¹Ko muJudha uri nani nei? Kana kudzingiswa kune mubairo wei?

¹What advantage then hath the Jew? or what profit is there of circumcision?

²Zvizhinji nemitoo yose; nekuti pakutanga kuti vakabatiswa mashoko aMwari.

²Much every way: chiefly, because that unto them were committed the oracles of God.

³Zvino kana vamwe vasina rutendo? Kusatenda kwavo kuchashayisa kutendeka kwaMwari maturo here?

³For what if some did not believe? shall their unbelief make the faith of God without effect?

⁴Ngazvisadaro! asi Mwari ngaave wechokwadi, asi munhu wose murevi wenhema; sezvazvakanyorwa zvichinzi: Kuti mururamiswe pamashoko enyu, uye mukunde pakutongwa kwenyu.

⁴God forbid: yea, let God be true, but every man a liar; as it is written, That thou mightest be justified in thy sayings, and mightest overcome when thou art judged.

⁵Asi kana kusarurama kwedu kuchiratidza kururama kwaMwari, tichatii? Kuti Mwari haana kururama here, zvaanodurura hasha?(Ndinotaura semunhu.)

⁵But if our unrighteousness commend the righteousness of God, what shall we say? Is God unrighteous who taketh vengeance? (I speak as a man)

⁶Ngazvisadaro! kana zvikasadaro Mwari ungagozotonga nyika sei?

⁶God forbid: for then how shall God judge the world?

⁷Zvino kana chokwadi chaMwari chawanzwa kubudikidza nenhema dzangu parumbidzo yake, ko iniwo ndichiri kutongerwei semutadzi?

⁷For if the truth of God hath more abounded through my lie unto his glory; why yet am I also judged as a sinner?

⁸Uye kana zvikadai, tichapomerwa zvakaipa uye sezvinopupura vamwe vachiti tinoti: Ngatiite zvakaipa kuti zvakanaka zviuye? Kurashwa kwavo kuve kwekururama.

⁸And not rather, (as we be slanderously reported, and as some affirm that we say,) Let us do evil, that good may come? whose damnation is just.

⁹Ko zvino-ke? Tiri nani here? Kwete nepaduku pose; nekuti tambopa vose mhosva, vaJudha nevaGiriki, kuti vose vari pasi pechivi;

⁹What then? are we better than they? No, in no wise: for we have before proved both Jews and Gentiles, that they are all under sin;

¹⁰sezvazvakanyorwa, zvichinzi: Hakuna wakarurama, kwete kunyange neumwe;

¹⁰As it is written, There is none righteous, no, not one:

¹¹hakuna unonzwisisa; hakuna unotsvaka Mwari;

¹¹There is none that understandeth, there is none that seeketh after God.

¹²vose vakatsauka, vakava pamwe vasina maturo, Hakuna unoita zvakanaka, kwete kunyange neumwe;

¹²They are all gone out of the way, they are together become unprofitable; there is none that doeth good, no, not one.

¹³Huro yavo iguva rakashama; nendimi dzavo vakanyengera; uturu hwemhungu hwuri pasi pemiromo yavo;

¹³Their throat is an open sepulchre; with their tongues they have used deceit; the poison of asps is under their lips:

¹⁴Muromo wavo uzere nekutuka nekuvava;

¹⁴Whose mouth is full of cursing and bitterness:

¹⁵tsoka dzavo dzinokurumidza kuteura ropa;

¹⁵Their feet are swift to shed blood:

¹⁶Kuparadza nekutambudzika zviri munzira dzavo;

¹⁶Destruction and misery are in their ways:

¹⁷uye nzira yerugare havana kuiziva;

¹⁷And the way of peace have they not known:

¹⁸kutya Mwari hakupo pamberi pemeso avo.

¹⁸There is no fear of God before their eyes.

¹⁹Zvino toziva kuti zvinhu zvose zvinorehwa nemurairo zvinoreva kune vose vari pasi pomurairo; kuti miromo yose idzivirwe, nenyika yose ive nemhosva pamberi paMwari.

¹⁹Now we know that what things soever the law saith, it saith to them who are under the law: that every mouth may be stopped, and all the world may become guilty before God.

²⁰Naizvozvo kubudikidza nemabasa emurairo, hakuna nyama inganzi yakarurama pamberi pake; nekuti zvivi zvinoziviswa nemurairo.

²⁰Therefore by the deeds of the law there shall no flesh be justified in his sight: for by the law is the knowledge of sin.

²¹Asi zvino kururama kwaMwari kwakaratidzwa pasina murairo, kuchipupurwa nezvako nemurairo nevaporofita;

²¹But now the righteousness of God without the law is manifested, being witnessed by the law and the prophets;

²²kunyange kururama kwaMwari nerutendo rwaJesu Kristu kune vose nepamusoro pevose vanotenda; nekuti hapana musiyano;

²²Even the righteousness of God which is by faith of Jesus Christ unto all and upon all them that believe: for there is no difference:

²³nekuti vose vakatadza vakataira pakubwinya kwaMwari.

²³For all have sinned, and come short of the glory of God;

²⁴Vachinzi havana mhosva pachena nenyasha dzake kubudikidza nerudzikunuro rwuri muna Kristu Jesu.

²⁴Being justified freely by his grace through the redemption that is in Christ Jesus:

²⁵Iye wakagadzwa naMwari, kuva mumiririri kubudikidza nerutendo muropa rake, kuratidza kururama kwake, nekusarangarira zvivi zvakaitwa kare mukuva nemoyo murefu kwaMwari;

²⁵Whom God hath set forth to be a propitiation through faith in his blood, to declare his righteousness for the remission of sins that are past, through the forbearance of God;

²⁶kuti chive chiratidzo chekururama kwake panguva ino, kuti ave wakarurama uye mururamisi werutendo rwaJesu.

²⁶To declare, I say, at this time his righteousness: that he might be just, and the justifier of him which believeth in Jesus.

²⁷Zvino kuzvikudza kuripi? Kwasiiwa kunze. Nemurairo upi? Wemabasa here? Kwete, asi nemurairo werutendo.

²⁷Where is boasting then? It is excluded. By what law? of works? Nay: but by the law of faith.

²⁸Naizvozvo tinogura kuti munhu unoruramiswa nerutendo pasina mabasa emurairo.

²⁸Therefore we conclude that a man is justified by faith without the deeds of the law.

²⁹NdiMwari wevaJudha voga here? Haasi wevahedheniwo here? Hongu, wevahedheniwo;

²⁹Is he the God of the Jews only? is he not also of the Gentiles? Yes, of the Gentiles also:

³⁰Mwari zvaari mumwe, ucharuramisa kudzingiswa kubudikidza nerutendo, nekusadzingiswa kubudikidza nerutendo.

³⁰Seeing it is one God, which shall justify the circumcision by faith, and uncircumcision through faith.

³¹Zvino tinoshayisa maturo murairo nerutendo here? Ngazvisadaro! Asi tinosimbisa murairo.

³¹Do we then make void the law through faith? God forbid: yea, we establish the law.