¹Naizvozvo zvino hakuna kupiwa mhosva kune vari muna Kristu Jesu vasingafambi nenyama asi nemweya.

¹There is therefore now no condemnation to them that are in Christ Jesus.

²Nekuti murairo weMweya weupenyu muna Kristu Jesu wakandisunungura pamurairo wechivi nerufu.

²For the law of the Spirit of life in Christ Jesus made me free from the law of sin and of death.

³Nekuti zvakange zvisingagoni kuitwa nemurairo, pakuti wakange une utera kubudikidza nenyama, Mwari achituma Mwanakomana wake nemufananidzo wenyama yezvivi, uye nekuda kwechivi, wakapa mhosva chivi munyama;

³For what the law could not do, in that it was weak through the flesh, God, sending his own Son in the likeness of sinful flesh and for sin, condemned sin in the flesh:

⁴kuti kururama kwemurairo kuzadziswe matiri, tisingafambi nenyama, asi nemweya.

⁴that the ordinance of the law might be fulfilled in us, who walk not after the flesh, but after the Spirit.

⁵Nekuti vari venyama vanorangarira zvinhu zvenyama asi vemweya zvinhu zvemweya.

⁵For they that are after the flesh mind the things of the flesh; but they that are after the Spirit the things of the Spirit.

⁶Nekuti kufunganya kwenyama rufu; asi kufunganya kwemweya upenyu nerugare;

⁶For the mind of the flesh is death; but the mind of the Spirit is life and peace:

⁷nekuti kufunganya kwenyama ruvengo kuna Mwari; nekuti hakuzviisi pasi pomurairo waMwari; uye hakugoniwo;

⁷because the mind of the flesh is enmity against God; for it is not subject to the law of God, neither indeed can it be:

⁸naizvozvo zvino vari munyama havagoni kufadza Mwari.

⁸and they that are in the flesh cannot please God.

⁹Asi imwi hamusi munyama, asi mumweya, kana zvirokwazvo Mweya waMwari uchigara mamuri. Asi ani nani asina Mweya waKristu haazi wake.

⁹But ye are not in the flesh but in the Spirit, if so be that the Spirit of God dwelleth in you. But if any man hath not the Spirit of Christ, he is none of his.

¹⁰Asi kana Kristu ari mamuri, muviri wakafa nekuda kwechivi, asi mweya upenyu nekuda kwekururama.

¹⁰And if Christ is in you, the body is dead because of sin; but the spirit is life because of righteousness.

¹¹Zvino kana Mweya waiye wakamutsa Jesu kuvakafa achigara mamuri, iye wakamutsa Kristu kuvakafa uchamutsawo miviri yenyu inofa kubudikidza neMweya wake unogara mamuri.

¹¹But if the Spirit of him that raised up Jesus from the dead dwelleth in you, he that raised up Christ Jesus from the dead shall give life also to your mortal bodies through his Spirit that dwelleth in you.

¹²Naizvozvo, hama, tine ngava, kwete kunyama, kuti tirarame zvinoenderana nenyama;

¹²So then, brethren, we are debtors, not to the flesh, to live after the flesh:

¹³nekuti kana muchirarama panyama, muchafa; asi kana muchiuraya mabasa emuviri neMweya, muchararama.

¹³for if ye live after the flesh, ye must die; but if by the Spirit ye put to death the deeds of the body, ye shall live.

¹⁴Nekuti vose vanotungamirirwa neMweya waMwari, ndivo vana vaMwari.

¹⁴For as many as are led by the Spirit of God, these are sons of God.

¹⁵Nekuti hamuna kugamuchira mweya weurandazve kuti mutye, asi makagamuchira mweya wekuitwa vana, watinodana nawo tichiti: Abha*, Baba.

¹⁵For ye received not the spirit of bondage again unto fear; but ye received the spirit of adoption, whereby we cry, Abba, Father.

¹⁶Mweya amene unopupurirana nemweya wedu, kuti tiri vana vaMwari;

¹⁶The Spirit himself beareth witness with our spirit, that we are children of God:

¹⁷zvino kana tiri vana, tiri vadyi venhaka; vadyi venhaka vaMwari, vadyi venhaka pamwe naKristu; kana zvakadaro kuti tinotambudzika naye, kuti tikudzwewo pamwe.

¹⁷and if children, then heirs; heirs of God, and joint-heirs with Christ; if so be that we suffer with [him], that we may be also glorified with [him].

¹⁸Nekuti ndinoona kuti matambudziko enguva ino haafaniri kuenzaniswa nekubwinya kuchazoratidzwa kwatiri.

¹⁸For I reckon that the sufferings of this present time are not worthy to be compared with the glory which shall be revealed to us-ward.

¹⁹Nekuti tarisiro huru yechisikwa inomirira kuratidzwa kwevanakomana vaMwari.

¹⁹For the earnest expectation of the creation waiteth for the revealing of the sons of God.

²⁰Nekuti chisikwa chakaiswa pasi pechisina maturo, kwete nekuda, asi nekuda kwaiye wakachiisa pasi mutariro.

²⁰For the creation was subjected to vanity, not of its own will, but by reason of him who subjected it, in hope

²¹Nekuti chisikwa pachachowo chichasunungurwa pauranda hwekuora, chiiswe parusununguko rwekubwinya kwevana vaMwari.

²¹that the creation itself also shall be delivered from the bondage of corruption into the liberty of the glory of the children of God.

²²Nekuti tinoziva kuti chisikwa chose chinogomera nekurwadziwa mumarwadzo pamwe kusvikira zvino.

²²For we know that the whole creation groaneth and travaileth in pain together until now.

²³Zvisati zviri izvo chete, asi isuwo, kunyange tine chibereko chekutanga chemweya, nesu tomene tinogomera mukati medu, tichimirira kuitwa kwedu vana, ndirwo rudzikunuro rwemuviri wedu.

²³And not only so, but ourselves also, who have the first-fruits of the Spirit, even we ourselves groan within ourselves, waiting for [our] adoption, [to wit], the redemption of our body.

²⁴Nekuti tinoponeswa netariro; asi tariro inoonekwa haisi tariro; nekuti izvo munhu zvaanoona uchakazvitaririrei?

²⁴For in hope were we saved: but hope that is seen is not hope: for who hopeth for that which he seeth?

²⁵Asi kana tichitarisira chatisingaoni, tinochimirira nemoyo murefu.

²⁵But if we hope for that which we see not, [then] do we with patience wait for it.

²⁶Saizvozvo Mweyawo unobatsira utera hwedu; nekuti hatizivi chatinofanira kunyengeterera sezvatinofanira; asi Mweya amene unotireverera nekugomera kusingatauriki;

²⁶And in like manner the Spirit also helpeth our infirmity: for we know not how to pray as we ought; but the Spirit himself maketh intercession for [us] with groanings which cannot be uttered;

²⁷zvino iye unonzvera moyo, ndiye unoziva fungwa dzeMweya, nekuti unoreverera vatsvene maererano naMwari.

²⁷and he that searcheth the hearts knoweth what is the mind of the Spirit, because he maketh intercession for the saints according to [the will of] God.

²⁸Uye tinoziva kuti zvinhu zvose zvinobata pamwe kuti zvinakire avo vanoda Mwari, avo vakadamwa maererano nezano rake.

²⁸And we know that to them that love God all things work together for good, [even] to them that are called according to [his] purpose.

²⁹Nekuti vaakagara aziva, wakagarawo avatemera kuti vafanane nemufananidzo weMwanakomana wake, kuti ave dangwe pakati pehama zhinji.

²⁹For whom he foreknew, he also foreordained [to be] conformed to the image of his Son, that he might be the firstborn among many brethren:

³⁰Pamusoro pazvo, avo vaakagara atemera, ndivo vaakadanawo; ivo nevaakadana, ndivo vaakaruramisawo; nevaakaruramisa, ndivo vaakakudzawo.

³⁰and whom he foreordained, them he also called: and whom he called, them he also justified: and whom he justified, them he also glorified.

³¹Zvino tichatiyi kuzvinhu izvi? Kana Mwari ari wedu, ndiani uchatirwisa?

³¹What then shall we say to these things? If God [is] for us, who [is] against us?

³²Iye usina kutongoomera neMwanakomana wake, asi wakamukumikidza nekuda kwedu tose, ungarega sei nayewo kutipa pachena zvinhu zvose?

³²He that spared not his own Son, but delivered him up for us all, how shall he not also with him freely give us all things?

³³Ndiani uchapa mhosva vasanangurwa vaMwari? NdiMwari unoruramisa;

³³Who shall lay anything to the charge of God's elect? It is God that justifieth;

³⁴ndiani unopa mhosva? ndiKristu wakafa, zvikuru wakamutswazve, uri kuruoko rwerudyi rwaMwari, unotirevererawo.

³⁴who is he that condemneth? It is Christ Jesus that died, yea rather, that was raised from the dead, who is at the right hand of God, who also maketh intercession for us.

³⁵Ndiani uchatiparadzanisa nerudo rwaKristu? Kutambudzika, kana kumanikidzika, kana kushushwa, kana nzara, kana kushama, kana njodzi, kana munondo here?

³⁵Who shall separate us from the love of Christ? shall tribulation, or anguish, or persecution, or famine, or nakedness, or peril, or sword?

³⁶Sezvazvakanyorwa zvichinzi: Nekuda kwenyu tinourawa zuva rose; tinoverengwa semakwai okubayiwa.

³⁶Even as it is written, For thy sake we are killed all the day long; We were accounted as sheep for the slaughter.

³⁷Asi pazvinhu izvi zvose tinodarika vakundi kubudikidza naiye wakatida.

³⁷Nay, in all these things we are more than conquerors through him that loved us.

³⁸Nekuti ndinechokwadi kuti harwusi rufu, kana upenyu, kana vatumwa, kana ukuru ukuru, kana masimba, kana zvinhu zvazvino, kana zvinhu zvinouya,

³⁸For I am persuaded, that neither death, nor life, nor angels, nor principalities, nor things present, nor things to come, nor powers,

³⁹kana urefu, kana udzamu, kana chimwe chisikwa chipi zvacho, chingagona kutiparadzanisa nerudo rwaMwari rwuri muna Kristu Jesu Ishe wedu.

³⁹nor height, nor depth, nor any other creature, shall be able to separate us from the love of God, which is in Christ Jesus our Lord.