spoiling of your goods, knowing in yourselves that ye have in heaven a better and an enduring substance.

³⁵Naizvozvo regai kurasha kushinga kwenyu, kune muripo mukuru wemubayiro.

³⁵Cast not away therefore your confidence, which hath great recompence of reward.

³⁶Nekuti munoshaiwa moyo murefu, zvokuti, kana maita kuda kwaMwari, mugamuchire chivimbiso.

³⁶For ye have need of patience, that, after ye have done the will of God, ye might receive the promise.

³⁷Nekuti pachine kanguva kaduku-duku, uye unouya uchauya, uye haanganonoki.

³⁷For yet a little while, and he that shall come will come, and will not tarry.

³⁸Asi wakarurama uchararama nerutendo; zvino kana akadzokera shure, mweya wangu haungafari naye.

³⁸Now the just shall live by faith: but if any man draw back, my soul shall have no pleasure in him.

³⁹Zvino isu hatizi veavo vanodzokera shure kukuparadzwa; asi veavo vanotenda kukuponeswa kwemweya.

³⁹But we are not of them who draw back unto perdition; but of them that believe to the saving of the soul.