¹Zvino Sauro wakange achitenderana nerufu rwake. Zvino pazuva iro kwamuka kushushwa kukuru kwakanangana nekereke yaiva paJerusarema; vose ndokuparadzirwa kunyika dzeJudhiya neSamaria, kunze kwevaapositori.

¹And Saul was assenting to his death, and there came in that day a great persecution upon the assembly in Jerusalem, all also were scattered abroad in the regions of Judea and Samaria, except the apostles;

²Varume vaitenda vakaviga Sitefano, vakamuchema zvikuru.

²and devout men carried away Stephen, and made great lamentation over him;

³Asi Sauro wakaparadza kereke, achipinda muimba imwe neimwe, achikakata varume nevakadzi nekukumikidza mutirongo.

³and Saul was making havoc of the assembly, into every house entering, and haling men and women, was giving them up to prison;

⁴Naizvozvo avo vakange vaparadzirwa vakagura vachiparidza shoko.

⁴they then indeed, having been scattered, went abroad proclaiming good news — the word.

⁵Firipi ndokuburukira kuguta reSamaria, akaparidza Kristu kwavari.

⁵And Philip having gone down to a city of Samaria, was preaching to them the Christ,

⁶Zvaunga ndokuteerera nemoyo umwe kuzvinhu zvinotaurwa naFiripi, vachinzwa nekuona zviratidzo zvaaiita.

⁶the multitudes also were giving heed to the things spoken by Philip, with one accord, in their hearing and seeing the signs that he was doing,

⁷Nekuti mweya yetsvina yakabuda kuvazhinji vaiva vakabatwa, ichidanidzira nenzwi guru; nevazhinji vakange vakafa mitezo nevaikamhina vakaporeswa.

⁷for unclean spirits came forth from many who were possessed, crying with a loud voice, and many who have been paralytic and lame were healed,

⁸Zvino kwakava nemufaro mukuru muguta iro.

⁸and there was great joy in that city.

⁹Zvino umwe murume, wainzi Simoni, waimboita un'anga paguta, achishamisa rudzi rweSamaria, achizviti munhu mukuru;

⁹And a certain man, by name Simon, was before in the city using magic, and amazing the nation of Samaria, saying himself to be a certain great one,

¹⁰wavaiteerera vose kubva kumuduku kusvika kumukuru, vachiti: Uyu isimba guru raMwari.

¹⁰to whom they were all giving heed, from small unto great, saying, `This one is the great power of God;`

¹¹Zvino vaimuteerera, nekuti wakange avashamisa neun'anga nguva refu.

¹¹and they were giving heed to him, because of his having for a long time amazed them with deeds of magic.

¹²Zvino vakati vatenda Firipi achiparidza mashoko akanaka nezveushe hwaMwari uye nezvezita raJesu Kristu, vakabhabhatidzwa vose varume nevakadzi.

¹²And when they believed Philip, proclaiming good news, the things concerning the reign of God and the name of Jesus Christ, they were baptized both men and women;

¹³NaSimoniwo pachake wakatenda, zvino wakati abhabhatidzwa, wakagara naFiripi; akashamisika, achiona mabasa esimba nezviratidzo zvaiitwa.

¹³and Simon also himself did believe, and, having been baptized, he was continuing with Philip, beholding also signs and mighty acts being done, he was amazed.

¹⁴Zvino vaapositori vaiva paJerusarema vakati vanzwa kuti Samaria yagamuchira shoko raMwari, vakatumira kwavari Petro naJohwani;

¹⁴And the apostles in Jerusalem having heard that Samaria hath received the word of God, did send unto them Peter and John,

¹⁵ivo vakati vaburukirako vakavanyengeterera, kuti vagamuchire Mweya Mutsvene;

¹⁵who having come down did pray concerning them, that they may receive the Holy Spirit, —

¹⁶nekuti wakange asati aburukira pamusoro peumwe wavo, asi vakange vabhabhatidzwa muzita raIshe Jesu chete.

¹⁶for as yet he was fallen upon none of them, and only they have been baptized — to the name of the Lord Jesus;

¹⁷Ipapo vakaisa maoko pamusoro pavo, zvino vakagamuchira Mweya Mutsvene.

¹⁷then were they laying hands on them, and they received the Holy Spirit.

¹⁸Zvino Simoni wakati aona kuti nekuiswa kwemaoko evaapositori Mweya Mutsvene waipiwa, akauisa mari kwavari,

¹⁸And Simon, having beheld that through the laying on of the hands of the apostles, the Holy Spirit is given, brought before them money,

¹⁹achiti: Ndipei iniwo simba iri, kuti pana ani nani wandinoisa maoko pamusoro, agamuchire Mweya Mutsvene.

¹⁹saying, `Give also to me this authority, that on whomsoever I may lay the hands, he may receive the Holy Spirit.`

²⁰Asi Petro wakati kwaari: Sirivheri yako pamwe newe ngazvive zvekuparadzwa, nekuti wafunga kuti chipo chaMwari chingawanikwa nemari.

²⁰And Peter said unto him, `Thy silver with thee — may it be to destruction! because the gift of God thou didst think to possess through money;

²¹Hauna mugove kana nhaka pashoko iri. Nekuti moyo wako hauna kururama pamberi paMwari.

²¹thou hast neither part nor lot in this thing, for thy heart is not right before God;

²²Naizvozvo tendeuka pakuipa kwako uku, ukumbirise Mwari, kuti zvimwe murangariro wemwoyo wako uukangamwirwe.

²²reform, therefore, from this thy wickedness, and beseech God, if then the purpose of thy heart may be forgiven thee,

²³Nekuti ndinoona kuti uri munduru inovava, uye musungo weuipi.

²³for in the gall of bitterness, and bond of unrighteousness, I perceive thee being.`

²⁴Zvino Simoni akapindura akati: Ndikumbirirei imwi kuna Ishe, kuti pasava nechimwe chezvinhu izvi zvamataura chingawira pamusoro pangu.

²⁴And Simon answering, said, `Beseech ye for me unto the Lord, that nothing may come upon me of the things ye have spoken.`

²⁵Naizvozvo vakati vapupura nekutaura shoko raIshe, vakadzokera kuJerusarema, uye vakaparidza evhangeri mumisha mizhinji yevaSamaria.

²⁵They indeed, therefore, having testified fully, and spoken the word of the Lord, did turn back to Jerusalem; in many villages also of the Samaritans they did proclaim good news.

²⁶Zvino mutumwa waIshe wakataura kuna Firipi, achiti: Simuka, upfuurire kuchamhembe kunzira inoburuka kubva kuJerusarema ichienda kuGaza; iyo irenje.

²⁶And a messenger of the Lord spake unto Philip, saying, `Arise, and go on toward the south, on the way that is going down from Jerusalem to Gaza,` — this is desert.

²⁷Zvino wakasimuka akaenda; zvino tarira munhu weEtiopia, muchekwa, gurukota guru raKandase mambokadzi wevaEtiopia, waivona nezvefuma yake yose, uye wakange auya kuJerusarema kuzonamata,

²⁷And having arisen, he went on, and lo, a man of Ethiopia, a eunuch, a man of rank, of Candace the queen of the Ethiopians, who was over all her treasure, who had come to worship to Jerusalem;

²⁸wakange achidzokera uye agere mungoro yake, achiverenga muporofita Isaya.

²⁸he was also returning, and is sitting on his chariot, and he was reading the prophet Isaiah.

²⁹Mweya ndokuti kuna Firipi: Swedera unamatire pangoro iyo.

²⁹And the Spirit said to Philip, `Go near, and be joined to this chariot;`

³⁰Firipi ndokumhanyirako, akamunzwa achiverenga muporofita Isaya, ndokuti: Zvino unonzwisisa zvaunoverenga here?

³⁰and Philip having run near, heard him reading the prophet Isaiah, and said, `Dost thou then know what thou dost read?`

³¹Iye ndokuti: Zvino ndingagona sei, kunze kwekuti umwe munhu andirairira? Zvino akakumbira Firipi kuti akwire agare naye.

³¹and he said, `Why, how am I able, if some one may not guide me?` he called Philip also, having come up, to sit with him.

³²Zvino ndima yerugwaro yaaiverenga yaiva iyi: Wakatinhwa segwai rinoenda kunobayiwa; uye segwayana rinyerere pamberi pemuvevuri waro, saizvozvo haana kushamisa muromo wake.

³²And the contents of the Writing that he was reading was this: `As a sheep unto slaughter he was led, and as a lamb before his shearer dumb, so he doth not open his mouth;

³³Mukuninipiswa kwake mutongo wake wakabviswa, zvino ndiani ucharondedzera zera rake? Nekuti upenyu hwake hunobviswa panyika.

³³in his humiliation his judgment was taken away, and his generation — who shall declare? because taken from the earth is his life.`

³⁴Muchekwa ndokupindura Firipi akati: Ndinokukumbirisa, muporofita unoreva izvi maererano nani? Nezvake amene kana nezveumwewo?

³⁴And the eunuch answering Philip said, `I pray thee, about whom doth the prophet say this? about himself, or about some other one?`

³⁵Firipi ndokuzarura muromo wake; akatanga parugwaro irworwo, ndokumuparidzira Jesu.

³⁵and Philip having opened his mouth, and having begun from this Writing, proclaimed good news to him — Jesus.

³⁶Zvino pavaifamba munzira, vakasvika pane imwe mvura; muchekwa ndokuti: Heyi mvura; chii chinondidzivirira kubhabhatidzwa?

³⁶And as they were going on the way, they came upon a certain water, and the eunuch said, `Lo, water; what doth hinder me to be baptized?`

³⁷Firipi ndokuti: Kana uchitenda nemoyo wose, zvinotenderwa. Akapindura ndokuti: Ndinotenda kuti Jesu Kristu Mwanakomana waMwari.

³⁷[And Philip said, `If thou dost believe out of all the heart, it is lawful;` and he answering said, `I believe Jesus Christ to be the Son of God;`]

³⁸Zvino akaraira ngoro kuti imire; ndokuburukira mumvura vari vaviri, Firipi nemuchekwa; ndokumubhabhatidza.

³⁸and he commanded the chariot to stand still, and they both went down to the water, both Philip and the eunuch, and he baptized him;

³⁹Zvino vakati vakwira kubva mumvura, Mweya waIshe wakabvuta Firipi; muchekwa ndokusazomuonazve; nekuti wakafamba nenzira yake achifara.

³⁹and when they came up out of the water, the Spirit of the Lord caught away Philip, and the eunuch saw him no more, for he was going on his way rejoicing;

⁴⁰Asi Firipi wakawanikwa paAzota; uye achipfuura wakaparidza evhangeri pamaguta ose, kusvikira asvika paKesariya.

⁴⁰and Philip was found at Azotus, and passing through, he was proclaiming good news to all the cities, till his coming to Cesarea.