¹Zvakaitika Jesu apedza mashoko iwayo ose, akati kuvadzidzi vake:

¹And it came to pass, when Jesus had finished all these words, he said unto his disciples,

²Munoziva kuti mushure memazuva maviri ichava pasika, uye Mwanakomana wemunhu uchatengeswa kuti arovererwe pamuchinjikwa.

²Ye know that after two days the passover cometh, and the Son of man is delivered up to be crucified.

³Ipapo kwakaungana vapristi vakuru nevanyori nevakuru vevanhu muruvanze rwomupristi mukuru wainzi Kayafasi.

³Then were gathered together the chief priests, and the elders of the people, unto the court of the high priest, who was called Caiaphas;

⁴Vakarangana kuti vabate Jesu nemano, vagomuuraya.

⁴and they took counsel together that they might take Jesus by subtlety, and kill him.

⁵Asi vakati: Kwete pamutambo, kuti kurege kuva nebongozozo pakati pevanhu.

⁵But they said, Not during the feast, lest a tumult arise among people.

⁶Zvino Jesu wakati ari paBhetaniya mumba maSimoni wemaperembudzi,

⁶Now when Jesus was in Bethany, in the house of Simon the leper,

⁷kwakasvika kwaari mukadzi nechinu chearibhasiteri* chechizoro chinokosha zvikuru, akadurura mumusoro wake agere pakudya.

⁷there came unto him a woman having an alabaster cruse of exceeding precious ointment, and she poured it upon his head, as he sat at meat.

⁸Asi vadzidzi vake vakati vachiona, vakatsamwa vachiti: Kutambisa uku ndokwei?

⁸But when the disciples saw it, they had indignation, saying, To what purpose is this waste?

⁹Nekuti chizoro ichi chingadai chatengeswa nemari zhinji, ikapiwa varombo.

⁹For this [ointment] might have been sold for much, and given to the poor.

¹⁰Asi Jesu aziva wakati kwavari: Munotambudzirei mukadzi? Nekuti waita basa rakanaka kwandiri;

¹⁰But Jesus perceiving it said unto them, Why trouble ye the woman? for she hath wrought a good work upon me.

¹¹nekuti varombo munavo nguva dzose, asi ini hamuneni nguva dzose.

¹¹For ye have the poor always with you; but me ye have not always.

¹²Nekuti pakundidira chizoro ichi pamuviri wangu, waitira kuvigwa kwangu.

¹²For in that she poured this ointment upon my body, she did it to prepare me for burial.

¹³Zvirokwazvo ndinoti kwamuri: Kose kunozoparidzirwa evhangeri iyi panyika yose, izviwo mukadzi zvaaita zvicharehwa, chive chirangaridzo chake.

¹³Verily I say unto you, Wheresoever this gospel shall be preached in the whole world, that also which this woman hath done shall be spoken of for a memorial of her.

¹⁴Ipapo umwe wevanegumi nevaviri, wainzi Judhasi Isikariyoti, wakaenda kuvapristi vakuru,

¹⁴Then one of the twelve, who was called Judas Iscariot, went unto the chief priests,

¹⁵akati: Munoda kundipei, ini ndigomukumikidza kwamuri? Vakatenderana naye pamasirivheri makumi matatu.

¹⁵and said, What are ye willing to give me, and I will deliver him unto you? And they weighed unto him thirty pieces of silver.

¹⁶Uye kubva panguva iyo akatsvaka mukana wakafanira wekumukumikidza kwavari.

¹⁶And from that time he sought opportunity to deliver him [unto them.]

¹⁷Nerekutanga rezvingwa zvisina mbiriso, vadzidzi vakauya kuna Jesu vachiti kwaari: Ndekupi kwamunoda kuti tigadzirire kuti mudye pasika?

¹⁷Now on the first [day] of unleavened bread the disciples came to Jesus, saying, Where wilt thou that we make ready for thee to eat the passover?

¹⁸Akati: Endai muguta kuna nyakuti, muti kwaari: Mudzidzisi unoti: Nguva yangu yava pedo; ndichaita pasika paimba yako nevadzidzi vangu.

¹⁸And he said, Go into the city to such a man, and say unto him, The Teacher saith, My time is at hand; I keep the passover at thy house with my disciples.

¹⁹Vadzidzi vakaita Jesu sezvaakaraira; vakagadzirira pasika.

¹⁹And the disciples did as Jesus appointed them; and they made ready the passover.

²⁰Zvino ava madekwani akagara pakudya nevanegumi nevaviri.

²⁰Now when even was come, he was sitting at meat with the twelve disciples;

²¹Vakati vachidya akati: Zvirokwazvo ndinoti kwamuri: Umwe wenyu uchanditengesa.

²¹and as they were eating, he said, Verily I say unto you, that one of you shall betray me.

²²Zvino vakashungurudzika zvikuru, vakatanga umwe neumwe wavo kuti kwaari: Ishe, zvirokwazvo handisi ini here?

²²And they were exceeding sorrowful, and began to say unto him every one, Is it I, Lord?

²³Ndokupindura akati: Unoseva ruoko neni mundiro ndiye uchanditengesa.

²³And he answered and said, He that dipped his hand with me in the dish, the same shall betray me.

²⁴Mwanakomana wemunhu unoenda hake sezvazvakanyorwa pamusoro pake; asi une nhamo munhu uyo Mwanakomana wemunhu waanotengeswa naye! Zvaiva nani kwaari kana munhu uyo aiva asina kuberekwa.

²⁴The Son of man goeth, even as it is written of him: but woe unto that man through whom the Son of man is betrayed! good were it for that man if he had not been born.

²⁵Judhasi uyo wakamutengesa ndokupindura akati: Rabhi*, zvirokwazvo handisi ini here? Akati kwaari: Wataura iwe.

²⁵And Judas, who betrayed him, answered and said, Is it I, Rabbi? He saith unto him, Thou hast said.

²⁶Zvino vakati vachidya, Jesu akatora chingwa akaropafadza, akamedura ndokupa vadzidzi akati: Torai, idyai, ichi ndicho muviri wangu.

²⁶And as they were eating, Jesus took bread, and blessed, and brake it; and he gave to the disciples, and said, Take, eat; this is my body.

²⁷Akatora mukombe, akavonga, akapa kwavari, achiti: Imwai mose pauri.

²⁷And he took a cup, and gave thanks, and gave to them, saying, Drink ye all of it;

²⁸Nekuti iri iropa rangu, iro resungano itsva, rinoteurirwa vazhinji rekukangamwirwa kwezvivi.

²⁸for this is my blood of the covenant, which is poured out for many unto remission of sins.

²⁹Asi ndinoti kwamuri: Kubva zvino handichamwi zvechibereko ichi chemuzambiringa, kusvikira zuva iro randichazomwa naro nemwi chava chitsva muushe hwaBaba vangu.

²⁹But I say unto you, I shall not drink henceforth of this fruit of the vine, until that day when I drink it new with you in my Father's kingdom.

³⁰Zvino vakati vaimba rwiyo vakabuda vakaenda kugomo reMiorivhi.

³⁰And when they had sung a hymn, they went out unto the mount of Olives.

³¹Ipapo Jesu wakati kwavari: Imwi mose muchagumburwa nekuda kwangu usiku huno; nekuti kwakanyorwa kuchinzi: Ndicharova mufudzi, uye makwai eboka achaparadzirwa.

³¹Then saith Jesus unto them, All ye shall be offended in me this night: for it is written, I will smite the shepherd, and the sheep of the flock shall be scattered abroad.

³²Asi shure kwekumutswa kwangu, ndichakutungamirirai Garirea.

³²But after I am raised up, I will go before you into Galilee.

³³Asi Petro wakapindura akati kwaari: Kunyange vose vakagumburwa nekuda kwenyu, ini handingatongogumburwi.

³³But Peter answered and said unto him, If all shall be offended in thee, I will never be offended.

³⁴Jesu akati kwaari: Zvirokwazvo ndinoti kwauri: Muusiku huno, jongwe risati rarira, uchandiramba katatu.

³⁴Jesus said unto him, Verily I say unto thee, that this night, before the cock crow, thou shalt deny me thrice.

³⁵Petro akati kwaari: Kunyange zvakandifanira kufa nemwi, handingatongokurambiyi. Vadzidziwo vose vakadaro.

³⁵Peter saith unto him, Even if I must die with thee, [yet] will I not deny thee. Likewise also said all the disciples.

³⁶Zvino Jesu wakasvika navo panzvimbo inonzi Getsemani, akati kuvadzidzi: Garai pano ini ndichamboenda ndinonyengetera uko.

³⁶Then cometh Jesus with them unto a place called Gethsemane, and saith unto his disciples, Sit ye here, while I go yonder and pray.

³⁷Akatora pamwe naye Petro nevanakomana vaviri vaZebhedhi, akatanga kushungurudzika nekutambudzika.

³⁷And he took with him Peter and the two sons of Zebedee, and began to be sorrowful and sore troubled.

³⁸Ipapo akati kwavari: Mweya wangu unoshungurudzika kwazvo kusvikira parufu; garai pano murinde neni.

³⁸Then saith he unto them, My soul is exceeding sorrowful, even unto death: abide ye here, and watch with me.

³⁹Akaenda mberi zvishoma, akawa nechiso chake, akanyengetera achiti: Baba vangu, kana zvichibvira, mukombe uyu ngaupfuure kwandiri. Asi kusava sezvandinoda ini asi imwi.

³⁹And he went forward a little, and fell on his face, and prayed, saying, My Father, if it be possible, let this cup pass away from me: nevertheless, not as I will, but as thou wilt.

⁴⁰Akauya kuvadzidzi, akavawana vavete, akati kuna Petro: Saka makoniwa kurinda neni awa rimwe here?

⁴⁰And he cometh unto the disciples, and findeth them sleeping, and saith unto Peter, What, could ye not watch with me one hour?

⁴¹Rindai munyengetere, kuti musapinda mumuedzo; mweya unoda zvirokwazvo, asi nyama ine utera.

⁴¹Watch and pray, that ye enter not into temptation: the spirit indeed is willing, but the flesh is weak.

⁴²Akaendazve rwechipiri akanyengetera, achiti: Baba vangu, kana mukombe uyu usingagoni kupfuura kubva kwandiri, kunze kwekuti ndaumwa, kuda kwenyu ngakuitwe.

⁴²Again a second time he went away, and prayed, saying, My Father, if this cannot pass away, except I drink it, thy will be done.

⁴³Akauya, akavawana vavatazve, nekuti meso avo akange orema.

⁴³And he came again and found them sleeping, for their eyes were heavy.

⁴⁴Akavasiya, akaendazve akanyengetera rwechitatu, achitaura mashoko iwawo.

⁴⁴And he left them again, and went away, and prayed a third time, saying again the same words.

⁴⁵Ndokuuya kuvadzidzi vake ndokuti kwavari: Chirambai muvete muzorore; tarirai, nguva yaswedera, Mwanakomana wemunhu wotengeswa mumaoko evatadzi.

⁴⁵Then cometh he to the disciples, and saith unto them, Sleep on now, and take your rest: behold, the hour is at hand, and the Son of man is betrayed into the hands of sinners.

⁴⁶Simukai, ngatiende, tarirai, wonditengesa wava pedo.

⁴⁶Arise, let us be going: behold, he is at hand that betrayeth me.

⁴⁷Zvino achataura, tarira, Judhasi umwe wevanegumi nevaviri wakasvika, chaunga chikuru chinaye chine minondo netsvimbo chichibva kuvapristi vakuru nevakuru vevanhu.

⁴⁷And while he yet spake, lo, Judas, one of the twelve, came, and with him a great multitude with swords and staves, from the chief priest and elders of the people.

⁴⁸Zvino iye wakamutengesa wakavapa chiratidzo achiti: Uyo wandichatsvoda, ndiye, mumubate.

⁴⁸Now he that betrayed him gave them a sign, saying, Whomsoever I shall kiss, that is he: take him.

⁴⁹Uye pakarepo akasvika kuna Jesu, akati: Hekanhi, Rabhi*! Akamutsvoda.

⁴⁹And straightway he came to Jesus, and said, Hail, Rabbi; and kissed him.

⁵⁰Jesu akati kwaari: Shamwari, wavingei? Ipapo vakaswedera vakaisa maoko pana Jesu, vakamubata.

⁵⁰And Jesus said unto him, Friend, [do] that for which thou art come. Then they came and laid hands on Jesus, and took him.

⁵¹Uye tarirai, umwe wevaiva naJesu akatambanudza ruoko, akavhomora munondo wake akatema muranda wemupristi mukuru, akagura nzeve yake.

⁵¹And behold, one of them that were with Jesus stretched out his hand, and drew his sword, and smote the servant of the high priest, and struck off his ear.

⁵²Ipapo Jesu akati kwaari: Dzosera munondo wako munzvimbo yawo, nekuti vose vanobata munondo vanoparara nemunondo.

⁵²Then saith Jesus unto him, Put up again thy sword into its place: for all they that take the sword shall perish with the sword.

⁵³Kana unofunga here kuti handigoni ikozvino kukumbira kuna Baba vangu, vakandigadzikira mapoka emauto evatumwa anopfuura makumi maviri?

⁵³Or thinkest thou that I cannot beseech my Father, and he shall even now send me more than twelve legions of angels?

⁵⁴Ko magwaro angazadziswa sei kuti zvinofanira kuti zvidaro?

⁵⁴How then should the scriptures be fulfilled that thus it must be?

⁵⁵Nenguva iyoyo Jesu wakati kuzvaunga: Mabuda semunovinga gororo neminondo netsvimbo kuzondibata here? Ndaigara nemwi mazuva ose ndichidzidzisa mutembere, asi hamuna kundibata.

⁵⁵In that hour said Jesus to the multitudes, Are ye come out as against a robber with swords and staves to seize me? I sat daily in the temple teaching, and ye took me not.

⁵⁶Asi izvi zvose zvaitika, kuti magwaro evaporofita azadziswe. Ipapo vadzidzi vose vakamusiya, vakatiza.

⁵⁶But all this is come to pass, that the scriptures of the prophets might be fulfilled. Then all the disciples left him, and fled.

⁵⁷Avo vakange vabata Jesu vakamuendesa kuna Kayafasi mupristi mukuru, apo pakange paungana vanyori nevakuru.

⁵⁷And they that had taken Jesus led him away to [the house of] Caiaphas the high priest, where the scribes and the elders were gathered together.

⁵⁸Asi Petro wakamutevera ari kure kusvikira paruvanze rwemupristi mukuru, akapinda mukati, akagara nevaranda kuzoona mugumo.

⁵⁸But Peter followed him afar off, unto the court of the high priest, and entered in, and sat with the officers, to see the end.

⁵⁹Zvino vapristi vakuru nevakuru nedare remakurukota rose vakatsvaka uchapupu hwenhema hunopikisa Jesu kuti vamuuraye.

⁵⁹Now the chief priests and the whole council sought false witness against Jesus, that they might put him to death;

⁶⁰Asi havana kuhuwana, kunyange zvapupu zvenhema zvizhinji zvakauya, zvikasahuwana. Pakupedzisira kwakasvika zvapupu zviviri,

⁶⁰and they found it not, though many false witnesses came. But afterward came two,

⁶¹zvikati: Uyu wakati: Ndinogona kuputsa tembere yaMwari, nekuivaka nemazuva matatu.

⁶¹and said, This man said, I am able to destroy the temple of God, and to build it in three days.

⁶²Zvino mupristi mukuru akasimuka akati kwaari: Haupinduri chinhu here? Ava vanopupurei zvinopikisana newe?

⁶²And the high priest stood up, and said unto him, Answerest thou nothing? what is it which these witness against thee?

⁶³Asi Jesu wakanyarara. Mupristi mukuru akapindura akati kwaari: Ndinokupikisa naMwari mupenyu kuti utiudze kana uri Kristu, Mwanakomana waMwari.

⁶³But Jesus held his peace. And the high priest said unto him, I adjure thee by the living God, that thou tell us whether thou art the Christ, the Son of God.

⁶⁴Jesu akati kwaari: Wataura iwe; asi ndinoti kwamuri: Kubva zvino muchaona Mwanakomana wemunhu agere kuruoko rwerudyi rwesimba, achiuya pamusoro pemakore edenga.

⁶⁴Jesus said unto him, Thou hast said: nevertheless I say unto you, Henceforth ye shall see the Son of man sitting at the right hand of Power, and coming on the clouds of heaven.

⁶⁵Ipapo mupristi mukuru akabvarura nguvo dzake achiti: Wanyomba; tichiri kudirei zvapupu? Tarirai, ikozvino manzwa kunyomba kwake.

⁶⁵Then the high priest rent his garments, saying, He hath spoken blasphemy: what further need have we of witnesses? behold, now ye have heard the blasphemy:

⁶⁶Munofungei? Vakapindura vakati: Une mhoswa yerufu.

⁶⁶what think ye? They answered and said, He is worthy of death.

⁶⁷Zvino vakamupfira pachiso, vakamurova netsiva, vamwe vakamurova nembama,

⁶⁷Then did they spit in his face and buffet him: and some smote him with the palms of their hands,

⁶⁸vachiti: Porofita kwatiri, iwe Kristu, ndiani wakurova?

⁶⁸saying, Prophesy unto us, thou Christ: who is he that struck thee?

⁶⁹Petro wakange agere panze paruvanze; ndokuuya kwaari umwe murandakadzi achiti: Iwewo wakange una Jesu weGarirea.

⁶⁹Now Peter was sitting without in the court: and a maid came unto him, saying, Thou also wast with Jesus the Galilaean.

⁷⁰Asi iye wakaramba pamberi pevose achiti: Handizivi zvaunoreva.

⁷⁰But he denied before them all, saying, I know not what thou sayest.

⁷¹Zvino wakati abuda pasuwo, umwe mukadzi akamuona, akati kune vaivapo: Uyuwo wakange ana Jesu weNazareta.

⁷¹And when he was gone out into the porch, another [maid] saw him, and saith unto them that were there, This man also was with Jesus of Nazareth.

⁷²Akarambazve nemhiko, kuti: Handizivi munhu uyu.

⁷²And again he denied with an oath, I know not the man.

⁷³Shure kwechinguva chiduku kwakauya vakange vamirepo vachiti kuna Petro: Zvirokwazvo iwewo uri wavo; kunyange kutaura kwako kunokuratidza.

⁷³And after a little while they that stood by came and said to Peter, Of a truth thou also art [one] of them; for thy speech maketh thee known.

⁷⁴Zvino wakatanga kutuka nekupika kuti: Handizivi munhu uyu. Pakarepo jongwe rikarira.

⁷⁴Then began he to curse and to swear, I know not the man. And straightway the cock crew.

⁷⁵Petro ndokurangarira shoko raJesu raakati kwaari: Jongwe risati rarira, uchandiramba katatu. Ndokubuda panze akachema zvakaomarara.

⁷⁵And Peter remembered the word which Jesus had said, Before the cock crow, thou shalt deny me thrice. And he went out, and wept bitterly.