¹Zvino Jesu azere neMweya Mutsvene wakadzoka achibva paJoridhani, akatungamirirwa neMweya kurenje,

¹And Jesus, full of the Holy Spirit, returned from the Jordan, and was led in the Spirit in the wilderness

²achiidzwa nadhiabhorosi mazuva makumi mana. Uye wakange asingadyi chinhu nemazuva iwayo; zvino akati apera pakupedzisira akazonzwa nzara.

²during forty days, being tempted of the devil. And he did eat nothing in those days: and when they were completed, he hungered.

³Zvino dhiabhorosi akati kwaari: Kana uri Mwanakomana waMwari, udza ibwe iri kuti rive chingwa.

³And the devil said unto him, if thou art the Son of God, command this stone that it become bread.

⁴Jesu akamupindura, achiti: Kwakanyorwa kuti: Munhu haangararami nechingwa chete, asi neshoko rimwe nerimwe raMwari.

⁴And Jesus answered unto him, It is written, Man shall not live by bread alone.

⁵Dhiabhorosi ndokumutora akamutungamidza pagomo refu, akamuratidza ushe hwose hwenyika nechinguvana.

⁵And he led him up, and showed him all the kingdoms of the world in a moment of time.

⁶Dhiabhorosi ndokuti kwaari: Simba iri rose ndichakupa nekukudzwa kwahwo, nekuti ndakaripiwa ini, uye ndinoripa ani nani wandinoda.

⁶And the devil said unto him, To thee will I give all this authority, and the glory of them: for it hath been delivered unto me; and to whomsoever I will I give it.

⁷Naizvozvo iwe kana ukandishumira pamberi pangu, zvose zvichava zvako.

⁷If thou therefore wilt worship before me, it shall all be thine.

⁸Jesu akapindura akati kwaari: Ibva shure kwangu, Satani; nekuti kwakanyorwa kuchinzi: Uchamata Ishe, Mwari wako, uye umushumire iye oga.

⁸And Jesus answered and said unto him, It is written, Thou shalt worship the Lord thy God, and him only shalt thou serve.

⁹Akaenda naye kuJerusarema, akamuisa pachiruvu chetembere, akati kwaari: Kana uri Mwanakomana waMwari, zviwisire pasi uchibva pano;

⁹And he led him to Jerusalem, and set him on the pinnacle of the temple, and said unto him, If thou art the Son of God, cast thyself down from hence:

¹⁰nekuti kwakanyorwa kuchinzi: Ucharaira vatumwa vake pamusoro pako, kuti vakuchengete;

¹⁰for it is written, He shall give his angels charge concerning thee, to guard thee:

¹¹uye: Pamaoko vachakugamha, zvimwe ungagumbusa rutsoka rwako pabwe.

¹¹and, On their hands they shall bear thee up, Lest haply thou dash thy foot against a stone.

¹²Jesu achipindura, akati kwaari: Kwakanzi: Usaidza Ishe Mwari wako.

¹²And Jesus answering said unto him, It is said, Thou shalt not make trial of the Lord thy God.

¹³Dhiabhorosi akati apedza muedzo wose, akabva kwaari kusvikira pane imwe nguva.

¹³And when the devil had completed every temptation, he departed from him for a season.

¹⁴Zvino Jesu wakadzokera kuGarirea nesimba reMweya; mukurumbira wake ukabudira kudunhu rose rakapoteredza.

¹⁴And Jesus returned in the power of the Spirit into Galilee: and a fame went out concerning him through all the region round about.

¹⁵Iye ndokudzidzisa mumasinagoge avo, achikudzwa nevose.

¹⁵And he taught in their synagogues, being glorified of all.

¹⁶Akasvika paNazareta, paakange arerwa; netsika yake wakapinda musinagoge nemusi wesabata, akasimuka kuti averenge.

¹⁶And he came to Nazareth, where he had been brought up: and he entered, as his custom was, into the synagogue on the sabbath day, and stood up to read.

¹⁷Akapiwa rugwaro rwomuporofita Isaya. Zvino wakati avhura rugwaro, akawana nzvimbo pakange pakanyorwa kuti:

¹⁷And there was delivered unto him the book of the prophet Isaiah. And he opened the book, and found the place where it was written,

¹⁸Mweya waIshe uri pamusoro pangu, nekuti wakandizodza, kuti ndiparidzire evhangeri kuvarombo; wakandituma kuti ndiporese vakavodzwa moyo, kuparidza kusunungurwa kuna vakatapwa, nekuona kumapofu, ndisunungure vakatsikirirwa,

¹⁸The Spirit of the Lord is upon me, Because he anointed me to preach good tidings to the poor: He hath sent me to proclaim release to the captives, And recovering of sight to the blind, To set at liberty them that are bruised,

¹⁹nekudanidzira gore rakanaka raIshe.

¹⁹To proclaim the acceptable year of the Lord.

²⁰Akapeta rugwaro, akadzosera kumuranda, akagara pasi; meso avose vaiva musinagoge akamudzvokora.

²⁰And he closed the book, and gave it back to the attendant, and sat down: and the eyes of all in the synagogue were fastened on him.

²¹Zvino akatanga kuti kwavari: Nhasi rugwaro urwu rwazadziswa munzeve dzenyu.

²¹And he began to say unto them, To-day hath this scripture been fulfilled in your ears.

²²Vose vakapupura nezvake, vakashamisika nemashoko enyasha akabuda mumuromo make, vakati: Uyu haazi mwanakomana waJosefa here?

²²And all bare him witness, and wondered at the words of grace which proceeded out of his mouth: and they said, Is not this Joseph's son?

²³Akati kwavari: Zvirokwazvo muchataura kwandiri dimikira iri: Murapi, zvirape iwe; zvose zvatakanzwa zvakaitwa paKapenaumi, zviitewo muno munyika yekwako.

²³And he said unto them, Doubtless ye will say unto me this parable, Physician, heal thyself: whatsoever we have heard done at Capernaum, do also here in thine own country.

²⁴Iye ndokuti: Zvirokwazvo, ndinoti kwamuri: Hakuna muporofita unogamuchirwa munyika yekwake.

²⁴And he said, Verily I say unto you, No prophet is acceptable in his own country.

²⁵Asi chokwadi ndinoti kwamuri: Chirikadzi zhinji dzaivako kuna Israeri pamazuva aEria, apo denga rakavharwa makore matatu nemwedzi mitanhatu, kusvikira kwava nenzara huru panyika yose;

²⁵But of a truth I say unto you, There were many widows in Israel in the days of Elijah, when the heaven was shut up three years and six months, when there came a great famine over all the land;

²⁶asi Eria haana kutumwa kune umwe wavo, kunze kwekuSarepita yeSidhoni, kumukadzi chirikadzi.

²⁶and unto none of them was Elijah sent, but only to Zarephath, in the land of Sidon, unto a woman that was a widow.

²⁷Uye vanemaperembudzi vazhinji vaivako kuna Israeri panguva yemuporofita Erisha; asi hakuna umwe wavo wakanatswa, kunze kwaNaamani muSiria.

²⁷And there were many lepers in Israel in the time of Elisha the prophet; and none of them was cleansed, but only Naaman the Syrian.

²⁸Ipapo vose vakange vari musinagoge vakazara nehasha, vachinzwa zvinhu izvi.

²⁸And they were all filled with wrath in the synagogue, as they heard these things;

²⁹Ndokusimuka, vakamusundidzira kunze kweguta, vakamutinha kusvika pamawere pegomo, pakange pakavakwa guta ravo, kuti vamuposhera pasi.

²⁹and they rose up, and cast him forth out of the city, and led him unto the brow of the hill whereon their city was built, that they might throw him down headlong.

³⁰Asi iye wakapfuura nepakati pavo akaenda.

³⁰But he passing through the midst of them went his way.

³¹Wakabva aburukira Kapenaume, guta reGarirea; uye waivadzidzisa nemasabata.

³¹And he came down to Capernaum, a city of Galilee. And he was teaching them on the sabbath day:

³²Vakashamisika nedzidziso yake, nekuti shoko rake rakange rine simba.

³²and they were astonished at his teaching; for his word was with authority.

³³Zvino musinagoge makange mune munhu waiva ane mweya wedhimoni retsvina; akadanidzira nenzwi guru,

³³And in the synagogue there was a man, that had a spirit of an unclean demon; and he cried out with a loud voice,

³⁴akati: Regai! Tinei nemwi Jesu muNazareta? Mauya kuzotiparadza kanhi? Ndinokuzivai kuti ndimwi ani: Mutsvene waMwari.

³⁴Ah! what have we to do with thee, Jesus thou Nazarene? art thou come to destroy us? I know thee who thou art, the Holy One of God.

³⁵Zvino Jesu akautsiura, achiti: Nyarara, ubude kwaari! Dhimoni rakati ramuwisira pakati, rikabuda kwaari, risina kumukuvadza.

³⁵And Jesus rebuked him, saying, Hold thy peace, and come out of him. And when the demon had thrown him down in the midst, he came out of him, having done him no hurt.

³⁶Kushamisika kukavasvikira vose, vakataurirana, vachiti: Ishoko ripi iri? Nekuti nesimba nechikuriri unoraira mweya yetsvina, ikabuda.

³⁶And amazement came upon all, and they spake together, one with another, saying, What is this word? for with authority and power he commandeth the unclean spirits, and they come out.

³⁷Mukurumbira wake ukabuda kunzvimbo dzose dzedunhu rakapoteredza.

³⁷And there went forth a rumor concerning him into every place of the region round about.

³⁸Zvino wakasimuka akabuda musinagoge, akapinda mumba maSimoni; zvino mbuyawasha vaSimoni vakange vakabatwa nefivhiri huru; vakamukumbirira kwaari.

³⁸And he rose up from the synagogue, and entered into the house of Simon. And Simon's wife's mother was holden with a great fever; and they besought him for her.

³⁹Zvino akakotamira pamusoro pavo, akatsiura fivhiri, ikavarega; uye pakarepo vakasimuka vakavashandira.

³⁹And he stood over her, and rebuked the fever; and it left her: and immediately she rose up and ministered unto them.

⁴⁰Zvino zuva rakati rovira, vose vaiva nevarwere vezvirwere zvakasiyana siyana vakavauyisa kwaari; akaisa maoko pamusoro peumwe neumwe wavo akavaporesa.

⁴⁰And when the sun was setting, all they that had any sick with divers diseases brought them unto him; and he laid his hands on every one of them, and healed them.

⁴¹Nemadhimoni akabuda kuvazhinji, achidanidzira achiti: Imwi muri Kristu Mwanakomana waMwari. Akaatsiura akasaatendera kutaura, nekuti akange achiziva kuti ndiKristu.

⁴¹And demons also came out from many, crying out, and saying, Thou art the Son of God. And rebuking them, he suffered them not to speak, because they knew that he was the Christ.

⁴²Zvino kwakati kwaedza, akabuda, akaenda kunzvimbo yerenje, zvaunga zvikamutsvaka, zvikauya kwaari, zvikamudzivirira kuti arege kubva kwazviri.

⁴²And when it was day, he came out and went into a desert place: and the multitudes sought after him, and came unto him, and would have stayed him, that he should not go from them.

⁴³Asi wakati kwavari: Ndinofanira kuparidzira evhangeri yeushe hwaMwari kumamwe magutawo; nekuti ndizvo zvandakatumirwa.

⁴³But he said unto them, I must preach the good tidings of the kingdom of God to the other cities also: for therefore was I sent.

⁴⁴Akasiparidza mumasinagoge eGarirea.

⁴⁴And he was preaching in the synagogues of Galilee.