¹Zvino shure kwemazuva matanhatu Jesu akatora Petro naJakobho naJohwani munin'ina wake, akavakwidza mugomo refu vari vega.

¹And after six days Jesus taketh with him Peter, and James, and John his brother, and bringeth them up into a high mountain apart:

²Akashandurwa chimiro pamberi pavo, chiso chake chikapenya sezuva, nguvo dzake dzikachena sechiedza.

²and he was transfigured before them; and his face did shine as the sun, and his garments became white as the light.

³Zvino tarira, kwakaonekwa kwaari Mozisi naEria vachitaura naye.

³And behold, there appeared unto them Moses and Elijah talking with him.

⁴Zvino Petro akapindura akati kuna Jesu: Ishe, zvakatinakira kuva pano; kana muchida, ngatiite pano matende matatu, rimwe renyu, nerimwe raMozisi, nerimwe raEria.

⁴And Peter answered, and said unto Jesus, Lord, it is good for us to be here: if thou wilt, I will make here three tabernacles; one for thee, and one for Moses, and one for Elijah.

⁵Wakati achataura, tarira, gore rinopenya rakavadzikatira; uye tarira, inzwi rikabva mugore, richiti: Uyu Mwanakomana wangu unodika, wandinofadzwa maari kwazvo, inzwai iye.

⁵While he was yet speaking, behold, a bright cloud overshadowed them: and behold, a voice out of the cloud, saying, This is my beloved Son, in whom I am well pleased; hear ye him.

⁶Vadzidzi vakati vachizvinzwa, vakawa nechiso chavo, vakatya zvikuru.

⁶And when the disciples heard it, they fell on their face, and were sore afraid.

⁷Asi Jesu akaswedera akavabata, akati: Simukai, musatya.

⁷And Jesus came and touched them and said, Arise, and be not afraid.

⁸Vakati vachisimudza meso avo, havana kuona munhu, kunze kwaJesu chete.

⁸And lifting up their eyes, they saw no one, save Jesus only.

⁹Zvino vakati vachiburuka mugomo, Jesu akavaraira, achiti: Musaudza munhu chiratidzo ichi, kusvikira Mwanakomana wemunhu amuka kuvakafa.

⁹And as they were coming down from the mountain, Jesus commanded them, saying, Tell the vision to no man, until the Son of man be risen from the dead.

¹⁰Vadzidzi vake vakamubvunza vachiti: Vanyori vanogotaurirei vachiti Eria unofanira kutanga kuuya?

¹⁰And his disciples asked him, saying, Why then say the scribes that Elijah must first come?

¹¹Jesu akapindura akati kwavari: Eria uchatanga kusvika zvirokwazvo, uchavandudza zvinhu zvose.

¹¹And he answered and said, Elijah indeed cometh, and shall restore all things:

¹²Asi ndinotaura kwamuri kuti Eria wakatosvika, asi havana kumuziva, asi vakamuitira zvose zvavakada; saizvozvowo Mwanakomana wemunhu uchatambura navo.

¹²but I say into you, that Elijah is come already, and they knew him not, but did unto him whatsoever they would. Even so shall the Son of man also suffer of them.

¹³Zvino vadzidzi vakanzwisisa kuti wakataura kwavari zvaJohwani Mubhabhatidzi.

¹³Then understood the disciples that he spake unto them of John the Baptist.

¹⁴Vakati vasvika kuchaunga, kwakauya kwaari munhu, akamufugamira, achiti:

¹⁴And when they were come to the multitude, there came to him a man, kneeling to him, saying,

¹⁵Ishe, donzwirai mwanakomana wangu tsitsi, nekuti une zvipusha, unotambudzika kwazvo; nekuti kazhinji unowira mumoto, kazhinji mumvura.

¹⁵Lord, have mercy on my son: for he is epileptic, and suffereth grievously; for oft-times he falleth into the fire, and off-times into the water.

¹⁶Uye ndakamuuyisa kuvadzidzi venyu, asi havana kugona kumuporesa.

¹⁶And I brought him to thy disciples, and they could not cure him.

¹⁷Jesu akapindura akati: Zera risina rutendo nerakakombama, ndichava nemwi kusvikira rinhi? Ndichakuitirai moyo murefu kusvikira rinhi? Muuisei pano pandiri.

¹⁷And Jesus answered and said, O faithless and perverse generation, how long shall I be with you? how long shall I bear with you? bring him hither to me.

¹⁸Zvino Jesu akaritsiura, dhimoni rikabuda kwaari, mwana akaporeswa kubva panguva iyoyo.

¹⁸And Jesus rebuked him; and the demon went out of him: and the boy was cured from that hour.

¹⁹Zvino vadzidzi vakauya kuna Jesu vari voga, vakati: Isu takange tisingagoni nei kuribudisa?

¹⁹Then came the disciples to Jesus apart, and said, Why could not we cast it out?

²⁰Jesu akati kwavari: Nemhaka yekusatenda kwenyu. Nekuti zvirokwazvo ndinoti kwamuri: Kana mune rutendo rwakaita setsanga yemasitadha, mungati kugomo iri: Ibva pano, enda koko; uye richabva; hakuna chinhu chingakukonai.

²⁰And he saith unto them, Because of your little faith: for verily I say unto you, If ye have faith as a grain of mustard seed, ye shall say unto this mountain, Remove hence to yonder place; and it shall remove; and nothing shall be impossible unto you.

²¹Asi zera iri haribudi kunze chete nekunyengetera nekutsanya.

²¹[But this kind goeth not out save by prayer and fasting.]

²²Zvino vachakagara muGarirea, Jesu wakati kwavari: Mwanakomana wemunhu wobva wokumikidzwa mumaoko evanhu,

²²And while they abode in Galilee, Jesus said unto them, The Son of man shall be delivered up into the hands of men;

²³uye vachamuuraya, asi nezuva retatu uchamutswa. Vakashurukirwa zvikuru.

²³and they shall kill him, and the third day he shall be raised up. And they were exceeding sorry.

²⁴Zvino vakati vachisvika Kapenaume, vanhu vaigamuchira mutero vakauya kuna Petro, vakati: Mudzidzisi wenyu haateri here?

²⁴And when they were come to Capernaum, they that received the half-shekel came to Peter, and said, Doth not your teacher pay the half-shekel?

²⁵Akati: Hongu. Zvino wakati achipinda mumba, Jesu akamutangira achiti: Unofungei Simoni? Madzimambo enyika anotora muripo kana mutero kuna vana ani? Kuvanakomana vavo kana kuvatorwa?

²⁵He saith, Yea. And when he came into the house, Jesus spake first to him, saying, What thinkest thou, Simon? the kings of the earth, from whom do they receive toll or tribute? from their sons, or from strangers?

²⁶Petro akati kwaari: Kuvatorwa. Jesu akati kwaari: Saka vanakomana vakasununguka.

²⁶And when he said, From strangers, Jesus said unto him, Therefore the sons are free.

²⁷Asi kuti tirege kuvagumbusa, enda kugungwa ukande chiredzo; ubate hove inotanga kubuda; kana washamisa muromo wayo, uchawana mari; uitore uvape, ive yangu neyako.

²⁷But, lest we cause them to stumble, go thou to the sea, and cast a hook, and take up the fish that first cometh up; and when thou hast opened his mouth, thou shalt find a shekel: that take, and give unto them for me and thee.