¹Zvino ini, hama, ndakanga ndisingagoni kutaura nemwi sekune veMweya, asi sekune venyama, sekune vacheche muna Kristu.

¹And I, brethren, could not speak unto you as unto spiritual, but as unto carnal, as unto babes in Christ.

²Ndakakumwisai mukaka, kwete chikafu chikukutu; nekuti makanga musati mogona kudya, zvakare nazvino hamugoni.

²I fed you with milk, not with meat; for ye were not yet able [to bear it]: nay, not even now are ye able;

³Nekuti muchiri venyama; Nekuti zvapachine godo pakati penyu, negakava nekupatsanurana, hamusi venyama, muchifamba sevanhu here?

³for ye are yet carnal: for whereas there is among you jealousy and strife, are ye not carnal, and do ye not walk after the manner of men?

⁴Nekuti kana umwe achiti: Ini ndiri waPauro, neumwe achiti: Ini waAporo, hamuzi venyama here?

⁴For when one saith, I am of Paul; and another, I am of Apollos; are ye not men?

⁵Ko Pauro chii? Uye Aporo chii? Asi varanda vamakatenda kubudikidza navo, uye umwe neumwe sekupiwa kwaakaitwa naMwari.

⁵What then is Apollos? and what is Paul? Ministers through whom ye believed; and each as the Lord gave to him.

⁶Ini ndakadzvara, Aporo wakadiridza, asi Mwari wakakudza.

⁶I planted, Apollos watered; but God gave the increase.

⁷Naizvozvo unodzvara haazi chinhu, kana unodiridza, asi Mwari unokudza.

⁷So then neither is he that planteth anything, neither he that watereth; but God that giveth the increase.

⁸Zvino unodzvara neunodiridza ndevamwe; asi umwe neumwe uchagamuchira mubairo wake zvichienderana nebasa rake.

⁸Now he that planteth and he that watereth are one: but each shall receive his own reward according to his own labor.

⁹Nekuti tiri vashandi vaMwari pamwe naye; muri munda waMwari, muri chivakwa chaMwari.

⁹For we are God's fellow-workers: ye are God's husbandry, God's building.

¹⁰Nekuda kwenyasha dzaMwari dzakapiwa kwandiri, semuvaki nyanzvi wakachenjera, ndakaronga nheyo; umwe unovaka pamusoro padzo. Asi umwe neumwe ngaachenjere kuti unovaka sei pamusoro padzo.

¹⁰According to the grace of God which was given unto me, as a wise masterbuilder I laid a foundation; and another buildeth thereon. But let each man take heed how he buildeth thereon.

¹¹Nekuti hakuna umwe unogona kuronga imwe nheyo, asi iyo yakarongwa, inova Jesu Kristu.

¹¹For other foundation can no man lay than that which is laid, which is Jesus Christ.

¹²Zvino kana ani nani achivaka pamusoro penheyo iyi, ndarama, sirivheri, mabwe anokosha, matanda, uswa, mashanga,

¹²But if any man buildeth on the foundation gold, silver, costly stones, wood, hay, stubble;

¹³basa reumwe neumwe richabudiswa pachena; nekuti zuva iro richazvibudisa pachena, nekuti richazarurwa nemoto; uye moto uchaidza basa reumwe neumwe kuti rakadini.

¹³each man's work shall be made manifest: for the day shall declare it, because it is revealed in fire; and the fire itself shall prove each man's work of what sort it is.

¹⁴Kana basa raani nani raakavaka pamusoro payo richigara, uchagamuchira mubairo.

¹⁴If any man's work shall abide which he built thereon, he shall receive a reward.

¹⁵Kana basa raani nani rikapiswa, ucharashikirwa; asi iye amene uchaponeswa, asi sewakabuda nemumoto.

¹⁵If any man's work shall be burned, he shall suffer loss: but he himself shall be saved; yet so as through fire.

¹⁶Hamuzivi kuti imwi muri tembere yaMwari here, uye kuti Mweya waMwari unogara mamuri?

¹⁶Know ye not that ye are a temple of God, and [that] the Spirit of God dwelleth in you?

¹⁷Kana ani nani achiparadza tembere yaMwari, Mwari uchamuparadza; nekuti tembere yaMwari itsvene, inova imwi.

¹⁷If any man destroyeth the temple of God, him shall God destroy; for the temple of God is holy, and such are ye.

¹⁸Ngakurege kuva neunozvinyengera. Kana umwe pakati penyu achizviona sewakachenjera panyika ino, ngaave benzi, kuti ave wakachenjera.

¹⁸Let no man deceive himself. If any man thinketh that he is wise among you in this world, let him become a fool, that he may become wise.

¹⁹Nekuti njere dzenyika ino upenzi kuna Mwari. Nekuti kwakanyorwa kuchinzi: Unobata vakachenjera paumhare hwavo;

¹⁹For the wisdom of this world is foolishness with God. For it is written, He that taketh the wise in their craftiness:

²⁰uyezve: Ishe unoziva ndangariro dzevakachenjera, kuti hadzina maturo.

²⁰and again, The Lord knoweth the reasonings of the wise that they are vain.

²¹Naizvozvo ngakurege kuva neunozvikudza nevanhu. Nekuti zvinhu zvose ndezvenyu,

²¹Wherefore let no one glory in men. For all things are yours;

²²kana Pauro, kana Aporo, kana Kefasi, kana nyika, kana upenyu; kana rufu, kana zvinhu zviripo, kana zvinhu zvinouya; zvose ndezvenyu,

²²whether Paul, or Apollos, or Cephas, or the world, or life, or death, or things present, or things to come; all are yours;

²³nemwi muri vaKristu, naKristu ndewaMwari.

²³and ye are Christ's; and Christ is God's.