¹Zvino Samueri wakati akwegura

¹And it came to pass when Samuel was old, that he made his sons judges over Israel.

²Zita romwana wake wedangwe rakanga riri Jowero, nezita rowechipiri Abhija; ivo vaiva vatongi paBheerishebha.

²And the name of his firstborn was Joel; and the name of his second, Abijah; they judged in Beer-sheba.

³Asi vanakomana vake havana kufamba nenzira dzake, asi vakatsaukira kufuma yakaipa, vakagamuchira fufuro, nokusaruramisa pakutonga.

³And his sons walked not in his ways, but turned aside after lucre, and took bribes, and perverted justice.

⁴Zvino vakuru vaIsiraeri vose vakaungana, vakauya kuna Samueri paRama,

⁴Then all the elders of Israel gathered themselves together, and came to Samuel to Ramah,

⁵vakati kwaari, Tarirai, imwi makwegura, asi vanakomana venyu havafambi nenzira dzenyu, zvino tigadzirirei mambo ungatitonga, sezvinoitwa kundudzi dzose.

⁵and said to him, Behold, thou art become old, and thy sons walk not in thy ways: now appoint us a king to judge us, like all the nations.

⁶Asi shoko iro harina kufadza Samueri, iro rokuti, Tipei mambo ungatitonga. Samueri akanyengetera kuna Jehovha.

⁶And the thing displeased Samuel, when they said, Give us a king to judge us. And Samuel prayed to Jehovah.

⁷Ipapo Jehovha akati kuna Samueri, Teerera hako zvose zvinotaura vanhu kwauri, nekuti havana kukuramba iwe, asi vakandiramba ini, kuti ndirege kuva mambo wavo.

⁷And Jehovah said to Samuel, Hearken unto the voice of the people in all that they say unto thee: for they have not rejected thee, but they have rejected me, that I should not reign over them.

⁸Zvose zvavakaita kubva zuva randakavakwidza ndichivabudisa paEgipita kusvikira nhasi, vachindirasha nokushumira vamwe vamwari, ndizvo zvavanokuitira iwewo.

⁸According to all the deeds that they have done since the day that I brought them up out of Egypt even unto this day, in that they have forsaken me and served other gods, so do they also unto thee.

⁹Zvino teerera hako manzwi avo; asi uvapupurire kwazvo, uvazivise tsika dzamambo, uchavabata.

⁹And now hearken unto their voice; only, testify solemnly unto them, and declare unto them the manner of the king that shall reign over them.

¹⁰Zvino Samueri akaudza vanhu vakanga vachikumbira mambo kwaari mashoko ose aJehovha.

¹⁰And Samuel spoke all the words of Jehovah to the people that asked of him a king.

¹¹Akati, Tsika dzamambo, uchakubatai, ndidzo, Uchatora vanakomana venyu akavaisa pangoro dzake.

¹¹And he said, This will be the manner of the king that shall reign over you: he will take your sons, and appoint them for himself, on his chariot and among his horsemen, and they shall run before his chariots;

¹²Uchazvitsaurira vamwe vave vakuru vezviuru, navakuru vamakumi mashanu; ucharaira vamwe kumurimira minda yake, nokukohwa michero yake, nokumuitira nhumbi dzake dzokurwa nadzo, nenhumbi dzengoro dzake.

¹²and [he will take them] that he may appoint for himself captains over thousands, and captains over fifties, and that they may plough his ground, and reap his harvest, and make his instruments of war and instruments of his chariots.

¹³Uchatora vanasikana venyu, vave vavhenganisi vezvinonhuhwira, navabiki vezvokudya, navabiki vechingwa.

¹³And he will take your daughters for perfumers, and cooks, and bakers.

¹⁴Uchatora minda yenyu neminda yenyu yemizambiringa, neminda yenyu yemiorivhi yakaisvonaka kukunda mimwe, achipa varanda vake.

¹⁴And your fields, and your vineyards, and your oliveyards, the best, will he take and give to his servants.

¹⁵Uchatora zvegumi zvembeu dzenyu nemazambiringa enyu, achipa varanda vake navabatiri vake.

¹⁵And he will take the tenth of your seed and of your vineyards, and give to his chamberlains and to his servants.

¹⁶Uchatora varanda venyu navarandakadzi venyu, namajaya enyu akaisvonaka kukunda vamwe vose, nembongoro dzenyu, achibatisa mabasa ake nazvo.

¹⁶And he will take your bondmen, and your bondwomen, and your comeliest young men, and your asses, and use them for his work.

¹⁷Uchatora zvegumi zvamapoka enyu amakwai; nemwi muchava varanda vake.

¹⁷He will take the tenth of your sheep. And ye shall be his servants.

¹⁸Nezuva iro muchachema kwazvo nokuda kwamambo wenyu wamunenge mazvitsaurira; asi Jehovha haangakupinduriyi nezuva iro.

¹⁸And ye shall cry out in that day because of your king whom ye have chosen; and Jehovah will not answer you in that day.

¹⁹Asi vanhu vakaramba kuteerera inzwi raSamueri, vakati, Kwete, tinoda hedu mambo ungatibata,

¹⁹And the people refused to hearken to the voice of Samuel; and they said, No, but there shall be a king over us,

²⁰kuti isuwo tifanane nedzimwe ndudzi; mambo wedu atitonge, atitungamirire, nokurwa pahondo dzedu.

²⁰that we also may be like all the nations; and our king shall judge us, and go out before us, and conduct our wars.

²¹Samueri akanzwa mashoko ose avanhu, akaarondedzera panzeve dzaJehovha.

²¹And Samuel heard all the words of the people, and he repeated them in the ears of Jehovah.

²²Zvino Jehovha akati kuna Samueri, Teerera hako manzwi avo, uvagadzirire mambo. Samueri akati kuvarume vaIsiraeri, Endai henyu, mumwe nomumwe kuguta rake.

²²And Jehovah said to Samuel, Hearken unto their voice, and make them a king. And Samuel said to the men of Israel, Go ye every man to his city.