¹Zvino zvakaitika apo Jesu apedza mashoko iwayo, akabva Garirea, akasvika kumiganhu yeJudhiya mhiri kweJoridhani.

¹And it came to pass, when Jesus had finished these words, he withdrew from Galilee, and came to the coasts of Judaea beyond the Jordan;

²Zvaunga zvikuru zvikamutevera, akazviporesapo.

²and great crowds followed him, and he healed them there.

³VaFarisi vakauyawo kwaari, vachimuidza vachiti kwaari: Zvinotenderwa here kumunhu kuramba mukadzi wake nemhaka ipi neipi?

³And the Pharisees came to him tempting him, and saying, Is it lawful for a man to put away his wife for every cause?

⁴Akapindura, akati kwavari: Hamuna kurava here, kuti uyo wakavaita kubva pakutanga wakavaita murume nemukadzi?

⁴But he answering said [to them], Have ye not read that he who made [them], from the beginning made them male and female,

⁵Akati: Nekuda kwaizvozvi munhu uchasiya baba namai, uye uchanamatira kumukadzi wake; avo vaviri vachava nyama imwe.

⁵and said, On account of this a man shall leave father and mother, and shall be united to his wife, and the two shall be one flesh?

⁶Naizvozvo havachisiri vaviri, asi nyama imwe. Naizvozvo izvo Mwari zvaakabatanidza ngakurege kuva nemunhu unoparadzanisa.

⁶so that they are no longer two, but one flesh. What therefore God has joined together, let not man separate.

⁷Vakati kwaari: Mozisi wakagorairei kupa rugwaro rwekurambana, nekumuramba?

⁷They say to him, Why then did Moses command to give a letter of divorce and to send [her] away?

⁸Akati kwavari: Nekuda kweukukutu hwemoyo yenyu Mozisi wakakutenderai kuramba vakadzi venyu; asi kubva pakutanga zvakange zvisina kudaro.

⁸He says to them, Moses, in view of your hardheartedness, allowed you to put away your wives; but from the beginning it was not thus.

⁹Asi ndinoti kwamuri: Ani nani unoramba mukadzi wake, kunze kwemhaka yeupombwe, akawana umwe, unopomba; neunowana wakarambwa unopomba.

⁹But I say unto you, that whosoever shall put away his wife, not for fornication, and shall marry another, commits adultery; and he who marries one put away commits adultery.

¹⁰Vadzidzi vake vakati kwaari: Kana nyaya yemunhu nemukadzi yakadaro, hazvibatsiri kuwana.

¹⁰His disciples say to him, If the case of the man be so with his wife, it is not good to marry.

¹¹Asi akati kwavari: Vose havagamuchiri shoko iri, kunze kwevakaripiwa.

¹¹And he said to them, All cannot receive this word, but those to whom it has been given;

¹²Nekuti kune vakachekwa, vakaberekwa vakadaro kubva mudumbu ramai; uye kune vakachekwa, vakaitwa vakachekwa nevanhu; uye kune vakachekwa vakazviita vakachekwa nekuda kweushe hwekumatenga. Unogona kugamuchira izvi, ngaagamuchire.

¹²for there are eunuchs which have been born thus from [their] mother's womb; and there are eunuchs who have been made eunuchs of men; and there are eunuchs who have made eunuchs of themselves for the sake of the kingdom of the heavens. He that is able to receive [it], let him receive [it].

¹³Zvino kwakauyiswa kwaari vana vaduku, kuti aise maoko pamusoro pavo, anyengetere; asi vadzidzi vakavatsiura.

¹³Then there were brought to him little children that he might lay his hands on them and pray; but the disciples rebuked them.

¹⁴Asi Jesu wakati: Tenderai vana vaduku, musavadzivisa kuuya kwandiri; nekuti ushe hwekumatenga ndehwevakadai.

¹⁴But Jesus said, Suffer little children, and do not hinder them from coming to me; for the kingdom of the heavens is of such:

¹⁵Akaisa maoko pamusoro pavo, akabvapo.

¹⁵and having laid his hands upon them, he departed thence.

¹⁶Zvino tarira, kwakaswedera umwe akati kwaari: Mudzidzisi wakanaka, ndingaita chinhu chakanaka chipi kuti ndive neupenyu husingaperi?

¹⁶And lo, one coming up said to him, Teacher, what good thing shall I do that I may have life eternal?

¹⁷Akati kwaari: Unondiidzirei wakanaka? Hakuna wakanaka, kunze kweumwe, ndiye Mwari. Asi kana uchida kupinda muupenyu, chengeta mirairo.

¹⁷And he said to him, What askest thou me concerning goodness? one is good. But if thou wouldest enter into life, keep the commandments.

¹⁸Akati kwaari: Ipi? Jesu ndokuti: Usauraya, usapomba, usaba, usapupura nhema;

¹⁸He says to him, Which? And Jesus said, Thou shalt not kill, Thou shalt not commit adultery, Thou shalt not steal, Thou shalt not bear false witness,

¹⁹kudza baba vako namai, uye, ude umwe wako sezvaunozvida iwe.

¹⁹Honour thy father and thy mother, and Thou shalt love thy neighbour as thyself.

²⁰Jaya rikati kwaari: Izvozvo zvose ndakazvichengeta kubva pauduku hwangu; ndichiri kushaiwei?

²⁰The young man says to him, All these have I kept; what lack I yet?

²¹Jesu akati kwariri: Kana uchida kuva wakaperera, enda utengese zvaunazvo upe varombo, uye uchava nefuma kudenga; ugouya pano unditevere.

²¹Jesus said to him, If thou wouldest be perfect, go, sell what thou hast and give to [the] poor, and thou shalt have treasure in heaven; and come, follow me.

²²Asi jaya rakati ranzwa shoko iro rikaenda richishungurudzika; nekuti rakange rine nhumbi zhinji.

²²But the young man, having heard the word, went away grieved, for he had large possessions.

²³Jesu akati kuvadzidzi vake: Zvirokwazvo ndinoti kwamuri: Mufumi ucharemerwa kupinda muushe hwekumatenga.

²³And Jesus said to his disciples, Verily I say unto you, A rich man shall with difficulty enter into the kingdom of the heavens;

²⁴Ndinotizve kwamuri: Zvakarerukira kamera kudarika nemuburi retsono, kumufumi kupinda muushe hwaMwari.

²⁴and again I say unto you, It is easier for a camel to enter a needle's eye than a rich man into the kingdom of God.

²⁵Vadzidzi vake vakati vazvinzwa, vakashamisika kwazvo, vachiti: Ndiani ungagona kuponeswa?

²⁵And when the disciples heard [it] they were exceedingly astonished, saying, Who then can be saved?

²⁶Asi Jesu wakatarira akati kwavari: Kuvanhu izvi hazvibviri, asi kuna Mwari zvose zvinobvira.

²⁶But Jesus, looking on [them], said to them, With men this is impossible; but with God all things are possible.

²⁷Ipapo Petro akapindura, akati kwaari: Tarirai, isu takasiya zvose, tikakuteverai; tichagowanei?

²⁷Then Peter answering said to him, Behold, *we* have left all things and have followed thee; what then shall happen to us?

²⁸Jesu akati kwavari: Zvirokwazvo ndinoti kwamuri: Imwi makanditevera, pakuberekwa kutsva kana Mwanakomana wemunhu achizogara pachigaro cheushe chekubwinya kwake, imwiwo muchagara pazvigaro zveushe gumi nezviviri, muchitonga marudzi gumi nemaviri aIsraeri.

²⁸And Jesus said to them, Verily I say unto you, That *ye* who have followed me, in the regeneration when the Son of man shall sit down upon his throne of glory, *ye* also shall sit on twelve thrones, judging the twelve tribes of Israel.

²⁹Uye umwe neumwe wakasiya dzimba, kana vanin'ina nemadzikoma, kana hanzvadzi, kana baba, kana mai, kana mukadzi, kana vana, kana minda, nekuda kwezita rangu, uchagamuchira zvine zana, akagara nhaka yeupenyu husingaperi.

²⁹And every one who has left houses, or brethren, or sisters, or father, or mother, or wife, or children, or lands, for my name's sake, shall receive a hundredfold, and shall inherit life eternal.

³⁰Asi vazhinji vekutanga vachava vekupedzisira, nevekupedzisira vekutanga.

³⁰But many first shall be last, and last first.