¹Shure kwemazuva maviri kwaiva nepasika nomutambo wechingwa chisina mbiriso; vapristi vakuru nevanyori ndokutsvaka kuti vangamubata sei neumhare vamuuraye.

¹After two days was the feast of the passover, and of unleavened bread: and the chief priests and the scribes sought how they might take him by craft, and put him to death.

²Asi vakati: Kwete pamutambo, zvimwe kungava nebongozozo revanhu.

²But they said, Not on the feast day, lest there be an uproar of the people.

³Zvino wakati ari paBhetaniya, mumba maSimoni wamaperembudzi, agere pakudya, kwakauya mukadzi, ane chinu chearibhasiteri* chechizoro chenaridho* chakakosha zvikuru; akaputsa chinu chearibhasiteri, akachidurura pamusoro wake.

³And being in Bethany in the house of Simon the leper, as he sat at meat, there came a woman having an alabaster box of ointment of spikenard very precious; and she brake the box, and poured it on his head.

⁴Asi kwaiva nevamwe vakatsamwa mukati mavo, vakati: Kutambisa ikoku kwechizoro kwaitirwei?

⁴And there were some that had indignation within themselves, and said, Why was this waste of the ointment made?

⁵Nekuti ichi chingadai chatengeswa nemadhenari* anopfuura mazana matatu, akapiwa varombo. Vakamutsutsumwira.

⁵For it might have been sold for more than three hundred pence, and have been given to the poor. And they murmured against her.

⁶Asi Jesu wakati: Musiyei; munomutambudzirei? Wandiitira basa rakanaka.

⁶And Jesus said, Let her alone; why trouble ye her? she hath wrought a good work on me.

⁷Nekuti varombo munavo nguva dzose, uye nguva ipi neipi yamunoda, munogona kuvaitira zvakanaka; asi ini hamuneni nguva dzose.

⁷For ye have the poor with you always, and whensoever ye will ye may do them good: but me ye have not always.

⁸Waita zvaanogona; wakagara azodzera muviri wangu kuvigwa.

⁸She hath done what she could: she is come aforehand to anoint my body to the burying.

⁹Zvirokwazvo ndinoti kwamuri: Kose kose kunozoparidzirwa evhangeri iyi panyika yose, zvaakaitawo zvicharehwa, chive chirangaridzo chake.

⁹Verily I say unto you, Wheresoever this gospel shall be preached throughout the whole world, this also that she hath done shall be spoken of for a memorial of her.

¹⁰Zvino Judhasi Isikariyoti, umwe wevanegumi nevaviri, wakaenda kuvaprisita vakuru, kuti amutengese kwavari.

¹⁰And Judas Iscariot, one of the twelve, went unto the chief priests, to betray him unto them.

¹¹Uye vakati vachizvinzwa, vakafara, vakavimbisa kumupa mari. Akatsvaka kuti ungamutengesa sei panguva yakafanira.

¹¹And when they heard it, they were glad, and promised to give him money. And he sought how he might conveniently betray him.

¹²Nezuva rekutanga rechingwa chisina mbiriso, pavaibaya pasika, vadzidzi vake vakati kwaari: Ndekupi kwamunoda kuti tiende kunogadzirira kuti mudye pasika?

¹²And the first day of unleavened bread, when they killed the passover, his disciples said unto him, Where wilt thou that we go and prepare that thou mayest eat the passover?

¹³Akatuma vaviri vevadzidzi vake, akati kwavari: Endai muguta, ipapo munhu uchasangana nemwi akatakura chirongo chemvura; mumutevere,

¹³And he sendeth forth two of his disciples, and saith unto them, Go ye into the city, and there shall meet you a man bearing a pitcher of water: follow him.

¹⁴uye chero paanenge apinda, muti kumwene weimba: Mudzidzisi wati: Imba yevaeni iripi, pandichadyira pasika nevadzidzi vangu?

¹⁴And wheresoever he shall go in, say ye to the goodman of the house, The Master saith, Where is the guestchamber, where I shall eat the passover with my disciples?

¹⁵Uye iye uchakutaridzai imba huru yekumusoro yakarongedzwa, yakagadzirwa; tigadzirirei ipapo.

¹⁵And he will shew you a large upper room furnished and prepared: there make ready for us.

¹⁶Vadzidzi vake vakabuda, vakasvika muguta, vakawana sezvaakange areva kwavari; vakagadzirira pasika.

¹⁶And his disciples went forth, and came into the city, and found as he had said unto them: and they made ready the passover.

¹⁷Kuzoti ava madekwani akasvika nevanegumi nevaviri.

¹⁷And in the evening he cometh with the twelve.

¹⁸Zvino vakati vagara vachidya, Jesu akati: Zvirokwazvo ndinoti kwamuri: Umwe wenyu unodya neni uchanditengesa.

¹⁸And as they sat and did eat, Jesus said, Verily I say unto you, One of you which eateth with me shall betray me.

¹⁹Ndokubva vatanga kushungurudzika, umwe neumwe akati kwaari: Zirokwazvo handisi ini here? neumwe: Zvirokwazvo handisi ini here?

¹⁹And they began to be sorrowful, and to say unto him one by one, Is it I? and another said, Is it I?

²⁰Asi wakapindura akati kwavari: Umwe wevanegumi nevaviri, unoseva neni mundiro.

²⁰And he answered and said unto them, It is one of the twelve, that dippeth with me in the dish.

²¹Mwanakomana wemunhu unoenda zvirokwazvo, sezvazvakanyorwa pamusoro pake; asi une nhamo munhu uyo, Mwanakomana wemunhu waanotengeswa naye! Zvaiva nani kwaari kana munhu uyo aiva asina kuzvarwa.

²¹The Son of man indeed goeth, as it is written of him: but woe to that man by whom the Son of man is betrayed! good were it for that man if he had never been born.

²²Zvino vakati vachidya, Jesu akatora chingwa, akaropafadza, akamedura, ndokupa kwavari, akati: Torai, idyai, ichi ndicho muviri wangu.

²²And as they did eat, Jesus took bread, and blessed, and brake it, and gave to them, and said, Take, eat: this is my body.

²³Akatora mukombe, akati avonga akapa kwavari, vakamwa vose pauri.

²³And he took the cup, and when he had given thanks, he gave it to them: and they all drank of it.

²⁴Zvino akati kwavari: Iri iropa rangu, iro resungano itsva, rinoteurirwa vazhinji.

²⁴And he said unto them, This is my blood of the new testament, which is shed for many.

²⁵Zvirokwazvo ndinoti kwamuri: Handichazotongomwi zvechibereko chemuzambiringa, kusvikira zuva iro randichazochimwa naro chava chitsva muushe hwaMwari.

²⁵Verily I say unto you, I will drink no more of the fruit of the vine, until that day that I drink it new in the kingdom of God.

²⁶Zvino vakati vaimba rwiyo rwekurumbidza vakabuda vakaenda kugomo reMiorivhi.

²⁶And when they had sung an hymn, they went out into the mount of Olives.

²⁷Zvino Jesu akati kwavari: Mose muchagumburwa nekuda kwangu usiku huno, nekuti kwakanyorwa kuchinzi: Ndicharova mufudzi, makwai agopararira.

²⁷And Jesus saith unto them, All ye shall be offended because of me this night: for it is written, I will smite the shepherd, and the sheep shall be scattered.

²⁸Asi shure kwekumutswa kwangu, ndichatungamira kuenda kuGarirea.

²⁸But after that I am risen, I will go before you into Galilee.

²⁹Asi Petro akati kwaari: Kunyange vose vakagumburwa, asi kwete ini.

²⁹But Peter said unto him, Although all shall be offended, yet will not I.

³⁰Jesu ndokuti kwaari: Zvirokwazvo ndinoti kwauri: Nhasi, neusiku huno, jongwe risati rarira kaviri, uchandiramba katatu.

³⁰And Jesus saith unto him, Verily I say unto thee, That this day, even in this night, before the cock crow twice, thou shalt deny me thrice.

³¹Asi iye wakareva zvakanyanya kusimba, achiti: Kunyange ndikatofanira kufa nemwi, handingatongokurambiyi. Nevosewo vakadaro.

³¹But he spake the more vehemently, If I should die with thee, I will not deny thee in any wise. Likewise also said they all.

³²Zvino vakasvika panzvimbo yainzi Getsemani; akati kuvadzidzi vake: Garai pano, ndichindonyengetera.

³²And they came to a place which was named Gethsemane: and he saith to his disciples, Sit ye here, while I shall pray.

³³Akatora pamwe naye Petro naJakobho naJohwani, akatanga kuvhunduka nekunetseka zvikuru.

³³And he taketh with him Peter and James and John, and began to be sore amazed, and to be very heavy;

³⁴Akati kwavari: Mweya wangu unoshungurudzika kwazvo kusvikira pakufa; garai pano murinde.

³⁴And saith unto them, My soul is exceeding sorrowful unto death: tarry ye here, and watch.

³⁵Akapfuura zvishoma, akawira pasi, akanyengetera, kuti kana zvaibvira, nguva ipfuure kwaari.

³⁵And he went forward a little, and fell on the ground, and prayed that, if it were possible, the hour might pass from him.

³⁶Zvino akati: Abha*, Baba, zvinhu zvose zvinogoneka kwamuri. Bvisai mukombe uyu kwandiri, asi kwete zvandinoda ini, asi zvamunoda imwi.

³⁶And he said, Abba, Father, all things are possible unto thee; take away this cup from me: nevertheless not what I will, but what thou wilt.

³⁷Zvino akasvika, akavawana vavete; akati kuna Petro: Simoni, uvete here? Wakonewa kurinda awa rimwe here?

³⁷And he cometh, and findeth them sleeping, and saith unto Peter, Simon, sleepest thou? couldest not thou watch one hour?

³⁸Rindai munyengetere, kuti murege kupinda mumuedzo. Mweya unoda hawo, asi nyama ine utera.

³⁸Watch ye and pray, lest ye enter into temptation. The spirit truly is ready, but the flesh is weak.

³⁹Akaendazve, akanyengetera achireva mashoko mwamwechete.

³⁹And again he went away, and prayed, and spake the same words.

⁴⁰Zvino paakadzoka, akavawana vavatazve, nekuti meso avo akange orema; vakasaziva zvavangamupindura.

⁴⁰And when he returned, he found them asleep again, (for their eyes were heavy,) neither wist they what to answer him.

⁴¹Akauya rwechitatu, akati kwavari: Chirambai muvete zvino muzorore. Zvaringana; nguva yasvika; tarirai, Mwanakomana wemunhu wokumikidzwa mumaoko avatadzi.

⁴¹And he cometh the third time, and saith unto them, Sleep on now, and take your rest: it is enough, the hour is come; behold, the Son of man is betrayed into the hands of sinners.

⁴²Simukai, tiende; tarirai, wonditengesa wava pedo.

⁴²Rise up, let us go; lo, he that betrayeth me is at hand.

⁴³Pakarepo achataura, Judhasi akasvika, umwe wevanegumi nevaviri, chaunga chikuru chinaye chine minondo netsvimbo, chichibva kuvapristi vakuru nevanyori nevakuru.

⁴³And immediately, while he yet spake, cometh Judas, one of the twelve, and with him a great multitude with swords and staves, from the chief priests and the scribes and the elders.

⁴⁴Zvino iye wakamutengesa wakange avapa chiratidzo, achiti: Uyo wandinongotsvoda ndiye; mumutore muende naye makamuchengetedza.

⁴⁴And he that betrayed him had given them a token, saying, Whomsoever I shall kiss, that same is he; take him, and lead him away safely.

⁴⁵Zvino wakati asvika, pakarepo akaswedera kwaari akati: Rabhi*! Rabhi! Akamutsvoda.

⁴⁵And as soon as he was come, he goeth straightway to him, and saith, Master, master; and kissed him.

⁴⁶Vakabva vaisa maoko avo kwaari, vakamubata.

⁴⁶And they laid their hands on him, and took him.

⁴⁷Zvino umwe wevakange vamirepo wakavhomora munondo akatema muranda wemupristi mukuru, akagura nzeve yake.

⁴⁷And one of them that stood by drew a sword, and smote a servant of the high priest, and cut off his ear.

⁴⁸Zvino Jesu akapindura akati kwavari: Mabuda semakanangana negororo neminondo netsvimbo kuzondibata here?

⁴⁸And Jesus answered and said unto them, Are ye come out, as against a thief, with swords and with staves to take me?

⁴⁹Ndakange ndinemwi mutembere zuva nezuva ndichidzidzisa, asi hamuna kundibata, asi izvi zvaitwa kuti magwaro azadziswe.

⁴⁹I was daily with you in the temple teaching, and ye took me not: but the scriptures must be fulfilled.

⁵⁰Vose ndokumusiya vakatiza.

⁵⁰And they all forsook him, and fled.

⁵¹Zvino rimwe jaya rakamutevera, rakamonera mucheka werineni rakashama. Majaya akaribata;

⁵¹And there followed him a certain young man, having a linen cloth cast about his naked body; and the young men laid hold on him:

⁵²ndokubva rasiya mucheka werineni, rikavatiza rakashama.

⁵²And he left the linen cloth, and fled from them naked.

⁵³Zvino vakaendesa Jesu kumupristi mukuru; vakaunganira kwaari vapristi vakuru vose nevakuru nevanyori.

⁵³And they led Jesus away to the high priest: and with him were assembled all the chief priests and the elders and the scribes.

⁵⁴Petro akamutevera ari kure kusvikira mukati meruvanze rwomupristi mukuru; akange agere pamwe nevaranda, achidziya moto.

⁵⁴And Peter followed him afar off, even into the palace of the high priest: and he sat with the servants, and warmed himself at the fire.

⁵⁵Zvino vapristi vakuru nedare rose remakurukota vakatsvaka uchapupu hwakanangana naJesu, kuti vamuuraye; asi havana kuhuwana.

⁵⁵And the chief priests and all the council sought for witness against Jesus to put him to death; and found none.

⁵⁶Nekuti vazhinji vaimupupurira nhema, asi uchapupu hauna kupindirana.

⁵⁶For many bare false witness against him, but their witness agreed not together.

⁵⁷Ndokubva kwasimuka vamwe vakamupupurira nhema vachiti:

⁵⁷And there arose certain, and bare false witness against him, saying,

⁵⁸Isu takamunzwa achiti: Ini ndichaputsa tembere iyi yakaitwa nemaoko, uye mumazuva matatu ndichavaka imwe isina kuitwa nemaoko.

⁵⁸We heard him say, I will destroy this temple that is made with hands, and within three days I will build another made without hands.

⁵⁹Asi kunyange zvakadaro uchapupu hwavo hauna kupindirana.

⁵⁹But neither so did their witness agree together.

⁶⁰Zvino mupristi mukuru akasimuka pakati pavo, akabvunza Jesu, achiti: Haupinduri chinhu here? Vanopupurei ava chakanangana newe?

⁶⁰And the high priest stood up in the midst, and asked Jesus, saying, Answerest thou nothing? what is it which these witness against thee?

⁶¹Asi wakanyarara, akasapindura chinhu. Mupristi mukuru akamubvunzazve, akati kwaari: Iwe uri Kristu, Mwanakomana woWakaropafadzwa here?

⁶¹But he held his peace, and answered nothing. Again the high priest asked him, and said unto him, Art thou the Christ, the Son of the Blessed?

⁶²Jesu akati: Ndini iye. Uye muchaona Mwanakomana wemunhu agere kuruoko rwerudyi rwesimba, achiuya nemakore ekudenga.

⁶²And Jesus said, I am: and ye shall see the Son of man sitting on the right hand of power, and coming in the clouds of heaven.

⁶³Mupristi mukuru ndokubvarura nguvo dzake akati: Tichadirei zvapupu?

⁶³Then the high priest rent his clothes, and saith, What need we any further witnesses?

⁶⁴Manzwa kunyomba; munofungei? Zvino vose vakamurasha kuti ave nemhosva yerufu.

⁶⁴Ye have heard the blasphemy: what think ye? And they all condemned him to be guilty of death.

⁶⁵Vamwe vakatanga kumupfira, nekufukidza chiso chake, nekumurova netsiva, nekuti kwaari: Porofita! Varanda vakamurova nembama dzamaoko avo.

⁶⁵And some began to spit on him, and to cover his face, and to buffet him, and to say unto him, Prophesy: and the servants did strike him with the palms of their hands.

⁶⁶Zvino Petro achiri paruvanze pasi, pakasvika umwe wevarandakadzi vemupristi mukuru;

⁶⁶And as Peter was beneath in the palace, there cometh one of the maids of the high priest:

⁶⁷achiona Petro achizvidziyisa, akamutarira akati: Iwewo wakange una Jesu weNazareta.

⁶⁷And when she saw Peter warming himself, she looked upon him, and said, And thou also wast with Jesus of Nazareth.

⁶⁸Asi wakaramba, achiti: Handizivi kana kunzwisisa zvaunoreva. Akabuda panze akaenda kumusuwo; jongwe rikarira.

⁶⁸But he denied, saying, I know not, neither understand I what thou sayest. And he went out into the porch; and the cock crew.

⁶⁹Zvino murandakadzi akamuonazve, akatanga kuti kuna vakange vamirepo: Uyu ndewavo.

⁶⁹And a maid saw him again, and began to say to them that stood by, This is one of them.

⁷⁰Asi wakarambazve. Zvino shure kwechinguvana, vakange vamirepo vakatizve kuna Petro: Zvirokwazvo, uri wavo, nekuti newe uri muGarirea nemutauro wako unotenderana nazvo.

⁷⁰And he denied it again. And a little after, they that stood by said again to Peter, Surely thou art one of them: for thou art a Galilaean, and thy speech agreeth thereto.

⁷¹Akatanga kupa rushambwa nekupika, achiti: Handimuzivi munhu uyu wamunoreva.

⁷¹But he began to curse and to swear, saying, I know not this man of whom ye speak.

⁷²Zvino jongwe rikarira rwechipiri. Petro ndokurangarira shoko Jesu raakange areva kwaari rekuti: Jongwe risati rarira kaviri, uchandiramba katatu. Zvino wakati achifunga izvozvo akachema.

⁷²And the second time the cock crew. And Peter called to mind the word that Jesus said unto him, Before the cock crow twice, thou shalt deny me thrice. And when he thought thereon, he wept.