1Ndini munhu akaona kutambudzika neshamhu yokutsamwa kwake.
1I am the man that hath seen affliction by the rod of his wrath.
2Akanditungamirira akandifambisa murima ndisina chiedza.
2He hath led me and caused me to walk in darkness, and not in light.
3Zvirokwazvo anogara achingondiramba zuva rose noruoko rwake.
3Surely against me he turneth his hand again and again all the day.
4Akasakadza nyama yangu neganda rangu, akavhuna mafupa angu.
4My flesh and my skin hath he made old; he hath broken my bones.
5Akandivakira rusvingo kuzorwa neni, Akandikomberedza nenduru nokurwadziwa.
5He hath builded against me, and compassed me with gall and travail.
6Akandigarisa panzvimbo dzinerima, savanhu vakanguva vafa.
6He hath made me to dwell in dark places, as those that have been long dead.
7Akandikomberedza norusvingo, kuti ndirege kugona kubuda; akaremesa ngetani dzangu.
7He hath walled me about, that I cannot go forth; he hath made my chain heavy.
8Zvirokwazvo, kana ndichidana nokuridza mhere, anodzivisa munyengetero wangu.
8Yea, when I cry, and call for help, he shutteth out my prayer.
9Akadzivira nzira dzangu norusvingo rwamabwe akavezwa, akakanganisa nzira dzangu.
9He hath walled up my ways with hewn stone; he hath made my paths crooked.
10Kwandiri akaita sebere rinovandira, seshumba iri panzvimbo dzisingazikamwi.
10He is unto me as a bear lying in wait, as a lion in secret places.
11Akatsausa nzira dzangu, akandibvarura-bvarura, akandiita renje.
11He hath turned aside my ways, and pulled me in pieces; he hath made me desolate.
12Akakunga uta hwake, akandiita chinhu chokuposhera nomuseve.
12He hath bent his bow, and set me as a mark for the arrow.
13Akapinza miseve yegoba rake mutsvo dzangu.
13He hath caused the shafts of his quiver to enter into my reins.
14Ndava chinhu chinosekwa navanhu vangu vose, nechiimbo chavo zuva rose.
14I am become a derision to all my people, and their song all the day.
15Akandigutisa nezvinovava, akandimwisa gavakava.
15He hath filled me with bitterness, he hath sated me with wormwood.
16Akapedza meno angu norubwe, akandifukidza namadota,
16He hath also broken my teeth with gravel stones; he hath covered me with ashes.
17Makarashira mweya wangu kure norugare, ndakakangamwa kuti zvakanaka zvakadini.
17And thou hast removed my soul far off from peace; I forgat prosperity.
18Ini ndikati, Simba rangu rapera, nezvandakanga ndakatarira kuna Jehovha.
18And I said, My strength is perished, and mine expectation from Jehovah.
19Rangarirai kutambudzika kwangu nenhamo yangu, iro gavakava nenduru.
19Remember mine affliction and my misery, the wormwood and the gall.
20Mweya wangu uchangozvirangarira nazvino, uri kutambudzika kwazvo.
20My soul hath them still in remembrance, and is bowed down within me.
21Ndinozvifunga izvo, naizvozvo ndine tariro.
21This I recall to my mind; therefore have I hope.
22Nokuda kounyoro hwaJehovha tigere kupedzwa, nekuti tsitsi dzake hadziperi.
22[It is of] Jehovah's lovingkindnesses that we are not consumed, because his compassions fail not.
23Mangwanani ose zvava zvitsva; kutendeka kwenyu kukuru.
23They are new every morning; great is thy faithfulness.
24Jehovha ndiwo mugove wangu, ndizvo zvinotaura mweya wangu; naizvozvo ndichavimba naye.
24Jehovah is my portion, saith my soul; therefore will I hope in him.
25Jehovha anoitira zvakanaka vanomumirira, naiwo mweya unomutsvaka.
25Jehovah is good unto them that wait for him, to the soul that seeketh him.
26Zvakanaka kuti munhu avimbe naJehovha, amirire ruponeso rwaJehovha anyerere,
26It is good that a man should hope and quietly wait for the salvation of Jehovah.
27zvakanaka kuti munhu atakure joko rake achiri muduku.
27It is good for a man that he bear the yoke in his youth.
28Ngaagare ari oga anyerere, nekuti ndiye akariisa pamusoro pake.
28Let him sit alone and keep silence, because he hath laid it upon him.
29Ngaaise muromo wake muguruva; zvimwe tariro ichipo.
29Let him put his mouth in the dust, if so be there may be hope.
30Ngaarinzire dama rake kune anomurova, ngaagute kushorwa.
30Let him give his cheek to him that smiteth him; let him be filled full with reproach.
31nekuti Ishe haangadzingi nokusingaperi.
31For the Lord will not cast off for ever.
32nekuti kunyange akachemedza, achanzwira tsitsi nokuwanda kwetsitsi dzake
32For though he cause grief, yet will he have compassion according to the multitude of his lovingkindnesses.
33nekuti haatambudzi nomoyo wake, haachemedzi vana vavanhu.
33For he doth not afflict willingly, nor grieve the children of men.
34Kuti vasungwa vose venyika vatsikwe pasi petsoka,
34To crush under foot all the prisoners of the earth,
35kuti zvakarurama zvomunhu zvikanganiswe pamberi peWekumusoro-soro,
35To turn aside the right of a man before the face of the Most High,
36kuti munhu arege kururamisirwa pamhaka yake, Ishe haafari naizvozvo.
36To subvert a man in his cause, the Lord approveth not.
37Ndianiko angataura, zvikaitika, kana Ishe asingazvirayiri?
37Who is he that saith, and it cometh to pass, when the Lord commandeth it not?
38Ko zvakaipa nezvakanaka hazvibudi pamuromo weWekumusoro-soro here?
38Out of the mouth of the Most High cometh there not evil and good?
39Ko munhu mupenyu anonyunyutirei, kana iye munhu achirohwa pamusoro pezvivi zvake?
39Wherefore doth a living man complain, a man for the punishment of his sins?
40Ngatinzvere nokuedza nzira dzedu, titendeukirezve kuna Jehovha.
40Let us search and try our ways, and turn again to Jehovah.
41Ngatisimudze moyo yedu namaoko edu kuna Mwari ari kudenga.
41Let us lift up our heart with our hands unto God in the heavens.
42Takadarika nokumumukira simba; imwi hamuna kutikangamwira
42We have transgressed and have rebelled; thou hast not pardoned.
43Makazvifukidza nokutsamwa, mukadzingana nesu, makauraya, hamuna kunzwira tsitsi.
43Thou hast covered with anger and pursued us; thou hast slain, thou hast not pitied.
44Makazvifukidza negore kuti kurege kuva nomunyengetero ungapindapo
44Thou hast covered thyself with a cloud, so that no prayer can pass through.
45Makatiita marara nezvinorashwa pakati pamarudzi avanhu.
45Thou hast made us an off-scouring and refuse in the midst of the peoples.
46Vavengi vedu vose vakatishamisira miromo yavo.
46All our enemies have opened their mouth wide against us.
47Kutya nehunza zvasvika kwatiri nokupedzwa nokuparadzwa.
47Fear and the pit are come upon us, devastation and destruction.
48Ziso rangu rinoyerera nzizi dzemvura pamusoro pokuparadzwa komukunda wavanhu vangu.
48Mine eye runneth down with streams of water, for the destruction of the daughter of my people.
49Ziso rangu rinodurura misodzi, hariregi, harigumi,
49Mine eye poureth down, and ceaseth not, without any intermission,
50kusvikira Jehovha achitarira achiona ari kudenga.
50Till Jehovah look down, and behold from heaven.
51Ziso rangu rinorwadzisa mweya wangu nemhaka yavakunda vose veguta rangu.
51Mine eye affecteth my soul, because of all the daughters of my city.
52Vakadzingana neni zvikuru seshiri, ivo, vanondivenga ndisina mhaka.
52They have chased me sore like a bird, they that are mine enemies without cause.
53Vakaparadza upenyu hwangu mugomba, vakakandira ibwe pamusoro pangu.
53They have cut off my life in the dungeon, and have cast a stone upon me.
54Mvura zhinji yakafukidza musoro wangu; ndakati, Ndapera.
54Waters flowed over my head; I said, I am cut off.
55Ndakadana zita renyu, Jehovha, ndiri mugomba rakadzika kwazvo.
55I called upon thy name, O Jehovah, out of the lowest dungeon.
56Makanzwa inzwi rangu; regai kundivanzira nzeve yenyu pakufema kwangu nokuchema kwangu.
56Thou heardest my voice; hide not thine ear at my breathing, at my cry.
57Makaswedera nezuva randakadana kwamuri, makati, Usatya.
57Thou drewest near in the day that I called upon thee; thou saidst, Fear not.
58Ishe, imwi makandireverera mhaka dzomweya wangu, makadzikunura upenyu hwangu.
58O Lord, thou hast pleaded the causes of my soul; thou hast redeemed my life.
59Haiwa Jehovha, makaona kusaruramisirwa kwangu, nditongerei mhaka yangu.
59O Jehovah, thou hast seen my wrong; judge thou my cause.
60Makaona kutsiva kwavo kose, namano avo ose pamusoro pangu.
60Thou hast seen all their vengeance and all their devices against me.
61Makanzwa kushora kwavo, Jehovha, namano avo ose pamusoro pangu,
61Thou hast heard their reproach, O Jehovah, and all their devices against me,
62iyo miromo yavakandimukira nezvavakandifungira zuva rose.
62The lips of those that rose up against me, and their device against me all the day.
63Tarirai kugara kwavo pasi nokusimuka kwavo; ndiri chiimbo chavo.
63Behold thou their sitting down, and their rising up; I am their song.
64imwi muchavatsiva, Jehovha, zvakafanira basa ramaoko avo.
64Thou wilt render unto them a recompense, O Jehovah, according to the work of their hands.
65Muchavapa kuwoma komoyo, ndiko kutuka kwenyu pamusoro pavo.
65Thou wilt give them hardness of heart, thy curse unto them.
66Muchadzingana navo makatsamwa, nokuvaparadza pasi pedenga raJehovha.
66Thou wilt pursue them in anger, and destroy them from under the heavens of Jehovah.