¹Zvino Petro naJohwani vakakwira pamwe kuenda kutembere paawa rekunyengetera repfumbamwe.

¹And Peter and John went up together into the temple at the hour of prayer, [which is] the ninth [hour];

²Zvino kwaitakurwa umwe murume waiva chirema kubva mudumbu ramai vake; wavaiisa zuva rimwe nerimwe pamusuwo wetembere unonzi Wakanaka, kuti akumbire chipo kune vaipinda mutembere.

²and a certain man who was lame from his mother's womb was being carried, whom they placed every day at the gate of the temple called Beautiful, to ask alms of those who were going into the temple;

³Iye wakati achiona Petro naJohwani voda kupinda mutembere, akakumbira chipo.

³who, seeing Peter and John about to enter into the temple, asked to receive alms.

⁴Zvino Petro akamudzvokora anaJohwani, akati: Titarire!

⁴And Peter, looking stedfastly upon him with John, said, Look on us.

⁵Akavacherekedza, achitarisira kugamuchira chinhu kwavari.

⁵And he gave heed to them, expecting to receive something from them.

⁶Petro ndokuti: Sirivheri nendarama handina; asi icho chandinacho ndinokupa: Muzita raJesu Kristu muNazareta, simuka ufambe.

⁶But Peter said, Silver and gold I have not; but what I have, this give I to thee: In the name of Jesus Christ the Nazaraean rise up and walk.

⁷Akamubata ruoko rwerudyi akamusimudza; zvino pakarepo tsoka nezviziso zvetsoka dzake zvikasimbiswa.

⁷And having taken hold of him [by] the right hand he raised him up, and immediately his feet and ankle bones were made strong.

⁸Zvino akauruka akamira ndokufamba, ndokupinda navo mutembere, achifamba nekuuruka nekurumbidza Mwari.

⁸And leaping up he stood and walked, and entered with them into the temple, walking, and leaping, and praising God.

⁹Uye vanhu vose vakamuona achifamba, nekurumbidza Mwari.

⁹And all the people saw him walking and praising God;

¹⁰Vakaziva kuti ndiye waigarira chipo pamukova Wakanaka wetembere; vakazadzwa nekushamisika nekukatyamara nezvakange zvaitika kwaari.

¹⁰and they recognised him, that it was *he* who sat for alms at the Beautiful gate of the temple; and they were filled with wonder and amazement at what had happened to him.

¹¹Zvino waikamhina wakange aporeswa achakabatira Petro naJohwani, vanhu vose vakamhanyira pamwe kwavari paberere rinonzi raSoromoni, vachishamisika zvikuru.

¹¹And as he held Peter and John, all the people ran together to them in the portico which is called Solomon's, greatly wondering.

¹²Zvino Petro wakati achizviona akapindura kuvanhu achiti: Varume vaIsraeri, mashamisika sei pamusoro pezvizvi, kana munotidzvokora sei, sezvinonzi nesimba kana utsvene hwedu pachedu taita uyu kuti afambe?

¹²And Peter, seeing it, answered the people, Men of Israel, why are ye astonished at this? or why do ye gaze on us as if we had by our own power or piety made him to walk?

¹³Mwari waAbhurahamu newaIsaka newaJakobho, Mwari wemadzibaba edu, wakudza Mwanakomana wake Jesu; wamakakumikidza imwi kuvatongi nekumuramba pamberi pechiso chaPirato, iye agura kumusunungura.

¹³The God of Abraham and Isaac and Jacob, the God of our fathers, has glorified his servant Jesus, whom *ye* delivered up, and denied him in the presence of Pilate, when *he* had judged that he should be let go.

¹⁴Asi imwi makaramba Mutsvene neWakarurama, mukakumbira murume mhondi kuti ipiwe kwamuri,

¹⁴But *ye* denied the holy and righteous one, and asked that a man [that was] a murderer should be granted to you;

¹⁵mukauraya Muvambi weupenyu; iye Mwari waakamutsa kuvakafa; zvatiri zvapupu zvazvo isu.

¹⁵but the originator of life ye slew, whom God raised from among [the] dead, whereof *we* are witnesses.

¹⁶Uye nerutendo kuzita rake, uyu wamunoona uye wamunoziva, zita rake ramusimbisa; nerutendo rwuri nemaari rwamupa kuporeswa uku kwakazara pamberi penyu mose.

¹⁶And, by faith in his name, his name has made this [man] strong whom ye behold and know; and the faith which is by him has given him this complete soundness in the presence of you all.

¹⁷Uye ikozvino, hama, ndinoziva kuti makaita nekusaziva, sevatongi venyuwo.

¹⁷And now, brethren, I know that ye did it in ignorance, as also your rulers;

¹⁸Asi zvinhu izvo Mwari zvaakagara areva nemuromo wevaporofita vake vose, kuti Kristu uchatambudzika, wakazvizadzisa saizvozvi.

¹⁸but God has thus fulfilled what he had announced beforehand by the mouth of all the prophets, that his Christ should suffer.

¹⁹Naizvozvo tendeukai mudzoke, kuti zvivi zvenyu zvidzimwe, kuti nguva dzekufefeterwa dzinobva pamberi pechiso chaIshe dzisvike,

¹⁹Repent therefore and be converted, for the blotting out of your sins, so that times of refreshing may come from [the] presence of the Lord,

²⁰uye uchatuma Jesu Kristu, wakagara aparidzirwa kwamuri;

²⁰and he may send Jesus Christ, who was foreordained for you,

²¹wakafanira kuti denga rimugamuchire kusvikira nguva dzekuvandudzwa kwezvinhu zvose, Mwari dzaakareva nemuromo wevaporofita vake vatsvene vose kubva panguva dzakare.

²¹whom heaven indeed must receive till [the] times of [the] restoring of all things, of which God has spoken by the mouth of his holy prophets since time began.

²²Nekuti Mozisi zvirokwazvo wakati kumadzibaba: Ishe Mwari wenyu uchakumutsirai muporofita pahama dzenyu, wakafanana neni; iye muchamuteerera pazvose zvaachataura kwamuri.

²²Moses indeed said, A prophet shall [the] Lord your God raise up to you out of your brethren like me: him shall ye hear in everything whatsoever he shall say to you.

²³Uye zvichaitika, mweya umwe neumwe ucharega kuteerera muporofita uyo uchaparadzwa kubva pavanhu.

²³And it shall be that whatsoever soul shall not hear that prophet shall be destroyed from among the people.

²⁴Uye nevaporofita vose kubva kuna Samueri nevakatevera, vose vakataura, vakagara vaparidzawo zvemazuva awa.

²⁴And indeed all the prophets from Samuel and those in succession after [him], as many as have spoken, have announced also these days.

²⁵Imwi muri vana vevaporofita, nevesungano Mwari yaakaita nemadzibaba edu, achiti kuna Abhurahamu: Nemumbeu yako marudzi ose enyika acharopafadzwa.

²⁵*Ye* are the sons of the prophets and of the covenant which God appointed to our fathers, saying to Abraham, And in thy seed shall all the families of the earth be blessed.

²⁶Mwari amutsa Mwanakomana wake Jesu, wakamutuma kwamuri pakutanga kukuropafadzai, pakudzora umwe neumwe pazvakaipa zvake.

²⁶To you first God, having raised up his servant, has sent him, blessing you in turning each one [of you] from your wickedness.