¹Nekuti ushe hwekumatenga hwakafanana nemunhu, mwene weimba, wakabuda mangwanani-ngwanani kunopinza basa vashandi mumunda wake wemizambiringa.

¹For the kingdom of heaven is like unto a man that is an householder, which went out early in the morning to hire labourers into his vineyard.

²Wakati atenderana nevabati padhenari* pazuva, akavatuma kumunda wake wemizambiringa.

²And when he had agreed with the labourers for a penny a day, he sent them into his vineyard.

³Akabuda neawa rinenge rechitatu, akaona vamwe vamire pamusika, vasina chekuita;

³And he went out about the third hour, and saw others standing idle in the marketplace,

⁴akati kwavariwo: Endai imwiwo mumunda wemizambiringa, ndigokupai chero zvakafanira. Vakaendawo.

⁴And said unto them; Go ye also into the vineyard, and whatsoever is right I will give you. And they went their way.

⁵Akabudazve neawa rinenge rechitanhatu nerepfumbamwe, akaita saizvozvo.

⁵Again he went out about the sixth and ninth hour, and did likewise.

⁶Zvino neawa rinenge regumi nerimwe wakabuda, akawana vamwe vamire vasina chekuita, akati kwavari: Makamirirei pano zuva rose musina chekuita?

⁶And about the eleventh hour he went out, and found others standing idle, and saith unto them, Why stand ye here all the day idle?

⁷Vakati kwaari: Nekuti hapana munhu wakatipinza basa. Akati kwavari: Endai nemwiwo mumunda wemizambiringa, muchagamuchira zvose zvakafanira.

⁷They say unto him, Because no man hath hired us. He saith unto them, Go ye also into the vineyard; and whatsoever is right, that shall ye receive.

⁸Kuzoti ava madekwana, mwene wemunda wemizambiringa wakati kumutariri wake: Dana vabati, uvape mubairo, uchitanga kune vekupedzisira, kusvikira kune vekutanga.

⁸So when even was come, the lord of the vineyard saith unto his steward, Call the labourers, and give them their hire, beginning from the last unto the first.

⁹Zvino vakati vachiuya veawa rinenge regumi nerimwe, vakagamuchira umwe neumwe dhenari*.

⁹And when they came that were hired about the eleventh hour, they received every man a penny.

¹⁰Asi vekutanga vakati vachiuya, vakafunga kuti vachagamuchira zvakapfuura; asi ivo vakagamuchira umwe neumwe dhenari*.

¹⁰But when the first came, they supposed that they should have received more; and they likewise received every man a penny.

¹¹Vakati vagamuchira vakagunun'unira mwene weimba,

¹¹And when they had received it, they murmured against the goodman of the house,

¹²vachiti: Ava vekupedzisira, vakabata awa rimwe chete, asi mavaenzanisa nesu takatakura mutoro wezuva nekupisa.

¹²Saying, These last have wrought but one hour, and thou hast made them equal unto us, which have borne the burden and heat of the day.

¹³Asi wakapindura akati kune umwe wavo: Shamwari, handikuitiri zvisakarurama; hauna kutenderana here neni padhenari*?

¹³But he answered one of them, and said, Friend, I do thee no wrong: didst not thou agree with me for a penny?

¹⁴Tora zvako uende; ndinoda kupa kune uyu wekupedzisira sewewo.

¹⁴Take that thine is, and go thy way: I will give unto this last, even as unto thee.

¹⁵Ko handitenderwi kuita zvandinoda nezvangu here? Ziso rako rakaipa, nekuti ini ndakanaka here?

¹⁵Is it not lawful for me to do what I will with mine own? Is thine eye evil, because I am good?

¹⁶Saizvozvo vekupedzisira vachava vekutanga, nevekutanga vekupedzisira; nekuti vazhinji vakadamwa, asi vashoma vachasarudzwa.

¹⁶So the last shall be first, and the first last: for many be called, but few chosen.

¹⁷Jesu wakati okwira kuJerusarema akatora vadzidzi gumi nevaviri vari vega munzira, akati kwavari:

¹⁷And Jesus going up to Jerusalem took the twelve disciples apart in the way, and said unto them,

¹⁸Tarirai, tinokwira kuJerusarema, zvino Mwanakomana wemunhu uchakumikidzwa kuvapristi vakuru nevanyori, vachamutongera rufu.

¹⁸Behold, we go up to Jerusalem; and the Son of man shall be betrayed unto the chief priests and unto the scribes, and they shall condemn him to death,

¹⁹Vachamukumikidza kuvahedheni, kuti vasveveredze, varove netyava, nekuroverera pamuchinjikwa; asi nezuva retatu uchamuka.

¹⁹And shall deliver him to the Gentiles to mock, and to scourge, and to crucify him: and the third day he shall rise again.

²⁰Zvino kwakauya kwaari mai vevanakomana vaZebhedhi nevanakomana vavo, vakagwadama vachikumbira chimwe chinhu kwaari.

²⁰Then came to him the mother of Zebedees children with her sons, worshipping him, and desiring a certain thing of him.

²¹Akati kwavari: Munodei? Vakati kwaari: Rairai kuti vanakomana vangu ava vaviri vagare, umwe kuruoko rwenyu rwerudyi, umwe kuruboshwe, muushe hwenyu.

²¹And he said unto her, What wilt thou? She saith unto him, Grant that these my two sons may sit, the one on thy right hand, and the other on the left, in thy kingdom.

²²Asi Jesu akapindura, akati: Hamuzivi chamunokumbira. Mungagona kumwa mukombe wandichamwa ini here, uye kubhabhatidzwa nerubhabhatidzo rwandinobhabhatidzwa narwo ini? Vakati kwaari: Tinogona.

²²But Jesus answered and said, Ye know not what ye ask. Are ye able to drink of the cup that I shall drink of, and to be baptized with the baptism that I am baptized with? They say unto him, We are able.

²³Akati kwavari: Muchamwa zvirokwazvo mukombe wangu, nekubhabhatidzwa nerubhabhatidzo rwandinobhabhatidzwa narwo ini; asi kugara kuruoko rwangu rwerudyi, nekuruboshwe rwangu, hazvisi zvangu kuti ndipe, asi ndezvevakazvigadzirirwa naBaba vangu.

²³And he saith unto them, Ye shall drink indeed of my cup, and be baptized with the baptism that I am baptized with: but to sit on my right hand, and on my left, is not mine to give, but it shall be given to them for whom it is prepared of my Father.

²⁴Vanegumi vakati vanzwa, vakatsamwira avo mukoma nemunin'ina vaviri.

²⁴And when the ten heard it, they were moved with indignation against the two brethren.

²⁵Asi Jesu akavadanira kwaari, akati: Munoziva kuti vatungamiriri vechirudzi vanovatsikirira, nevakuru vanoratidza simba pamusoro pavo.

²⁵But Jesus called them unto him, and said, Ye know that the princes of the Gentiles exercise dominion over them, and they that are great exercise authority upon them.

²⁶Asi hazvingazodaro pakati penyu; asi ani nani unoda kuva mukuru pakati penyu, ngaave mushandiri wenyu.

²⁶But it shall not be so among you: but whosoever will be great among you, let him be your minister;

²⁷Ani nani unoda kuva wekutanga pakati penyu, ngaave muranda wenyu.

²⁷And whosoever will be chief among you, let him be your servant:

²⁸SeMwanakomana wemunhu usina kuuya kuzoshandirwa, asi kuzoshandira, nekupa upenyu hwake rwuve rudzikinuro rwevazhinji.

²⁸Even as the Son of man came not to be ministered unto, but to minister, and to give his life a ransom for many.

²⁹Vakati vachibuda Jeriko, chaunga chikuru chikamutevera.

²⁹And as they departed from Jericho, a great multitude followed him.

³⁰Zvino tarira, mapofu maviri agere parutivi rwenzira, akati achinzwa kuti Jesu wopfuura, akadanidzira, achiti: Tinzwirei tsitsi, Ishe, Mwanakomana waDhavhidhi!

³⁰And, behold, two blind men sitting by the way side, when they heard that Jesus passed by, cried out, saying, Have mercy on us, O Lord, thou son of David.

³¹Chaunga chikaatsiura kuti anyarare; asi akanyanya kudanidzira, achiti: Tinzwirei tsitsi, Ishe, Mwanakomana waDhavhidhi!

³¹And the multitude rebuked them, because they should hold their peace: but they cried the more, saying, Have mercy on us, O Lord, thou son of David.

³²Jesu ndokumira, akaadana, akati: Munoda kuti ndikuitirei?

³²And Jesus stood still, and called them, and said, What will ye that I shall do unto you?

³³Akati kwaari: Ishe, kuti meso edu asvinudzwe:

³³They say unto him, Lord, that our eyes may be opened.

³⁴Jesu akanzwa tsitsi, akabata meso awo; pakarepo meso awo akaonazve, akamutevera.

³⁴So Jesus had compassion on them, and touched their eyes: and immediately their eyes received sight, and they followed him.