¹imwi muri vana vaJehovha Mwari wenyu; musazvitema,kana kuzviveura pakati pameso pamusoro pavakafa.

¹Ye are the children of Jehovah your God: ye shall not cut yourselves, nor make any baldness between your eyes for the dead.

²nekuti uri rudzi rutsvene kuna Jehovha Mwari wako; Jehovha wakakutsaura pakati pendudzi dzose dzavanhu vari panyika, kuti uve rudzi rwake chairwo.

²For thou art a holy people unto Jehovah thy God, and Jehovah hath chosen thee to be a people for his own possession, above all peoples that are upon the face of the earth.

³Usadya chinhu chipi nechipi chinonyangadza.

³Thou shalt not eat any abominable thing.

⁴Mhuka dzamungadya ndidzo: Mombe, negwai, nembudzi;

⁴These are the beasts which ye may eat: the ox, the sheep, and the goat,

⁵nenondo, nemhara, nemhembwe, netsoma, nemharapara, nenyati, nengururu.

⁵the hart, and the gazelle, and the roebuck, and the wild goat, and the pygarg, and the antelope, and the chamois.

⁶Mhuka ipi neipi ina mahwanda akaparadzana, ine tsoka dzakaparadzana, inodzeya, ndidzo dzamungadya henyu.

⁶And every beast that parteth the hoof, and hath the hoof cloven in two, [and] cheweth the cud, among the beasts, that may ye eat.

⁷Asi idzi dzinodzeya, kana dzina mahwanda akaparadzana, regai kudzidya: Kamera, netsuro, nembira; nekuti dzinodzeya, asi hadzina mahwanda akaparadzana, hadzina kunaka kwamuri;

⁷Nevertheless these ye shall not eat of them that chew the cud, or of them that have the hoof cloven: the camel, and the hare, and the coney; because they chew the cud but part not the hoof, they are unclean unto you.

⁸nenguruve; nekuti ina mahwanda akaparadzana, asi haidzeyi; haina kunaka kwamuri; musadya nyama yadzo, uye musabata zvitunha zvadzo.

⁸And the swine, because he parteth the hoof but cheweth not the cud, he is unclean unto you: of their flesh ye shall not eat, and their carcasses ye shall not touch.

⁹Ndizvo zvamungadya kune zvose zviri mumvura: Zvose zvine zvimbi namakwande mungazvidya;

⁹These ye may eat of all that are in the waters: whatsoever hath fins and scales may ye eat;

¹⁰asi zvose zvisina zvimbi namakwande, musazvidya izvo, hazvina kunaka kwamuri.

¹⁰and whatsoever hath not fins and scales ye shall not eat; it is unclean unto you.

¹¹Mungadya shiri dzose dzakanaka.

¹¹Of all clean birds ye may eat.

¹²Asi dzamusingafaniri kudya ndidzo: Gora guru, negondo guru, nenyamudzura;

¹²But these are they of which ye shall not eat: the eagle, and the gier-eagle, and the ospray,

¹³norukodzi, nenjerere, noruvangu namarudzi arwo;

¹³and the glede, and the falcon, and the kite after its kind,

¹⁴namarudzi ose amakunguvo;

¹⁴and every raven after its kind,

¹⁵nemhou, nezizi, neshiri yegungwa, namarudzi ose oruvangu;

¹⁵and the ostrich, and the night-hawk, and the sea-mew, and the hawk after its kind,

¹⁶nezizi duku, nezizi guru, nejichidza,

¹⁶the little owl, and the great owl, and the horned owl,

¹⁷nehukurwizi, negora, nekanyurura-hove;

¹⁷and the pelican, and the vulture, and the cormorant,

¹⁸nezimudo, nekondo, namarudzi ayo, nemhupupu, nechiremwaremwa.

¹⁸and the stork, and the heron after its kind, and the hoopoe, and the bat.

¹⁹Zvose zvina mapapiro zvinokambaira zvinofanira kuva zvisina kunaka kwamuri; hazvifaniri kudyiwa.

¹⁹And all winged creeping things are unclean unto you: they shall not be eaten.

²⁰Asi shiri dzose dzakanaka mungadzidya henyu.

²⁰Of all clean birds ye may eat.

²¹Musadya chinhu chakanora choga; ungachipa mweni uri mukati mamasuwo ako, iye achidye, kana ungachitengesa kumutorwa; nekuti iwe uri rudzi rutsvene kuna Jehovha Mwari wako. Usabika mbudzana mumukaka wamai vayo.

²¹Ye shall not eat of anything that dieth of itself: thou mayest give it unto the sojourner that is within thy gates, that he may eat it; or thou mayest sell it unto a foreigner: for thou art a holy people unto Jehovah thy God. Thou shalt not boil a kid in its mother's milk.

²²Utsaure zvakanaka zvegumi zvezvibereko zvose zvembeu dzako, dzinobva mumunda mako gore rimwe nerimwe.

²²Thou shalt surely tithe all the increase of thy seed, that which cometh forth from the field year by year.

²³Unofanira kudya pamberi paJehovha Mwari wako, panzvimbo yaachatsaura kugarisa zita rakepo, zvegumi zvezviyo zvako, nezvewaini yako, nezvamafuta ako, nezvavana vemhongora dzemombe dzako nedzamakwai ako, kuti udzidze kutya Jehovha Mwari wako nguva dzose.

²³And thou shalt eat before Jehovah thy God, in the place which he shall choose, to cause his name to dwell there, the tithe of thy grain, of thy new wine, and of thine oil, and the firstlings of thy herd and of thy flock; that thou mayest learn to fear Jehovah thy God always.

²⁴Kana nzira iri kuresa, ukasagona kuzvisvitsako, nekuti nzvimbo iyo yawakatsaurirwa naJehovha Mwari wako, kuti aise zita rakepo, iri kure newe, kana Jehovha Mwari wako akakuropafadza,

²⁴And if the way be too long for thee, so that thou art not able to carry it, because the place is too far from thee, which Jehovah thy God shall choose, to set his name there, when Jehovah thy God shall bless thee;

²⁵unofanira kuzvitengesa nemari, ndokubata mari mumaoko ako, ugoenda kunzvimbo ichatsaurwa naJehovha Mwari wako,

²⁵then shalt thou turn it into money, and bind up the money in thy hand, and shalt go unto the place which Jehovah thy God shall choose:

²⁶ndokutenga nemari iyo zvose zvinodikamwa nomoyo wako, kana mombe, kana makwai, kana waini, kana zvinobata, kana zvose zvinoreva moyo wako kwauri, udyirepo pamberi paJehovha Mwari wako, ufare, iwe nemhuri yako.

²⁶and thou shalt bestow the money for whatsoever thy soul desireth, for oxen, or for sheep, or for wine, or for strong drink, or for whatsoever thy soul asketh of thee; and thou shalt eat there before Jehovah thy God, and thou shalt rejoice, thou and thy household.

²⁷Uye muRevhi uri mukati mamasuwo ako, usamukangamwa, nekuti haana mugove kana nhaka newe.

²⁷And the Levite that is within thy gates, thou shalt not forsake him; for he hath no portion nor inheritance with thee.

²⁸Nguva dzose kana makore matatu apera, unofanira kuuya nezvegumi zvose zvezvibereko zvako zvegore iro, ugozvichengeta mukati mamasuwo ako.

²⁸At the end of every three years thou shalt bring forth all the tithe of thine increase in the same year, and shalt lay it up within thy gates:

²⁹Zvino muRevhi, zvaasina mugove kana nhaka newe, nomweni, nenherera, nechirikadzi, vari mumasuwo ako, vanofanira kuuya kuzodya, vagute; kuti Jehovha Mwari wako akuropafadze pamabasa ose aunoita namaoko ako.

²⁹and the Levite, because he hath no portion nor inheritance with thee, and the sojourner, and the fatherless, and the widow, that are within thy gates, shall come, and shall eat and be satisfied; that Jehovah thy God may bless thee in all the work of thy hand which thou doest.