¹Kutanga kweevhangeri yaJesu Kristu, Mwanakomana waMwari;

¹The beginning of the gospel of Jesus Christ, the Son of God;

²sezvazvakanyorwa muvaporofita zvichinzi: Tarira, ini ndinotuma mutumwa wangu pamberi pechiso chako, uchagadzira nzira yako pamberi pako.

²As it is written in the prophets, Behold, I send my messenger before thy face, which shall prepare thy way before thee.

³Inzwi reunodanidzira murenje, richiti: Gadzirai migwagwa yaIshe; ruramisai nzira yake.

³The voice of one crying in the wilderness, Prepare ye the way of the Lord, make his paths straight.

⁴Johwani wakati achibhabhatidza murenje, achiparidza rubhabhatidzo rwekutendeukira kukangamwiro yezvivi.

⁴John did baptize in the wilderness, and preach the baptism of repentance for the remission of sins.

⁵Zvino kwakabudira kwaari nyika yose yeJudhiya, naivo veJerusarema, ndokubhabhatidzwa vose naye murwizi rweJoridhani vachireurura zvivi zvavo.

⁵And there went out unto him all the land of Judaea, and they of Jerusalem, and were all baptized of him in the river of Jordan, confessing their sins.

⁶Uye Johwani wakange akapfeka makushe ekamera, nebhanhire rechikumba rakapoteredza chiuno chake, waidya mhashu neuchi hwedondo.

⁶And John was clothed with camel's hair, and with a girdle of a skin about his loins; and he did eat locusts and wild honey;

⁷Akaparidza, achiti: Kunouya une simba kupfuura ini shure kwangu, wandisina kufanira kukotama kuti ndisunungure tambo yeshangu dzake.

⁷And preached, saying, There cometh one mightier than I after me, the latchet of whose shoes I am not worthy to stoop down and unloose.

⁸Ini zvirokwazvo ndakubhabhatidzai nemvura; asi iye uchakubhabhatidzai neMweya Mutsvene.

⁸I indeed have baptized you with water: but he shall baptize you with the Holy Ghost.

⁹Zvino zvakaitika nemazuva iwayo kuti Jesu wakabva Nazareta yeGarirea, akabhabhatidzwa naJohwani muna Joridhani.

⁹And it came to pass in those days, that Jesus came from Nazareth of Galilee, and was baptized of John in Jordan.

¹⁰Pakarepo achibuda mumvura, wakaona matenga akazarurwa, neMweya sezvinonzi injiva achiburukira pamusoro pake.

¹⁰And straightway coming up out of the water, he saw the heavens opened, and the Spirit like a dove descending upon him:

¹¹Zvino kwakaitika inzwi richibva kumatenga richiti: Iwe uri Mwanakomana wangu unodikamwa, wandinofara naye kwazvo.

¹¹And there came a voice from heaven, saying, Thou art my beloved Son, in whom I am well pleased.

¹²Zvino pakarepo Mweya wakamutinhira kurenje.

¹²And immediately the spirit driveth him into the wilderness.

¹³Akavako murenje mazuva makumi mana achiidzwa naSatani, uye wakange ane mhuka dzesango, vatumwa vachimushandira.

¹³And he was there in the wilderness forty days, tempted of Satan; and was with the wild beasts; and the angels ministered unto him.

¹⁴Zvino shure kwekukumikidzwa kwaJohwani, Jesu wakasvika muGarirea, achiparidza evhangeri yeushe hwaMwari,

¹⁴Now after that John was put in prison, Jesus came into Galilee, preaching the gospel of the kingdom of God,

¹⁵achiti: Nguva yazadziswa, uye ushe hwaMwari hwaswedera; tendeukai, mutende evhangeri.

¹⁵And saying, The time is fulfilled, and the kingdom of God is at hand: repent ye, and believe the gospel.

¹⁶Wakati achifamba-famba pagungwa reGarirea, akaona Simoni naAndiriya munin'ina wake vachikandira mumbure mugungwa; nekuti vakange vari varedzi.

¹⁶Now as he walked by the sea of Galilee, he saw Simon and Andrew his brother casting a net into the sea: for they were fishers.

¹⁷Jesu akati kwavari: Nditeverei, ndichakuitai muve varedzi vevanhu.

¹⁷And Jesus said unto them, Come ye after me, and I will make you to become fishers of men.

¹⁸Pakarepo vakasiya mimbure yavo, ndokumutevera.

¹⁸And straightway they forsook their nets, and followed him.

¹⁹Wakati apfuura zvishoma ipapo, akaona Jakobho waZebhedhi naJohwani munin'ina wake vari muchikepe vachigadzira mimbure.

¹⁹And when he had gone a little farther thence, he saw James the son of Zebedee, and John his brother, who also were in the ship mending their nets.

²⁰Pakarepo akavadana; ndokusiya baba vavo Zebhedhi muchikepe nevarikichi, vakamutevera.

²⁰And straightway he called them: and they left their father Zebedee in the ship with the hired servants, and went after him.

²¹Zvino vakapinda muKapenaume; zvino pakarepo nesabata wakapinda musinagoge, akadzidzisa.

²¹And they went into Capernaum; and straightway on the sabbath day he entered into the synagogue, and taught.

²²Vakashamisika nedzidziso yake; nekuti wakavadzidzisa seune simba, kwete sevanyori.

²²And they were astonished at his doctrine: for he taught them as one that had authority, and not as the scribes.

²³Zvino kwaiva musinagoge ravo nemunhu wakange ane mweya wetsvina, akadanidzira,

²³And there was in their synagogue a man with an unclean spirit; and he cried out,

²⁴achiti: Regai, tinei nemwi, Jesu weNazareta? Mauya kuzotiparadza here? Ndinokuzivai kuti ndimwi ani: Mutsvene waMwari.

²⁴Saying, Let us alone; what have we to do with thee, thou Jesus of Nazareth? art thou come to destroy us? I know thee who thou art, the Holy One of God.

²⁵Jesu ndokumutsiura achiti: Nyarara, ubude maari!

²⁵And Jesus rebuked him, saying, Hold thy peace, and come out of him.

²⁶Zvino mweya wetsvina wakati amugwinhisa, ndokudanidzira nenzwi guru, akabuda kwaari.

²⁶And when the unclean spirit had torn him, and cried with a loud voice, he came out of him.

²⁷Vakashamisika vose, kusvikira vavhunzana, vachiti: Chii ichi? Idzidziso itsva yei iyi? Nekuti nesimba unoraira kunyange mweya yakasviba, uye inomuteerera.

²⁷And they were all amazed, insomuch that they questioned among themselves, saying, What thing is this? what new doctrine is this? for with authority commandeth he even the unclean spirits, and they do obey him.

²⁸Zvino pakarepo shoko rake rikabudira panyika yose yakapoteredza Garirea.

²⁸And immediately his fame spread abroad throughout all the region round about Galilee.

²⁹Zvino pakarepo vakati vachibuda musinagoge, vakapinda mumba maSimoni naAndiriya, vaina Jakobho naJohwani.

²⁹And forthwith, when they were come out of the synagogue, they entered into the house of Simon and Andrew, with James and John.

³⁰Asi mbuyawasha vaSimoni vakange vavete vane fivhiri, pakarepo vakamuudza nezvavo;

³⁰But Simon's wife's mother lay sick of a fever, and anon they tell him of her.

³¹akaswedera, akavabata ruoko, akavamutsa; fivhiri ikavarega pakarepo, vakavashandira.

³¹And he came and took her by the hand, and lifted her up; and immediately the fever left her, and she ministered unto them.

³²Zvino ava madekwana, zuva rovira, vakaisa kwaari vose vakange vachirwara nevakange vane madhimoni.

³²And at even, when the sun did set, they brought unto him all that were diseased, and them that were possessed with devils.

³³Zvino guta rose rakange rakaungana pamukova.

³³And all the city was gathered together at the door.

³⁴Akaporesa vazhinji vakange vachirwara nezvirwere zvakasiyana siyana, nekubudisa madhimoni mazhinji; asi haana kutendera madhimoni kutaura, nekuti aimuziva.

³⁴And he healed many that were sick of divers diseases, and cast out many devils; and suffered not the devils to speak, because they knew him.

³⁵Zvino mangwanani kuchine rima guru, wakasimuka, akabuda, akaenda kunzvimbo murenje, akanonyengeterapo.

³⁵And in the morning, rising up a great while before day, he went out, and departed into a solitary place, and there prayed.

³⁶Simoni nevakange vanaye vakamutsvakisisa.

³⁶And Simon and they that were with him followed after him.

³⁷Zvino vakati vamuwana vakati kwaari: Vose vanokutsvakai.

³⁷And when they had found him, they said unto him, All men seek for thee.

³⁸Ndokubva ati kwavari: Ngatiende kumisha iri pedo, kuti ndinoparidzawo ikoko, nekuti ndizvo zvandakabudira.

³⁸And he said unto them, Let us go into the next towns, that I may preach there also: for therefore came I forth.

³⁹Akabva aparidza mumasinagoge avo paGarirea rose, achibudisa madhimoni.

³⁹And he preached in their synagogues throughout all Galilee, and cast out devils.

⁴⁰Zvino kwakauya kwaari une maperembudzi, achimukumbirisa ndokumufugamira achiti kwaari: Kana muchida munogona kundinatsa.

⁴⁰And there came a leper to him, beseeching him, and kneeling down to him, and saying unto him, If thou wilt, thou canst make me clean.

⁴¹Jesu akanzwa tsitsi, akatandavadza ruoko, akamubata akati kwaari: Ndinoda, natswa;

⁴¹And Jesus, moved with compassion, put forth his hand, and touched him, and saith unto him, I will; be thou clean.

⁴²achangotaura, maperembudzi akabva kwaari pakarepo, akanatswa.

⁴²And as soon as he had spoken, immediately the leprosy departed from him, and he was cleansed.

⁴³Zvino akamuraira zvikuru, akamurega achienda pakarepo,

⁴³And he straitly charged him, and forthwith sent him away;

⁴⁴akati kwaari: Ona kuti urege kuudza munhu chinhu; asi enda, uzviratidze kumupristi, ubayire pamusoro pekunatswa kwako zvinhu izvo Mozisi zvaakaraira, chive chapupu kwavari.

⁴⁴And saith unto him, See thou say nothing to any man: but go thy way, shew thyself to the priest, and offer for thy cleansing those things which Moses commanded, for a testimony unto them.

⁴⁵Asi iye wakabuda akatanga kuparidza zvikuru nekuvavaza kunze shoko iro, zvekuti wakange asingachagoni kupinda muguta pachena, asi wakange ari kunze kunzvimbo dzerenje. Vakauya kwaari vachibva kumativi ose.

⁴⁵But he went out, and began to publish it much, and to blaze abroad the matter, insomuch that Jesus could no more openly enter into the city, but was without in desert places: and they came to him from every quarter.