¹Zvino ndiwo murairo, nezvakatemwa, nezvakatongwa, zvandakarairwa naJehovha Mwari wenyu kuti ndikudzidzisei, kuti muzviite kunyika kwamunoenda kuti ive yenyu;

¹Now this is the commandment, the statutes, and the ordinances, which Jehovah your God commanded to teach you, that ye might do them in the land whither ye go over to possess it;

²kuti utye Jehovha Mwari wako, uchengete zvose zvaakatema nemirairo yake, yandinokuraira, iwe, nomwanakomana wako, nomwanakomana womwanakomana wako, mazuva ose oupenyu hwako, kuti mazuva ako ave mazhinji.

²that thou mightest fear Jehovah thy God, to keep all his statutes and his commandments, which I command thee, thou, and thy son, and thy son's son, all the days of thy life; and that thy days may be prolonged.

³Naizvozvo chinzwa Isiraeri, uchenjere kuti uzviite; kuti zvive zvakanaka newe, muwande kwazvo, sezvamakapikirwa naJehovha Mwari wamadzibaba ako, panyika inoyerera mukaka nouchi.

³Hear therefore, O Israel, and observe to do it; that it may be well with thee, and that ye may increase mightily, as Jehovah, the God of thy fathers, hath promised unto thee, in a land flowing with milk and honey.

⁴Chinzwa Isiraeri, Jehovha Mwari wedu ndiJehovha mumwe chete.

⁴Hear, O Israel: Jehovah our God is one Jehovah:

⁵Ude Jehovha Mwari wako nomoyo wako wose, nomweya wako wose, nesimba rako rose.

⁵and thou shalt love Jehovah thy God with all thy heart, and with all thy soul, and with all thy might.

⁶Zvino mashoko awa andinokuraira nhasi, anofanira kuva mumoyo mako,

⁶And these words, which I command thee this day, shall be upon thy heart;

⁷unofanira kushingaira kuadzidzisa vana vako, nokuataura kana ugere mumba mako, kana uchifamba munzira, kana uchivata pasi, kana uchimuka.

⁷and thou shalt teach them diligently unto thy children, and shalt talk of them when thou sittest in thy house, and when thou walkest by the way, and when thou liest down, and when thou risest up.

⁸Unofanira kuasungira paruoko rwako, chive chiratidzo; uye anofanira kuva rundanyara pakati pameso ako.

⁸And thou shalt bind them for a sign upon thy hand, and they shall be for frontlets between thine eyes.

⁹Unofanira kuanyora pamagwatidziro emikova yeimba yako, napamasuwo ako.

⁹And thou shalt write them upon the door-posts of thy house, and upon thy gates.

¹⁰Zvino kana Jehovha Mwari wako achinge akupinza munyika, yaakapikira madzibaba ako, Abhurahamu, naIsaka, naJakove, kuti uchakupa iyo, namaguta makuru akanaka, ausina kuvaka iwe,

¹⁰And it shall be, when Jehovah thy God shall bring thee into the land which he sware unto thy fathers, to Abraham, to Isaac, and to Jacob, to give thee, great and goodly cities, which thou buildest not,

¹¹nedzimba dzizere nezvinhu zvose zvakanaka, dzausina kuzadza iwe, namakangwa akacherwa, ausina kuchera iwe, neminda yemizambiringa nemiorivhi, yausina kusima iwe; iwe ukadya ukaguta,

¹¹and houses full of all good things, which thou filledst not, and cisterns hewn out, which thou hewedst not, vineyards and olive-trees, which thou plantedst not, and thou shalt eat and be full;

¹²zvino chenjera kuti urege kukangamwa Jehovha, wakakubudisa panyika yeEgipita paimba youranda.

¹²then beware lest thou forget Jehovah, who brought thee forth out of the land of Egypt, out of the house of bondage.

¹³Unofanira kutya Jehovha Mwari wako, nokumushumira, nokupika nezita rake.

¹³Thou shalt fear Jehovah thy God; and him shalt thou serve, and shalt swear by his name.

¹⁴Regai kutevera vamwe vamwari, vamwari vendudzi dzinokupoteredzai,

¹⁴Ye shall not go after other gods, of the gods of the peoples that are round about you;

¹⁵nekuti Jehovha Mwari wako, ari pakati pako, ndiMwari ane godo; kuti Jehovha Mwari wako arege kukutsamwira, akuparadze panyika pose.

¹⁵for Jehovah thy God in the midst of thee is a jealous God; lest the anger of Jehovah thy God be kindled against thee, and he destroy thee from off the face of the earth.

¹⁶Musaidza Jehovha Mwari wenyu, sezvamakamuidza paMasa.

¹⁶Ye shall not tempt Jehovah your God, as ye tempted him in Massah.

¹⁷Munofanira kushingaira kuchengeta mirairo yaJehovha Mwari wenyu, nezvipupuriro zvake, nezvaakatema, zvaakakuraira.

¹⁷Ye shall diligently keep the commandments of Jehovah your God, and his testimonies, and his statutes, which he hath commanded thee.

¹⁸Uye unofanira kuita zvakarurama nezvakanaka pamberi paJehovha, kuti zvive zvakanaka newe, upinde munyika yakanaka ive yako, iyo yakapikirwa madzibaba ako naJehovha,

¹⁸And thou shalt do that which is right and good in the sight of Jehovah; that it may be well with thee, and that thou mayest go in and possess the good land which Jehovah sware unto thy fathers,

¹⁹kuti iye uchadzinga vavengi vako vose pamberi pako, sezvakataurwa naJehovha.

¹⁹to thrust out all thine enemies from before thee, as Jehovah hath spoken.

²⁰Zvino kana mwanakomana wako akakubvunza pashure, achiti, Ko izvi zvipupuriro, nezvakatemwa, nezvakatongwa, zvamakarairwa naJehovha Mwari wedu, zvinodiniko?

²⁰When thy son asketh thee in time to come, saying, What mean the testimonies, and the statutes, and the ordinances, which Jehovah our God hath commanded you?

²¹Unofanira kuti kumwanakomana wako, Isu takanga tiri varanda vaFarao, Jehovha akatibudisa nechanza chine simba;

²¹then thou shalt say unto thy son, We were Pharaoh's bondmen in Egypt: and Jehovah brought us out of Egypt with a mighty hand;

²²Jehovha akaita zviratidzo nezvinoshamisa kwazvo, zvakaipa, paEgipita, nokuna Farao, nokuimba yake yose, tichizviona;

²²and Jehovah showed signs and wonders, great and sore, upon Egypt, upon Pharaoh, and upon all his house, before our eyes;

²³akatibudisapo, kuti atipinze pano, atipe nyika yaakapikira madzibaba edu.

²³and he brought us out from thence, that he might bring us in, to give us the land which he sware unto our fathers.

²⁴Jehovha akaraira kuti tiite izvi zvose zvaakatema, titye Jehovha Mwari wedu, kuti tiitirwe zvakanaka nguva dzose, atichengete tive vapenyu, sezvatakaita nhasi.

²⁴And Jehovah commanded us to do all these statutes, to fear Jehovah our God, for our good always, that he might preserve us alive, as at this day.

²⁵Zvichava zvakarurama kwatiri, kana tichichenjerera kuti tiite murayiro wose pamberi paJehovha Mwari wedu, sezvatakarairwa naye.

²⁵And it shall be righteousness unto us, if we observe to do all this commandment before Jehovah our God, as he hath commanded us.