¹Zvino Jehovha akataura naMozisi, akati,

¹And Jehovah spake unto Moses, saying,

²Taura navana vaIsiraeri, utore kwavari tsvimbo, imwe paimba imwe neimwe yamadzibaba avo, tsvimbo dzine gumi nembiri, pamachinda avo ose nedzimba dzamadzibaba avo; zvino unofanira kunyora zita romumwe nomumwe patsvimbo yake.

²Speak unto the children of Israel, and take of them rods, one for each fathers' house, of all their princes according to their fathers' houses, twelve rods: write thou every man's name upon his rod.

³Asi zita raAroni unofanira kurinyora patsvimbo yaRevhi; nekuti kunofanira kuva netsvimbo imwe yomukuru mumwe nomumwe wedzimba dzamadzibaba avo.

³And thou shalt write Aaron's name upon the rod of Levi; for there shall be one rod for each head of their fathers' houses.

⁴Zvino unofanira kudzichengeta mutende rokusangana pamberi peareka yechipupuriro, pandinosangana nemi.

⁴And thou shalt lay them up in the tent of meeting before the testimony, where I meet with you.

⁵Ipapo munhu andichatsaura, tsvimbo yake ichabuka, kuti ndigumise kunyunyuta kwavana vaIsiraeri kwavanokunyunyutira nako.

⁵And it shall come to pass, that the rod of the man whom I shall choose shall bud: and I will make to cease from me the murmurings of the children of Israel, which they murmur against you.

⁶Zvino Mozisi akataura navana vaIsiraeri, machinda avo ose akamupa tsvimbo, imwe yomuchinda mumwe nomumwe nedzimba dzamadzibaba avo, ndidzo tsvimbo gumi nembiri; netsvimbo yaAroni yakanga iri pakati petsvimbo dzavo.

⁶And Moses spake unto the children of Israel; and all their princes gave him rods, for each prince one, according to their fathers' houses, even twelve rods: and the rod of Aaron was among their rods.

⁷Mozisi akachengeta tsvimbo idzo pamberi paJehovha mutende rechipupuriro.

⁷And Moses laid up the rods before Jehovah in the tent of the testimony.

⁸Fume mangwana Mozisi akapinda mutende rechipupuriro, onei tsvimbo yaAroni yeimba yaRevhi yakanga yabuka, yava namabukira, yabudisa maruva, yabereka maamanda akanga aibva.

⁸And it came to pass on the morrow, that Moses went into the tent of the testimony; and, behold, the rod of Aaron for the house of Levi was budded, and put forth buds, and produced blossoms, and bare ripe almonds.

⁹Ipapo Mozisi akabudisa tsvimbo dzose pamberi paJehovha kuvanhu vaIsiraeri vose; vakatarira, mumwe nomumwe akatora tsvimbo yake.

⁹And Moses brought out all the rods from before Jehovah unto all the children of Israel: and they looked, and took every man his rod.

¹⁰Jehovha akati kuna Mozisi, Dzosera tsvimbo yaAroni pamberi pechipupuriro, ichengetwe chive chiratidzo chavanhu vakandimukira; kuti ugumise kundinyunyutira kwavo, varege kufa.

¹⁰And Jehovah said unto Moses, Put back the rod of Aaron before the testimony, to be kept for a token against the children of rebellion; that thou mayest make an end of their murmurings against me, that they die not.

¹¹Mozisi akaita saizvozvo; sezvaakarairwa naJehovha, ndizvo zvaakaita.

¹¹Thus did Moses: as Jehovah commanded him, so did he.

¹²Vana vaIsiraeri vakataura naMozisi, vakati, Tarira, tofa, topera, topera tose.

¹²And the children of Israel spake unto Moses, saying, Behold, we perish, we are undone, we are all undone.

¹³Mumwe nomumwe anoswedera, anoswedera kutabhenakeri yaJehovha, anofa; zvino tichafa tose kanhi?

¹³Every one that cometh near, that cometh near unto the tabernacle of Jehovah, dieth: shall we perish all of us?