¹Zvino Jesu wakabuda akabva patembere; vadzidzi vake ndokuswedera kuzomuratidza zvivakwa zvetembere.

¹And Jesus went out from the temple, and was going on his way; and his disciples came to him to show him the buildings of the temple.

²Jesu akati kwavari: Hamuoni zvinhu izvi zvose here? Zvirokwazvo ndinoti kwamuri: Hakungatozongosiiwi pano ibwe pamusoro pebwe risingazoputsirwi pasi.

²But he answered and said unto them, See ye not all these things? verily I say unto you, There shall not be left here one stone upon another, that shall not be thrown down.

³Kuzoti agere pagomo reMiorivhi, vadzidzi vakauya kwaari vari vega vachiti: Tiudzei, zvinhu izvi zvichava rinhi? Nechiratidzo chekuuya kwenyu nechokuguma kwenyika chichava chipi?

³And as he sat on the mount of Olives, the disciples came unto him privately, saying, Tell us, when shall these things be? and what [shall be] the sign of thy coming, and of the end of the world?

⁴Jesu akapindura akati kwavari: Chenjerai kuti kusava neunokutsausai;

⁴And Jesus answered and said unto them, Take heed that no man lead you astray.

⁵nekuti vazhinji vachauya muzita rangu, vachiti: Ndini Kristu; uye vachatsausa vazhinji.

⁵For many shall come in my name, saying, I am the Christ; and shall lead many astray.

⁶Zvino muchanzwa zvehondo nerunyerekupe rwehondo; chenjerai, musakanganiswa; nekuti zvose zvinofanira kuitika; asi kuguma kuchigere.

⁶And ye shall hear of wars and rumors of wars; see that ye be not troubled: for [these things] must needs come to pass; but the end is not yet.

⁷Nekuti rudzi ruchamukira rudzi, neushe huchamukira ushe, uye kuchava nenzara, nematenda, nekudengenyeka kwenyika kunzvimbo dzakasiyana siyana.

⁷For nation shall rise against nation, and kingdom against kingdom; and there shall be famines and earthquakes in divers places.

⁸Asi zvose izvi kutanga kwemarwadzo emimba.

⁸But all these things are the beginning of travail.

⁹Ipapo vachakukumikidzai mukutambudzika, uye vachakuurayai; uye muchavengwa nemarudzi ose nekuda kwezita rangu.

⁹Then shall they deliver you up unto tribulation, and shall kill you: and ye shall be hated of all the nations for my name's sake.

¹⁰Zvino vazhinji vachagumbuswa, uye vachatengesana, nekuvengana.

¹⁰And then shall many stumble, and shall deliver up one another, and shall hate one another.

¹¹Uye vaporofita vazhinji venhema vachamuka, vatsause vazhinji.

¹¹And many false prophets shall arise, and shall lead many astray.

¹²Nekuti kuipa kuchawanda, rudo rwevazhinji rwuchatonhora.

¹²And because iniquity shall be multiplied, the love of the many shall wax cold.

¹³Asi unotsungirira kusvikira pakuguma, ndiye uchaponeswa.

¹³But he that endureth to the end, the same shall be saved.

¹⁴Uye evhangeri iyi yeushe ichaparidzwa munyika yose chive uchapupu kumarudzi ose; ipapo kuguma kuchasvika.

¹⁴And this gospel of the kingdom shall be preached in the whole world for a testimony unto all the nations; and then shall the end come.

¹⁵Naizvozvo kana muchiona nyangadzi yekuparadza yakarehwa naDhanyeri muporofita, imire panzvimbo tsvene (unorava ngaanzwisise),

¹⁵When therefore ye see the abomination of desolation, which was spoken of through Daniel the prophet, standing in the holy place (let him that readeth understand),

¹⁶zvino vari muJudhiya ngavatizire kumakomo;

¹⁶then let them that are in Judaea flee unto the mountains:

¹⁷uri pamusoro pedenga reimba ngaarege kuburuka kuzotora chinhu kubva mumba make;

¹⁷let him that is on the housetop not go down to take out things that are in his house:

¹⁸neuri kumunda ngaarege kudzokera shure kunotora nguvo dzake.

¹⁸and let him that is in the field not return back to take his cloak.

¹⁹Mune nhamo vane mimba nevanomwisa nemazuva iwayo!

¹⁹But woe unto them that are with child and to them that give suck in those days!

²⁰Asi nyengeterai kuti kutiza kwenyu kurege kuva mukuvhuvhuta, kana nesabata.

²⁰And pray ye that your flight be not in the winter, neither on a sabbath:

²¹Nekuti ipapo kuchavapo kutambudzika kukuru, kusati kwakambovapo kwakadaro kubva pakutanga kwenyika kusvikira zvino, uye kusingazovipozve.

²¹for then shall be great tribulation, such as hath not been from the beginning of the world until now, no, nor ever shall be.

²²Dai mazuva iwayo asaipfupiswa, hakuna nyama zvachose yaiponeswa; asi nekuda kwevasanangurwa, mazuva iwayo achapfupiswa.

²²And except those days had been shortened, no flesh would have been saved: but for the elect's sake those days shall be shortened.

²³Zvino kana munhu akati kwamuri: Tarirai, Kristu pano, kana apo, musatenda.

²³Then if any man shall say unto you, Lo, here is the Christ, or, Here; believe [it] not.

²⁴Nekuti kuchamuka vana Kristu venhema nevaporofita venhema, vachaita zviratidzo zvikuru nezvishamiso, zvekuti kana zvichibvira, vatsause nevasanagurwa.

²⁴For there shall arise false Christs, and false prophets, and shall show great signs and wonders; so as to lead astray, if possible, even the elect.

²⁵Tarirai, ndagara ndakuudzai.

²⁵Behold, I have told you beforehand.

²⁶Naizvozvo kana vakati kwamuri: Tarirai, uri murenje, musabuda; tarirai uri mudzimba dzemukati, musatenda.

²⁶If therefore they shall say unto you, Behold, he is in the wilderness; go not forth: Behold, he is in the inner chambers; believe [it] not.

²⁷Nekuti semheni inobuda kumabvazuva ichipenya kusvikira kumavirira, kuchava saizvozvo kuuya kweMwanakomana wemunhu.

²⁷For as the lightning cometh forth from the east, and is seen even unto the west; so shall be the coming of the Son of man.

²⁸Nekuti apo pane chitunha, ndipo pachaunganidzwa magora.

²⁸Wheresoever the carcase is, there will the eagles be gathered together.

²⁹Pakarepo shure kwekutambudzika kwemazuva iwayo, zuva richasvibiswa, nemwedzi hauchazopi chiedza chawo, uye nyeredzi dzichawa kudenga, nemasimba ekumatenga achazungunuswa.

²⁹But immediately after the tribulation of those days the sun shall be darkened, and the moon shall not give her light, and the stars shall fall from heaven, and the powers of the heavens shall be shaken:

³⁰Uye ipapo kuchaonekwa chiratidzo cheMwanakomana wemunhu kudenga; uye ipapo marudzi ose enyika achachema, uye achaona Mwanakomana wemunhu achiuya mumakore ekudenga nesimba nekubwinya kukuru.

³⁰and then shall appear the sign of the Son of man in heaven: and then shall all the tribes of the earth mourn, and they shall see the Son of man coming on the clouds of heaven with power and great glory.

³¹Uye uchatuma vatumwa vake nekurira kukuru kwehwamanda, vachaunganidza vasanangurwa vake kubva kumhepo ina, kubva kumugumo wematenga kusvikira kumugumo wawo.

³¹And he shall send forth his angels with a great sound of a trumpet, and they shall gather together his elect from the four winds, from one end of heaven to the other.

³²Asi dzidzai mufananidzo kubva pamuonde: Kana davi rawo rava ikozvino nyoro, richitunga mashizha, munoziva kuti zhizha raswedera.

³²Now from the fig tree learn her parable: when her branch is now become tender, and putteth forth its leaves, ye know that the summer is nigh;

³³Saizvozwo nemwi, kana moona izvozvi zvose, zivai kuti wava pedo pamikova.

³³even so ye also, when ye see all these things, know ye that he is nigh, [even] at the doors.

³⁴Zvirokwazvo ndinoti kwamuri: Zera iri haringatongopfuuri kusvikira izvozvi zvose zvaitika.

³⁴Verily I say unto you, This generation shall not pass away, till all these things be accomplished.

³⁵Denga nenyika zvichapfuura, asi mashoko angu haangatongopfuuri.

³⁵Heaven and earth shall pass away, but my words shall not pass away.

³⁶Asi zvezuva iro nenguva iyo hakuna unozviziva, kunyangwe vatumwa vekumatenga, asi Baba vangu chete.

³⁶But of that day and hour knoweth no one, not even the angels of heaven, neither the Son, but the Father only.

³⁷Asi semazuva aNowa, kuchaita saizvozvowo kuuya kweMwanakomana wemunhu.

³⁷And as [were] the days of Noah, so shall be the coming of the Son of man.

³⁸Nekuti sepamazuva akatangira mafashame, vaidya nekumwa, nekuwana nekuwaniswa, kusvikira zuva Nowa raakapinda muareka,

³⁸For as in those days which were before the flood they were eating and drinking, marrying and giving in marriage, until the day that Noah entered into the ark,

³⁹uye vakange vasingazivi, kusvikira kwasvika mafashame avabvisa vose, kuchaita saizvozvowo kuuya kweMwanakomana wemunhu.

³⁹and they knew not until the flood came, and took them all away; so shall be the coming of the Son of man.

⁴⁰Ipapo vaviri vachava mumunda; umwe achatorwa, umwe achasiiwa.

⁴⁰Then shall two man be in the field; one is taken, and one is left:

⁴¹Vakadzi vaviri vachikuya paguyo; umwe achatorwa, neumwe achasiiwa.

⁴¹two women [shall be] grinding at the mill; one is taken, and one is left.

⁴²Rindai naizvozvo, nekuti hamuzivi nguva Ishe wenyu yaachauya.

⁴²Watch therefore: for ye know not on what day your Lord cometh.

⁴³Asi zivai izvi, kuti dai mwene weimba aiziva kuti inguva yekurinda ipi ichasvika mbavha, ungadai airinda, akasatendera imba yake kuti ipazwe.

⁴³But know this, that if the master of the house had known in what watch the thief was coming, he would have watched, and would not have suffered his house to be broken through.

⁴⁴Naizvozvo imwiwo ivai makagadzirira; nekuti neawa ramusingafungiri, Mwanakomana wemunhu anouya.

⁴⁴Therefore be ye also ready; for in an hour that ye think not the Son of man cometh.

⁴⁵Ko ndiani muranda wakatendeka, wakangwara, ishe wake wakamugadza pamusoro pevaranda vake kuti avape chikafu nenguva yakafanira?

⁴⁵Who then is the faithful and wise servant, whom his lord hath set over his household, to give them their food in due season?

⁴⁶Wakaropafadzwa muranda uyo, unoti kana ishe wake achisvika anomuwana achiita saizvozvo.

⁴⁶Blessed is that servant, whom his lord when he cometh shall find so doing.

⁴⁷Zvirokwazvo ndinoti kwamuri: Uchamugadza pamusoro pezvose zvaanazvo.

⁴⁷Verily I say unto you, that he will set him over all that he hath.

⁴⁸Asi kana muranda uyo wakaipa akati mumoyo make: Ishe wangu wanonoka kuuya,

⁴⁸But if that evil servant shall say in his heart, My lord tarrieth;

⁴⁹ndokutanga kurova vamwe varanda vanobata pamwe naye, nekudya nekumwa nezvidhakwa,

⁴⁹and shall begin to beat his fellow-servants, and shall eat and drink with the drunken;

⁵⁰ishe wemuranda uyo uchasvika nezuva raasingatariri nenguva yaasingazivi,

⁵⁰the lord of that servant shall come in a day when he expecteth not, and in an hour when he knoweth not,

⁵¹akamugura nepakati, akamugovera mugove wake nevanyepedzeri, apo pachava nekuchema nekugeda-geda kwemeno.

⁵¹and shall cut him asunder, and appoint his portion with the hypocrites: there shall be the weeping and the gnashing of teeth.