¹Jehovha, rangarirai Dhavhidhi Nedambudziko rake rose;

¹{A Song of degrees.} Jehovah, remember for David all his affliction;

²Namapikiro ake kuna Jehovha, Nokupika kuna Wamasimba waJakove, achiti,

²How he swore unto Jehovah, vowed unto the Mighty One of Jacob:

³Zvirokwazvo handingapindi mutende reimba yangu, Kana kukwira pamubhedha wandakawadzirwa;

³I will not come into the tent of my house, I will not go up to the couch of my bed;

⁴Handingatenderi meso angu kuvata, Kana mafungiro angu kukotsira;

⁴I will not give sleep to mine eyes, slumber to mine eyelids,

⁵Kusvikira ndawanira Jehovha nzvimbo, Netabhenakeri dzaWamasimba waJakove.

⁵Until I find out a place for Jehovah, habitations for the Mighty One of Jacob. ...

⁶Tarirai, takazvinzwa muEfurata; Takazviwana pasango reJaari.

⁶Behold, we heard of it at Ephratah, we found it in the fields of the wood.

⁷Tichapinda mutabhenakeri dzake; Tichanamata pachitsiko chetsoka dzake.

⁷Let us go into his habitations, let us worship at his footstool.

⁸Simukai Jehovha, mupinde pamungazorora; Imi, neareka yesimba renyu.

⁸Arise, Jehovah, into thy rest, thou and the ark of thy strength.

⁹Vapiristi venyu ngavafukidzwe nokururama; Uye vatsvene venyu ngavapururudze nomufaro .

⁹Let thy priests be clothed with righteousness, and let thy saints shout for joy.

¹⁰Nokuda kwaDhavhidhi muranda wenyu Regai kuramba chiso chomuzodziwa wenyu.

¹⁰For thy servant David's sake, turn not away the face of thine anointed.

¹¹Jehovha akapika kuna Dhavhidhi; Haangashanduki pazviri, achiti, Zvibereko zvomuviri wako ndizvo zvandichaisa pachigaro chako choushe.

¹¹Jehovah hath sworn [in] truth unto David; he will not turn from it: Of the fruit of thy body will I set upon thy throne;

¹²Kana vana vako vachichengeta sungano yangu Nezvipupuriro zvangu zvandichavadzidzisa, Navana vavowo vachagara pachigaro chako choushe nokusingaperi.

¹²If thy children keep my covenant, and my testimonies which I will teach them, their children also for evermore shall sit upon thy throne.

¹³nekuti Jehovha wakasanangura Ziyoni; Akarida kuti huve ugaro hwake.

¹³For Jehovah hath chosen Zion; he hath desired it for his dwelling:

¹⁴Pano ndipo pandinozorora nokusingaperi; Ndichagara pano; nekuti ndakapada.

¹⁴This is my rest for ever; here will I dwell, for I have desired it.

¹⁵Ndicharopafadza zvokudya zvaro kwazvo; Ndichagutisa varombo varo nezvokudya.

¹⁵I will abundantly bless her provision; I will satisfy her needy ones with bread;

¹⁶Vapristi varo ndichavafukidzawo noruponeso; Vatsvene varo vachapururudza nomufaro.

¹⁶And I will clothe her priests with salvation, and her saints shall shout aloud for joy.

¹⁷Ipapo ndichameresera Dhavhidhi runyanga; Ndakagadzirira muzodzwa wangu mwenje.

¹⁷There will I cause the horn of David to bud forth; I have ordained a lamp for mine anointed.

¹⁸Vavengi vake ndichavafukidza nokunyadziswa; Asi korona yake ichapenya pamusoro pake.

¹⁸His enemies will I clothe with shame; but upon himself shall his crown flourish.