¹Asi ndakazvipira izvi mandiri kusauya kwamuri nekushungurudza.

¹But I have judged this with myself, not to come back to you in grief.

²Nekuti kana ndichikushungurudzai, ndiani zvino uchandifadza, kunze kwaiye wakashungurudzwa neni?

²For if *I* grieve you, who also [is] it that gladdens me, if not he that is grieved through me?

³Zvino ndakakunyorerai chinhu chakadai kuti zvimwe kana ndasvika, ndirege kushungurudzwa naivo vanofanira kundifadza; ndine chivimbo mamuri mose, kuti mufaro wangu ndewenyu mose.

³And I have written this very [letter] [to you], that coming I may not have grief from those from whom I ought to have joy; trusting in you all that my joy is [that] of you all.

⁴Nekuti mudambudziko guru nekushungurudzika kwemoyo ndakakunyorerai nemisodzi mizhinji, kwete kuti murwadziswe, asi kuti muzive rudo rukuru rwandinokudai narwo.

⁴For out of much tribulation and distress of heart I wrote to you, with many tears; not that ye may be grieved, but that ye may know the love which I have very abundantly towards you.

⁵Zvino kana umwe akarwadzisa, haana kurwadzisa ini, asi muchidimbu (kuti ndirege kukuremedzai) mose.

⁵But if any one has grieved, he has grieved, not me, but in part (that I may not overcharge [you]) all of you.

⁶Kuranga uku kwakakwanira wakadai ndiko kwevazhinji.

⁶Sufficient to such a one [is] this rebuke which [has been inflicted] by the many;

⁷Kuti panzvimbo yaizvozvi zviri nani kuti mumukangamwire nokunyaradza, kuti wakadaro arege kuodzwa moyo kwazvo neshungu zvinji.

⁷so that on the contrary ye should rather shew grace and encourage, lest perhaps such a one should be swallowed up with excessive grief.

⁸Naizvozvo ndinokukumbirisai kuti musimbise rudo kwaari.

⁸Wherefore I exhort you to assure him of [your] love.

⁹Nekuti ndakanyorerawo izvi, kuti ndizive kuidzwa kwenyu kana muchiteerera pazvinhu zvose.

⁹For to this end also I have written, that I might know, by putting you to the test, if as to everything ye are obedient.

¹⁰Zvino iye wamunokangamwira chinhu, neni ndinomukangamwira; nekuti kana ini ndichikangamwira chinhu, uyo wandinenge ndakakangamwira, ndinozviita nekuda kwenyu pamberi paKristu;

¹⁰But to whom ye forgive anything, *I* also; for I also, what I have forgiven, if I have forgiven anything, [it is] for your sakes in [the] person of Christ;

¹¹zvimwe Satani ungatora mukana wedu; nekuti hatizi vasingazivi mano ake.

¹¹that we might not have Satan get an advantage against us, for we are not ignorant of *his* thoughts.

¹²Zvino ndakati ndichisvika paTroasi neevhangeri yaKristu, ndazarurirwa mukova muna Kristu,

¹²Now when I came to Troas for the [publication of the] glad tidings of the Christ, a door also being opened to me in [the] Lord,

¹³handina kuwana zororo pamweya wangu, nekuti handina kuwana Tito hama yangu; asi ndakawonekana navo ndikabvapo ndikaenda Makedhonia.

¹³I had no rest in my spirit at not finding Titus my brother; but bidding them adieu, I came away to Macedonia.

¹⁴Asi ngaavongwe Mwari, unotikundisa nguva dzose muna Kristu, uye unoratidza nesu kose-kose hwema hweruzivo rwake.

¹⁴But thanks [be] to God, who always leads us in triumph in the Christ, and makes manifest the odour of his knowledge through us in every place.

¹⁵Nekuti tiri hwema hwunonhuwira hwaKristu kuna Mwari, pane ivo vanoponeswa nepane ivo vanoparara.

¹⁵For we are a sweet odour of Christ to God, in the saved and in those that perish:

¹⁶Kune vamwe hwema hworufu mukufa; nekune vamwe hwema hweupenyu muupenyu. Zvino ndiani ungakwanira zvinhu izvi?

¹⁶to the one an odour from death unto death, but to the others an odour from life unto life; and who [is] sufficient for these things?

¹⁷Nekuti hatifanani nevazhinji vanokanganisa shoko raMwari; asi seveuchokwadi, uye sezvinobva kuna Mwari pachiso chaMwari tinotaura tiri muna Kristu.

¹⁷For we do not, as the many, make a trade of the word of God; but as of sincerity, but as of God, before God, we speak in Christ.