¹Akabva apinda mugwa, akayambuka ndokusvika muguta rake pachake.

¹And he entered into a boat, and crossed over, and came into his own city.

²Zvino tarira, vakauyisa kwaari wakange akafa mitezo, avete pauchanja; zvino Jesu achiona rutendo rwavo akati kune wakange akafa mitezo: Tsunga moyo, mwana, wakangamwirwa zvivi zvako.

²And behold, they brought to him a man sick of the palsy, lying on a bed: and Jesus seeing their faith said unto the sick of the palsy, Son, be of good cheer; thy sins are forgiven.

³Zvino tarira, vamwe vevanyori vakati mukati mavo: Uyu unonyomba.

³And behold, certain of the scribes said within themselves, This man blasphemeth.

⁴Asi Jesu achiona mifungo yavo wakati: Munofungirei zvakaipa mumoyo yenyu?

⁴And Jesus knowing their thoughts said, Wherefore think ye evil in your hearts?

⁵Nekuti ndechipi chakareruka, kuti: Wakangamwirwa zvivi zvako; kana kuti: Simuka ufambe?

⁵For which is easier, to say, Thy sins are forgiven; or to say, Arise, and walk?

⁶Asi kuti muzive kuti Mwanakomana wemunhu une simba panyika rekukangamwira zvivi (wakabva ati kune wakange akafa mitezo): Simuka, tora uchanja hwako, uende kumba kwako.

⁶But that ye may know that the Son of man hath authority on earth to forgive sins (then saith he to the sick of the palsy), Arise, and take up thy bed, and go up unto thy house.

⁷Akasimuka, akaenda kumba kwake.

⁷And he arose, and departed to his house.

⁸Zvaunga zvakati zvichizviona zvikashamisika, zvikarumbidza Mwari, wakapa simba rakadai kuvanhu.

⁸But when the multitudes saw it, they were afraid, and glorified God, who had given such authority unto men.

⁹Zvino Jesu wakati achipfuurapo akaona munhu unonzi Matewu agere pahofisi yemutero, akati kwaari: Nditevere! Ndokusimuka, akamutevera.

⁹And as Jesus passed by from thence, he saw a man, called Matthew, sitting at the place of toll: and he saith unto him, Follow me. And he arose, and followed him.

¹⁰Zvino zvakaitika agere pakudya mumba, tarira, vateresi vazhinji nevatadzi vakauya vakagara pakudya naJesu nevadzidzi vake.

¹⁰And it came to pass, as he sat at meat in the house, behold, many publicans and sinners came and sat down with Jesus and his disciples.

¹¹Zvino vaFarisi vakati vachizviona, vakati kuvadzidzi vake: Nemhaka yei mudzidzisi wenyu achidya nevateresi nevatadzi?

¹¹And when the Pharisees saw it, they said unto his disciples, Why eateth your Teacher with the publicans and sinners?

¹²Asi Jesu wakati anzwa, akati kwavari: Vakagwinya havadi murapi asi vanorwara.

¹²But when he heard it, he said, They that are whole have no need of a physician, but they that are sick.

¹³Asi endai mudzidze kuti zvinorevei kuti: Ndinoda tsitsi uye kwete chibayiro; nekuti handina kuuya kuzodana vakarurama, asi vatadzi vauye mukutendeuka.

¹³But go ye and learn what [this] meaneth, I desire mercy, and not sacrifice, for I came not to call the righteous, but sinners.

¹⁴Ipapo kwakasvika kwaari vadzidzi vaJohwani, vachiti: Nemhaka yei isu nevaFarisi tichitsanya kazhinji, asi vadzidzi venyu vasingatsanyi?

¹⁴Then come to him the disciples of John, saying, Why do we and the Pharisees fast oft, but thy disciples fast not?

¹⁵Jesu ndokuti kwavari: Vana veimba yemuchato vangachema here apo muwani anavo? Asi mazuva achasvika achabviswa muwani kwavari, ipapo vachatsanya.

¹⁵And Jesus said unto them, Can the sons of the bridechamber mourn, as long as the bridegroom is with them? but the days will come, when the bridegroom shall be taken away from them, and then will they fast.

¹⁶Hakuna unoisa chigamba chemucheka usakaunyana panguvo sharu, nekuti icho chinonamirwa pairi chinobvarura panguvo, buri rikanyanya.

¹⁶And no man putteth a piece of undressed cloth upon an old garment; for that which should fill it up taketh from the garment, and a worse rent is made.

¹⁷Uye havadiri waini itsva muhombodo tsaru; zvikasadaro hombodo dzinoputika, waini ikateuka, nehombodo dzikaparara; asi vanodira waini itsva muhombodo itsva, zvichengeteke zviri zviviri.

¹⁷Neither do [men] put new wine into old wine-skins: else the skins burst, and the wine is spilled, and the skins perish: but they put new wine into fresh wine-skins, and both are preserved.

¹⁸Wakati achitaura zvinhu izvozvi kwavari, tarira, kwakasvika umwe mutungamiriri akamufugamira, akati: Mukunda wangu uchangofa; asi uyai muise ruoko rwenyu pamusoro pake, uye uchararama.

¹⁸While he spake these things unto them, behold, there came a ruler, and worshipped him, saying, My daughter is even now dead: but come and lay thy hand upon her, and she shall live.

¹⁹Jesu ndokusimuka akamutevera, nevadzidzi vake.

¹⁹And Jesus arose, and followed him, and [so did] his disciples.

²⁰Zvino, tarira, mukadzi waiva nekubuda ropa makore gumi nemaviri, wakaswedera shure kwake, akabata mupendero wenguvo yake.

²⁰And behold, a woman, who had an issue of blood twelve years, came behind him, and touched the border of his garment:

²¹Nekuti wakati mukati make: Kana ndikangobata nguvo yake, ndichaporeswa.

²¹for she said within herself, If I do but touch his garment, I shall be made whole.

²²Asi Jesu wakatendeuka akati amuona, akati: Mukunda, tsunga moyo; rutendo rwako rwakuponesa. Mukadzi ndokuponeswa kubva panguva iyo.

²²But Jesus turning and seeing her said, Daughter, be of good cheer; thy faith hath made thee whole. And the woman was made whole from that hour.

²³Jesu ndokusvika mumba memutungamiriri akaona varidzi venyere nechaunga chichiita nyonga-nyonga,

²³And when Jesus came into the ruler's house, and saw the flute-players, and the crowd making a tumult,

²⁴akati kwavari: Ibvai; nekuti musikana haana kufa, asi uvete. Ndokumuseka vachimusvabaidza.

²⁴he said, Give place: for the damsel is not dead, but sleepeth. And they laughed him to scorn.

²⁵Asi chaunga chakati chabudiswa, akapinda, ndokubata ruoko rwake, musikana ndokumuka.

²⁵But when the crowd was put forth, he entered in, and took her by the hand; and the damsel arose.

²⁶Mukurumbira uyu ukabudira kunyika iyo yose.

²⁶And the fame hereof went forth into all that land.

²⁷Zvino Jesu wakati opfuurapo, mapofu maviri akamutevera, achidanidzira achiti: Tinzwirei tsitsi, Mwanakomana waDhavhidhi!

²⁷And as Jesus passed by from thence, two blind men followed him, crying out, and saying, Have mercy on us, thou son of David.

²⁸Zvino wakati apinda mumba, mapofu akauya kwaari; Jesu akati kwaari: Munotenda kuti ndinogona kuita izvozvi here? Akati kwaari: Hongu, Ishe.

²⁸And when he was come into the house, the blind men came to him: and Jesus saith unto them, Believe ye that I am able to do this? They say unto him, Yea, Lord.

²⁹Ipapo wakabata meso avo achiti: Ngazviitike kwamuri maererano nerutendo rwenyu.

²⁹Then touched he their eyes, saying, According to your faith be it done unto you.

³⁰Zvino meso avo akasvinudzwa; Jesu akavarairisa achiti: Onai kuti hakuna unozviziva.

³⁰And their eyes were opened. And Jesus strictly charged them, saying, See that no man know it.

³¹Asi vakati vabuda, vakaparidzira mukurumbira wake munyika iyo yose.

³¹But they went forth, and spread abroad his fame in all that land.

³²Zvino vakati vachibuda, tarira, vakauyisa kwaari munhu chimumumu waiva nedhimoni.

³²And as they went forth, behold, there was brought to him a dumb man possessed with a demon.

³³Zvino dhimoni rakati rabudiswa, chimumumu chikataura; zvaunga zvikashamisika zvikati: Hakuna kumboonekwa zvakadai muna Israeri.

³³And when the demon was cast out, the dumb man spake: and the multitudes marvelled, saying, It was never so seen in Israel.

³⁴Asi vaFarisi vakati: Unobudisa madhimoni nemukuru wemadhimoni.

³⁴But the Pharisees said, By the prince of the demons casteth he out demons.

³⁵Zvino Jesu wakapota nemaguta ose nemisha, achidzidzisa mumasinagoge avo, nekuparidza evhangeri yeushe, nekuporesa matenda ose neurwere hwoga hwoga pakati pevanhu.

³⁵And Jesus went about all the cities and the villages, teaching in their synagogues, and preaching the gospel of the kingdom, and healing all manner of disease and all manner of sickness.

³⁶Asi wakati achiona zvaunga, akavanzwira tsitsi, nekuti vakange vaneta, vakapararira semakwai asina mufudzi.

³⁶But when he saw the multitudes, he was moved with compassion for them, because they were distressed and scattered, as sheep not having a shepherd.

³⁷Ipapo akati kuvadzidzi vake: Zvirokwazvo mukoho mukuru, asi vashandi vashoma;

³⁷Then saith he unto his disciples, The harvest indeed is plenteous, but the laborers are few.

³⁸naizvozvo kumbirisai kuna Ishe wemukoho, kuti atumire vabati pamukoho wake.

³⁸Pray ye therefore the Lord of the harvest, that he send forth laborers into his harvest.