¹Pamusoro pazvo hama handidi kuti murege kuziva, kuti madzibaba edu ose akanga ari pasi pegore sei, uye vose vakayambuka nemugungwa,

¹For I would not, brethren, have you ignorant, that our fathers were all under the cloud, and all passed through the sea;

²uye vose vakabhabhatidzwa muna Mozisi mugore nemugungwa;

²and were all baptized unto Moses in the cloud and in the sea;

³uye vose vakadya chikafu chimwe chemweya,

³and did all eat the same spiritual food;

⁴uye vose vakamwa zvimwiwa zvimwe zvemweya, nekuti vakamwa padombo remweya rakavatevera; uye dombo iro rakange riri Kristu.

⁴and did all drink the same spiritual drink: for they drank of a spiritual rock that followed them: and the rock was Christ.

⁵Asi neruzhinji rwavo Mwari haana kufadzwa; nekuti vakaparadzwa murenje.

⁵Howbeit with most of them God was not well pleased: for they were overthrown in the wilderness.

⁶Zvino zvinhu izvi zvakava zvifananidziro kwatiri, kuti tirege kushuva zvinhu zvakaipa, sezvavakashuvawo.

⁶Now these things were our examples, to the intent we should not lust after evil things, as they also lusted.

⁷Uye musava vanamati vezvifananidzo, sevamwe vavo; sezvazvakanyorwa, zvichinzi: Vanhu vakagara pasi kudya nekumwa, vakasimuka kutamba.

⁷Neither be ye idolaters, as were some of them; as it is written, The people sat down to eat and drink, and rose up to play.

⁸Uye ngatirege kuita upomhwe, sevamwe vavo vakaita upombwe, vakafa nezuva rimwe zvuru makumi maviri nezvitatu.

⁸Neither let us commit fornication, as some of them committed, and fell in one day three and twenty thousand.

⁹Uye ngatirege kuidza Kristu, sevamwe vavowo vakamuidza, vakaparadzwa nenyoka.

⁹Neither let us make trial of the Lord, as some of them made trial, and perished by the serpents.

¹⁰Murege kun'un'una sevamwe vavowo vakan'un'una, vakaparadzwa nemuparadzi.

¹⁰Neither murmur ye, as some of them murmured, and perished by the destroyer.

¹¹Zvino zvinhu izvi zvose zvakavawira kuti zvive mifananidziro; uye zvakanyorwa kuva yambiro yedu takasvikirwa nekuguma kwenyika.

¹¹Now these things happened unto them by way of example; and they were written for our admonition, upon whom the ends of the ages are come.

¹²Naizvozvo unofunga kuti umire ngaachenjere, zvimwe ungawa.

¹²Wherefore let him that thinketh he standeth take heed lest he fall.

¹³Hakuna muidzo wakakubatai kunze kwewakajairika kuvanhu vose; asi Mwari wakatendeka, usingatenderi kuti muidzwe kupfuura pamunogona napo; asi pamwe nemuidzo uchaitawo nzira yekupukunyuka, kuti mugone kuutakura.

¹³There hath no temptation taken you but such as man can bear: but God is faithful, who will not suffer you to be tempted above that ye are able; but will with the temptation make also the way of escape, that ye may be able to endure it.

¹⁴Naizvozvo, vadikamwa vangu, tizai kunamata zvifananidzo.

¹⁴Wherefore, my beloved, flee from idolatry.

¹⁵Ndinotaura sekune vakachenjera; imwi zvisarudzirei zvandinotaura.

¹⁵I speak as to wise men; judge ye what I say.

¹⁶Mukombe weropafadzo watinoropafadza, hausi kugoverana kweropa raKristu here? Chingwa chatinomedura hachisi kugoverana kwemuviri waKristu here?

¹⁶The cup of blessing which we bless, is it not a communion of the blood of Christ? The bread which we break, is it not a communion of the body of Christ?

¹⁷Nekuti isu vazhinji tiri chingwa chimwe, muviri umwe; nekuti isu tose tinogovana chingwa chimwe.

¹⁷seeing that we, who are many, are one bread, one body: for we are all partake of the one bread.

¹⁸Tarirai Israeri panyama; vanodya zvibayiro havasi ivo vanodyidzana nearitari here?

¹⁸Behold Israel after the flesh: have not they that eat the sacrifices communion with the altar?

¹⁹Zvino ndotii? Kuti chifananidzo chinhu here? kana chakabayirwa chifananidzo chinhu here?

¹⁹What say I then? that a thing sacrificed to idols is anything, or that an idol is anything?

²⁰Asi kuti zvinhu zvinobayirwa nevahedheni, vanozvibayira madhimoni kwete kuna Mwari; zvino handidi kuti mudyidzane nemadhimoni.

²⁰But [I say], that the things which the Gentiles sacrifice, they sacrifice to demons, and not to God: and I would not that ye should have communion with demons.

²¹Hamungamwi mukombe waIshe nemukombe wemadhimoni; hamungagovani patafura yaIshe nepatafura yemadhimoni.

²¹Ye cannot drink the cup of the Lord, and the cup of demons: ye cannot partake of the table of the Lord, and of the table of demons.

²²Ko tinozvimutsira godo Ishe here? Takasimba kumupfuura here?

²²Or do we provoke the Lord to jealousy? are we stronger than he?

²³Zvinhu zvose zvinotenderwa kwandiri; asi zvinhu zvose hazvibatsiri. Zvinhu zvose zvinotenderwa kwandiri; asi zvinhu zvose hazvivaki.

²³All things are lawful; but not all things are expedient. All things are lawful; but not all things edify.

²⁴Kusava neunozvitsvakira zvake, asi umwe neumwe zveumwe.

²⁴Let no man seek his own, but [each] his neighbor's [good].

²⁵Idyai zvose zvinotengeswa pamisika yenyama musingabvunzi chinhu nekuda kwehana;

²⁵Whatsoever is sold in the shambles, eat, asking no question for conscience' sake,

²⁶Nekuti nyika ndeyaIshe nekuzara kwayo.

²⁶for the earth is the Lord's, and the fulness thereof.

²⁷Zvino kana mumwe wevasingatendi akakukokai, uye muchida kuenda, zvose zvinoiswa pamberi penyu idyai musingabvunzi chinhu nekuda kwehana.

²⁷If one of them that believe not biddeth you [to a feast], and ye are disposed to go; whatsoever is set before you, eat, asking no question for conscience' sake.

²⁸Asi kana mumwe akati kwamuri: Ichi chakabayirwa kuzvifananidzo; musadya nekuda kwaiye wakuratidzai, uye nekuda kwehana; nekuti nyika ndeya Ishe nekuzara kwayo.

²⁸But if any man say unto you, This hath been offered in sacrifice, eat not, for his sake that showed it, and for conscience sake:

²⁹Asi hana ndinoti, isati iri yako asi yeumwe; nekuti kusununguka kwangu kunoenzanisirwei nehana yeumwe?

²⁹conscience, I say, not thine own, but the other's; for why is my liberty judged by another conscience?

³⁰Kana ini ndichidya ndichivonga, ndingagonyomberwei nekuda kwechinhu chandinovonga?

³⁰If I partake with thankfulness, why am I evil spoken of for that for which I give thanks?

³¹Naizvozvo kana muchidya kana kumwa kana chipi nechipi chamunoita, itai zvose kuti Mwari akudzwe.

³¹Whether therefore ye eat, or drink, or whatsoever ye do, do all to the glory of God.

³²Regai kugumbusa zvose kuvaJudha kana kuvaGiriki kana kukereke yaMwari.

³²Give no occasions of stumbling, either to Jews, or to Greeks, or to the church of God:

³³Seniwo ndinofadza vose pazvose, ndisingatsvaki rubatsiro rwangu, asi rwavazhinji, kuti vaponeswe.

³³even as I also please all men in all things, not seeking mine own profit, but the [profit] of the many, that they may be saved.