¹Akabva apinda mugwa, akayambuka ndokusvika muguta rake pachake.

¹And having gone to the boat, he passed over, and came to his own city,

²Zvino tarira, vakauyisa kwaari wakange akafa mitezo, avete pauchanja; zvino Jesu achiona rutendo rwavo akati kune wakange akafa mitezo: Tsunga moyo, mwana, wakangamwirwa zvivi zvako.

²and lo, they were bringing to him a paralytic, laid upon a couch, and Jesus having seen their faith, said to the paralytic, `Be of good courage, child, thy sins have been forgiven thee.`

³Zvino tarira, vamwe vevanyori vakati mukati mavo: Uyu unonyomba.

³And lo, certain of the scribes said within themselves, `This one doth speak evil.`

⁴Asi Jesu achiona mifungo yavo wakati: Munofungirei zvakaipa mumoyo yenyu?

⁴And Jesus, having known their thoughts, said, `Why think ye evil in your hearts?

⁵Nekuti ndechipi chakareruka, kuti: Wakangamwirwa zvivi zvako; kana kuti: Simuka ufambe?

⁵for which is easier? to say, The sins have been forgiven to thee; or to say, Rise, and walk?

⁶Asi kuti muzive kuti Mwanakomana wemunhu une simba panyika rekukangamwira zvivi (wakabva ati kune wakange akafa mitezo): Simuka, tora uchanja hwako, uende kumba kwako.

⁶`But, that ye may know that the Son of Man hath power upon the earth to forgive sins — (then saith he to the paralytic) — having risen, take up thy couch, and go to thy house.`

⁷Akasimuka, akaenda kumba kwake.

⁷And he, having risen, went to his house,

⁸Zvaunga zvakati zvichizviona zvikashamisika, zvikarumbidza Mwari, wakapa simba rakadai kuvanhu.

⁸and the multitudes having seen, wondered, and glorified God, who did give such power to men.

⁹Zvino Jesu wakati achipfuurapo akaona munhu unonzi Matewu agere pahofisi yemutero, akati kwaari: Nditevere! Ndokusimuka, akamutevera.

⁹And Jesus passing by thence, saw a man sitting at the tax-office, named Matthew, and saith to him, `Be following me,` and he, having risen, did follow him.

¹⁰Zvino zvakaitika agere pakudya mumba, tarira, vateresi vazhinji nevatadzi vakauya vakagara pakudya naJesu nevadzidzi vake.

¹⁰And it came to pass, he reclining (at meat) in the house, that lo, many tax-gatherers and sinners having come, were lying (at meat) with Jesus and his disciples,

¹¹Zvino vaFarisi vakati vachizviona, vakati kuvadzidzi vake: Nemhaka yei mudzidzisi wenyu achidya nevateresi nevatadzi?

¹¹and the Pharisees having seen, said to his disciples, `Wherefore with the tax-gatherers and sinners doth your teacher eat?`

¹²Asi Jesu wakati anzwa, akati kwavari: Vakagwinya havadi murapi asi vanorwara.

¹²And Jesus having heard, said to them, `They who are whole have no need of a physician, but they who are ill;

¹³Asi endai mudzidze kuti zvinorevei kuti: Ndinoda tsitsi uye kwete chibayiro; nekuti handina kuuya kuzodana vakarurama, asi vatadzi vauye mukutendeuka.

¹³but having gone, learn ye what is, Kindness I will, and not sacrifice, for I did not come to call righteous men, but sinners, to reformation.`

¹⁴Ipapo kwakasvika kwaari vadzidzi vaJohwani, vachiti: Nemhaka yei isu nevaFarisi tichitsanya kazhinji, asi vadzidzi venyu vasingatsanyi?

¹⁴Then come to him do the disciples of John, saying, `Wherefore do we and the Pharisees fast much, and thy disciples fast not?`

¹⁵Jesu ndokuti kwavari: Vana veimba yemuchato vangachema here apo muwani anavo? Asi mazuva achasvika achabviswa muwani kwavari, ipapo vachatsanya.

¹⁵And Jesus said to them, `Can the sons of the bride-chamber mourn, so long as the bridegroom is with them? but days shall come when the bridegroom may be taken from them, and then they shall fast.

¹⁶Hakuna unoisa chigamba chemucheka usakaunyana panguvo sharu, nekuti icho chinonamirwa pairi chinobvarura panguvo, buri rikanyanya.

¹⁶`And no one doth put a patch of undressed cloth on an old garment, for its filling up doth take from the garment, and a worse rent is made.

¹⁷Uye havadiri waini itsva muhombodo tsaru; zvikasadaro hombodo dzinoputika, waini ikateuka, nehombodo dzikaparara; asi vanodira waini itsva muhombodo itsva, zvichengeteke zviri zviviri.

¹⁷`Nor do they put new wine into old skins, and if not — the skins burst, and the wine doth run out, and the skins are destroyed, but they put new wine into new skins, and both are preserved together.`

¹⁸Wakati achitaura zvinhu izvozvi kwavari, tarira, kwakasvika umwe mutungamiriri akamufugamira, akati: Mukunda wangu uchangofa; asi uyai muise ruoko rwenyu pamusoro pake, uye uchararama.

¹⁸While he is speaking these things to them, lo, a ruler having come, was bowing to him, saying that `My daughter just now died, but, having come, lay thy hand upon her, and she shall live.`

¹⁹Jesu ndokusimuka akamutevera, nevadzidzi vake.

¹⁹And Jesus having risen, did follow him, also his disciples,

²⁰Zvino, tarira, mukadzi waiva nekubuda ropa makore gumi nemaviri, wakaswedera shure kwake, akabata mupendero wenguvo yake.

²⁰and lo, a woman having an issue of blood twelve years, having come to him behind, did touch the fringe of his garments,

²¹Nekuti wakati mukati make: Kana ndikangobata nguvo yake, ndichaporeswa.

²¹for she said within herself, `If only I may touch his garment, I shall be saved.`

²²Asi Jesu wakatendeuka akati amuona, akati: Mukunda, tsunga moyo; rutendo rwako rwakuponesa. Mukadzi ndokuponeswa kubva panguva iyo.

²²And Jesus having turned about, and having seen her, said, `Be of good courage, daughter, thy faith hath saved thee,` and the woman was saved from that hour.

²³Jesu ndokusvika mumba memutungamiriri akaona varidzi venyere nechaunga chichiita nyonga-nyonga,

²³And Jesus having come to the house of the ruler, and having seen the minstrels and the multitude making tumult,

²⁴akati kwavari: Ibvai; nekuti musikana haana kufa, asi uvete. Ndokumuseka vachimusvabaidza.

²⁴he saith to them, `Withdraw, for the damsel did not die, but doth sleep,` and they were deriding him;

²⁵Asi chaunga chakati chabudiswa, akapinda, ndokubata ruoko rwake, musikana ndokumuka.

²⁵but, when the multitude was put forth, having gone in, he took hold of her hand, and the damsel arose,

²⁶Mukurumbira uyu ukabudira kunyika iyo yose.

²⁶and the fame of this went forth to all the land.

²⁷Zvino Jesu wakati opfuurapo, mapofu maviri akamutevera, achidanidzira achiti: Tinzwirei tsitsi, Mwanakomana waDhavhidhi!

²⁷And Jesus passing on thence, two blind men followed him, calling and saying, `Deal kindly with us, Son of David.`

²⁸Zvino wakati apinda mumba, mapofu akauya kwaari; Jesu akati kwaari: Munotenda kuti ndinogona kuita izvozvi here? Akati kwaari: Hongu, Ishe.

²⁸And he having come to the house, the blind men came to him, and Jesus saith to them, `Believe ye that I am able to do this?` They say to him, `Yes, sir.`

²⁹Ipapo wakabata meso avo achiti: Ngazviitike kwamuri maererano nerutendo rwenyu.

²⁹Then touched he their eyes, saying, `According to your faith let it be to you,`

³⁰Zvino meso avo akasvinudzwa; Jesu akavarairisa achiti: Onai kuti hakuna unozviziva.

³⁰and their eyes were opened, and Jesus strictly charged them, saying, `See, let no one know;`

³¹Asi vakati vabuda, vakaparidzira mukurumbira wake munyika iyo yose.

³¹but they, having gone forth, did spread his fame in all that land.

³²Zvino vakati vachibuda, tarira, vakauyisa kwaari munhu chimumumu waiva nedhimoni.

³²And as they are coming forth, lo, they brought to him a man dumb, a demoniac,

³³Zvino dhimoni rakati rabudiswa, chimumumu chikataura; zvaunga zvikashamisika zvikati: Hakuna kumboonekwa zvakadai muna Israeri.

³³and the demon having been cast out, the dumb spake, and the multitude did wonder, saying that `It was never so seen in Israel:`

³⁴Asi vaFarisi vakati: Unobudisa madhimoni nemukuru wemadhimoni.

³⁴but the Pharisees said, `By the ruler of the demons he doth cast out the demons.`

³⁵Zvino Jesu wakapota nemaguta ose nemisha, achidzidzisa mumasinagoge avo, nekuparidza evhangeri yeushe, nekuporesa matenda ose neurwere hwoga hwoga pakati pevanhu.

³⁵And Jesus was going up and down all the cities and the villages, teaching in their synagogues, and proclaiming the good news of the reign, and healing every sickness and every malady among the people.

³⁶Asi wakati achiona zvaunga, akavanzwira tsitsi, nekuti vakange vaneta, vakapararira semakwai asina mufudzi.

³⁶And having seen the multitudes, he was moved with compassion for them, that they were faint and cast aside, as sheep not having a shepherd,

³⁷Ipapo akati kuvadzidzi vake: Zvirokwazvo mukoho mukuru, asi vashandi vashoma;

³⁷then saith he to his disciples, `The harvest indeed [is] abundant, but the workmen few;

³⁸naizvozvo kumbirisai kuna Ishe wemukoho, kuti atumire vabati pamukoho wake.

³⁸beseech ye therefore the Lord of the harvest, that he may put forth workmen to His harvest.`