¹Naizvozvo Ishe pakaziva kuti vaFarisi vakange vanzwa kuti Jesu unoita nekubhabhatidza vadzidzi vakawanda kupfuura Johwani,

¹When therefore the Lord knew that the Pharisees heard that Jesus more disciples doth make and baptize than John,

²kunyange Jesu pachake wakange asingabhabhatidzi, asi vadzidzi vake,

²(though indeed Jesus himself was not baptizing, but his disciples,)

³akabva Judhiya, akaendazve muGarirea.

³he left Judea and went away again to Galilee,

⁴Asi wakange achifanira kugura neSamaria.

⁴and it was behoving him to go through Samaria.

⁵Zvino wakasvika paguta reSamaria rinonzi Sikari, pedo nedunhu Jakobho raakange apa mwanakomana wake Josefa.

⁵He cometh, therefore, to a city of Samaria, called Sychar, near to the place that Jacob gave to Joseph his son;

⁶Zvino chitubu chaJakobho chakange chiripo. Naizvozvo Jesu aneta nerwendo wakagara saizvozvo patsime. Raiva awa rinenge rechitanhatu.

⁶and there was there a well of Jacob. Jesus therefore having been weary from the journeying, was sitting thus on the well; it was as it were the sixth hour;

⁷Kwakasvika mukadzi achibva Samaria kuzochera mvura; Jesu akati kwaari: Ndipe ndimwe.

⁷there cometh a woman out of Samaria to draw water. Jesus saith to her, `Give me to drink;`

⁸(Nokuti vadzidzi vake vakange vaenda muguta kunotenga chikafu).

⁸for his disciples were gone away to the city, that they may buy victuals;

⁹Naizvozvo mukadzi muSamaria wakati kwaari: Sei iwe uri muJudha uchikumbira kumwa kwandiri, mukadzi muSamaria? Nekuti vaJudha havadyidzani nevaSamaria.

⁹the Samaritan woman therefore saith to him, `How dost thou, being a Jew, ask drink from me, being a Samaritan woman?` for Jews have no dealing with Samaritans.

¹⁰Jesu akapindura akati kwaari: Dai waiziva chipo chaMwari, uye kuti ndiani unoti kwauri: Ndipe ndimwe; ungadai waikumbira kwaari, uye ungadai akupa mvura mhenyu.

¹⁰Jesus answered and said to her, `If thou hadst known the gift of God, and who it is who is saying to thee, Give me to drink, thou wouldest have asked him, and he would have given thee living water.`

¹¹Mukadzi akati kwaari: Ishe, hamuna chinhu chekucheresa, uye tsime rakadzika; zvino munowanepi mvura mhenyu?

¹¹The woman saith to him, `Sir, thou hast not even a vessel to draw with, and the well is deep; whence, then, hast thou the living water?

¹²Imwi muri mukuru kuna baba vedu Jakobho, vakatipa tsime, vakamwa pariri ivo, nevana vavo, nezvipfuwo zvavo here?

¹²Art thou greater than our father Jacob, who did give us the well, and himself out of it did drink, and his sons, and his cattle?`

¹³Jesu akapindura ndokuti kwaari: Ani nani unomwa pamvura iyi, uchava nenyotazve;

¹³Jesus answered and said to her, `Every one who is drinking of this water shall thirst again;

¹⁴asi ani nani unomwa pamvura yandichamupa ini, haachatongozovi nenyota nekusingaperi; asi mvura yandichamupa ichava maari chitubu chemvura, inodzutukira kuupenyu hwusingaperi.

¹⁴but whoever may drink of the water that I will give him, may not thirst — to the age; and the water that I will give him shall become in him a well of water, springing up to life age-during.`

¹⁵Mukadzi akati kwaari: Ishe, ndipei mvura iyi, kuti ndirege kuva nenyota, kana kuuya pano kuzochera.

¹⁵The woman saith unto him, `Sir, give me this water, that I may not thirst, nor come hither to draw.`

¹⁶Jesu akati kwaari: Enda, unodana murume wako, ugouya pano.

¹⁶Jesus saith to her, `Go, call thy husband, and come hither;`

¹⁷Mukadzi akapindura ndokuti: Handina murume. Jesu akati kwaari: Wareva zvakanaka kuti: Handina murume.

¹⁷the woman answered and said, `I have not a husband.` Jesus saith to her, `Well didst thou say — A husband I have not;

¹⁸Nekuti wakava nevarume vashanu, uyo waunaye ikozvino haazi murume wako; apa wareva chokwadi.

¹⁸for five husbands thou hast had, and, now, he whom thou hast is not thy husband; this hast thou said truly.`

¹⁹Mukadzi akati kwaari: Ishe, ndinoona kuti imwi muri muporofita.

¹⁹The woman saith to him, `Sir, I perceive that thou art a prophet;

²⁰Madzibaba edu aishumira mugomo iri; asi imwi munoti muJerusarema ndimo mune nzvimbo munhu yaanofanira kushumirapo.

²⁰our fathers in this mountain did worship, and ye — ye say that in Jerusalem is the place where it behoveth to worship.`

²¹Jesu akati kwaari: Mukadzi, nditende, kuti awa rinouya, ramuchashumira Baba musiri mugomo iri, kana paJerusarema.

²¹Jesus saith to her, `Woman, believe me, that there doth come an hour, when neither in this mountain, nor in Jerusalem, shall ye worship the Father;

²²Imwi munoshumira chamusingazivi; isu tinoshumira chatinoziva; nekuti ruponeso runobva kuvaJudha.

²²ye worship what ye have not known; we worship what we have known, because the salvation is of the Jews;

²³Asi awa rinouya, uye ratova iro, apo vashumiri vechokwadi vachashumira Baba mumweya nemuchokwadi; nekutiwo Baba vanotsvaka vakadaro kuti vamushumire.

²³but, there cometh an hour, and it now is, when the true worshippers will worship the Father in spirit and truth, for the Father also doth seek such to worship him;

²⁴Mwari Mweya; neavo vanomushumira vanofanira kushumira mumweya nemuchokwadi.

²⁴God [is] a Spirit, and those worshipping Him, in spirit and truth it doth behove to worship.`

²⁵Mukadzi akati kwaari: Ndinoziva kuti Mesiasi unouya unonzi Kristu; kana iye asvika, uchatiudza zvinhu zvose.

²⁵The woman saith to him, `I have known that Messiah doth come, who is called Christ, when that one may come, he will tell us all things;`

²⁶Jesu akati kwaari: Ini ndinotaura kwauri, ndini.

²⁶Jesus saith to her, `I am [he], who am speaking to thee.`

²⁷Zvino nenguva iyoyo vadzidzi vake vakasvika, vakashamisika kuti unotaura nemukadzi; asi hakuna umwe wakati: Munotsvakei? Kana: Munotaurirei naye?

²⁷And upon this came his disciples, and were wondering that with a woman he was speaking, no one, however, said, `What seekest thou?` or `Why speakest thou with her?`

²⁸Naizvozvo mukadzi akasiya chirongo chake, ndokubva oenda muguta, akati kuvanhu:

²⁸The woman then left her water-jug, and went away to the city, and saith to the men,

²⁹Uyai, muone munhu, wandiudza zvinhu zvose zvandakaita; ko uyu haasi iye Kristu here?

²⁹`Come, see a man, who told me all things — as many as I did; is this the Christ?`

³⁰Naizvozvo vakabuda muguta, vakauya kwaari.

³⁰They went forth therefore out of the city, and were coming unto him.

³¹Zvichakadaro vadzidzi vakamunyengetedza vachiti: Rabhi*, idyai.

³¹And in the meanwhile his disciples were asking him, saying, `Rabbi, eat;`

³²Asi iye wakati kwavari: Ini ndine chikafu chekudya chamusingazivi imwi.

³²and he said to them, `I have food to eat that ye have not known.`

³³Naizvozvo vadzidzi vakataurirana vachiti: Kuti pane umwe wamuvigira zvokudya?

³³The disciples then said one to another, `Did any one bring him anything to eat?`

³⁴Jesu akati kwavari: Zvokudya zvangu ndizvo kuti ndiite chido chewakandituma, nekupedza basa rake.

³⁴Jesus saith to them, `My food is, that I may do the will of Him who sent me, and may finish His work;

³⁵Imwi hamutauri here kuti: Kuchine mwedzi mina, zvino kukohwa kunosvika? Tarirai, ndinoti kwamuri: Simudzai meso enyu, muone minda, kuti yatochenera kukohwa.

³⁵do not say that it is yet four months, and the harvest cometh; lo, I say to you, Lift up your eyes, and see the fields, that they are white unto harvest already.

³⁶Zvino unokohwa unogamuchira mubairo, uye unounganidza zvibereko muupenyu hwusingaperi; kuti vaviri unokusha neunokohwa vafare pamwe.

³⁶`And he who is reaping doth receive a reward, and doth gather fruit to life age-during, that both he who is sowing and he who is reaping may rejoice together;

³⁷Nekuti pane izvi shumo ndeyechokwadi inoti: Umwe unokusha, uye umwe unokohwa.

³⁷for in this the saying is the true one, that one is the sower and another the reaper.

³⁸Ini ndakakutumai kukohwa zvamusakashandira; vamwe vakashanda, zvino imwi mapinda pabasa ravo.

³⁸I sent you to reap that on which ye have not laboured; others laboured, and ye into their labour have entered.

³⁹Zvino vazhinji vevaSamaria kubva muguta iro vakatenda kwaari nekuda kweshoko remukadzi, rakapupura richiti: Wandiudza zvose zvandakaita.

³⁹And from that city many believed in him, of the Samaritans, because of the word of the woman testifying, — `He told me all things — as many as I did.`

⁴⁰Zvino vaSamaria vakati vachisvika kwaari, vakamunyengetedza kuti agare navo; ndokugarapo mazuva maviri.

⁴⁰When, then, the Samaritans came unto him, they were asking him to remain with them, and he remained there two days;

⁴¹Vazhinji vakawedzerwa vakatenda nekuda kweshoko rake.

⁴¹and many more did believe because of his word,

⁴²Zvino vakati kumukadzi: Hatichatendi nekuda kwekureva kwako; nekuti tazvinzwira, uye tinoziva kuti uyu ndiye zvirokwazvo Muponesi wenyika, Kristu.

⁴²and said to the woman — `No more because of thy speaking do we believe; for we ourselves have heard and known that this is truly the Saviour of the world — the Christ.`

⁴³Zvino shure kwemazuva maviri wakabvapo, ndokuenda Garirea;

⁴³And after the two days he went forth thence, and went away to Galilee,

⁴⁴nekuti Jesu amene wakapupura kuti muporofita haana rukudzo munyika yekwake.

⁴⁴for Jesus himself testified that a prophet in his own country shall not have honour;

⁴⁵Zvino wakati asvika Garirea, vaGarirea vakamugamuchira, vaona zvinhu zvose zvaakaita paJerusarema pamabiko, nekuti naivo vakange vaenda kumabiko.

⁴⁵when then, he came to Galilee, the Galileans received him, having seen all things that he did in Jerusalem in the feast — for they also went to the feast.

⁴⁶Zvino Jesu wakasvikazve paKana yeGarirea, paakange aita mvura ive waini. Zvino pakange pane rimwe jinda, mwanakomana waro wakange achirwara paKapenaume.

⁴⁶Jesus came, therefore, again to Cana of Galilee, where he made the water wine, and there was a certain courtier, whose son was ailing in Capernaum,

⁴⁷Iro rakati richinzwa kuti Jesu wabva Judhiya akasvika Garirea, rikaenda kwaari, rikamugombedzera kuti aburukire aporese mwanakomana waro; nekuti wakange wodofa.

⁴⁷he, having heard that Jesus is come out of Judea to Galilee, went away unto him, and was asking him that he may come down and may heal his son, for he was about to die.

⁴⁸Naizvozvo Jesu akati kwariri: Kunze kwekuti maona zviratidzo nezvishamiso, hamungatongotendi.

⁴⁸Jesus then said unto him, `If signs and wonders ye may not see, ye will not believe.`

⁴⁹Jinda rikati kwaari: Ishe, burukai mwana wangu asati afa.

⁴⁹The courtier saith unto him, `Sir, come down before my child die;`

⁵⁰Jesu akati kwaari: Enda, mwanakomana wako unorarama. Munhu ndokutenda shoko Jesu raakareva kwaari, akaenda.

⁵⁰Jesus saith to him, `Be going on; thy son doth live.` And the man believed the word that Jesus said to him, and was going on,

⁵¹Zvino wakati oburuka, varanda vake vakamuchingamidza, vakamuudza vachiti: Mwana wenyu unorarama.

⁵¹and he now going down, his servants met him, and told, saying — `Thy child doth live;`

⁵²Zvino akavabvunza awa raakatanga kunaya. Zvino vakati kwaari: Zuro neawa rechinomwe fivhiri yakamuregedza.

⁵²he inquired then of them the hour in which he became better, and they said to him — `Yesterday at the seventh hour the fever left him;`

⁵³Naizvozvo baba vakaziva kuti maiva imo muawa Jesu maakati kwaari: Mwanakomana wako unorarama; zvino akatenda iye neimba yake yose.

⁵³then the father knew that [it was] in that hour in which Jesus said to him — `Thy son doth live,` and he himself believed, and his whole house;

⁵⁴Ichizve chiratidzo chechipiri Jesu chaakaita, abva Judhiya asvika Garirea.

⁵⁴this again a second sign did Jesus, having come out of Judea to Galilee.