¹Hama, chishuwo zvirokwazvo chemoyo wangu, nemukumbiro kuna Mwari pamusoro paIsraeri ndecheruponeso rwavo.

¹Brethren, the delight of my own heart and my supplication which [I address] to God for them is for salvation.

²Nekuti ndinopupura nezvavo kuti vanoshingairira Mwari, asi kwete maererano neruzivo.

²For I bear them witness that they have zeal for God, but not according to knowledge.

³Nekuti ivo zvavakanga vasingazivi kururama kwaMwari, vakatsvaka kumisa kururama kwavo vamene, vakasazviisa pasi pekururama kwaMwari.

³For they, being ignorant of God's righteousness, and seeking to establish their own [righteousness], have not submitted to the righteousness of God.

⁴Nekuti Kristu mugumo wemurairo pakururama, kuna ani nani unotenda.

⁴For Christ is [the] end of law for righteousness to every one that believes.

⁵Nekuti Mozisi unotsanangura kururama kuri kwemurairo, kuti munhu unoita zvinhu izvozvo uchararama nazvo.

⁵For Moses lays down in writing the righteousness which is of the law, The man who has practised those things shall live by them.

⁶Asi kururama kunobva parutendo kunotaura sezvizvi: Usati mumoyo mako: Ndiani uchakwira kudenga? uku ndiko kuti kuburusa Kristu;

⁶But the righteousness of faith speaks thus: Do not say in thine heart, Who shall ascend to the heavens? that is, to bring Christ down;

⁷kana kuti: Ndiani uchaburukira kwakadzikadzika? uku ndiko kuti kubudisa Kristuzve kuvakafa.

⁷or, Who shall descend into the abyss? that is, to bring up Christ from among [the] dead.

⁸Asi kunoti kudini? Shoko riri pedo newe, mumuromo mako nemumoyo mako; ndiro shoko rerutendo ratinoparidza;

⁸But what says it? The word is near thee, in thy mouth and in thy heart: that is, the word of faith, which we preach:

⁹kuti, kana iwe uchibvuma nemuromo wako Ishe Jesu, nerutendo mumoyo mako kuti Mwari wakamumutsa kuvakafa, uchaponeswa;

⁹that if thou shalt confess with thy mouth Jesus as Lord, and shalt believe in thine heart that God has raised him from among [the] dead, thou shalt be saved.

¹⁰nekuti nemoyo munhu unotenda kova kururama; uye nemuromo unobvuma kova kuponeswa.

¹⁰For with [the] heart is believed to righteousness; and with [the] mouth confession made to salvation.

¹¹Nekuti rugwaro rwunoti: Ani nani unotenda kwaari haanganyadziswi.

¹¹For the scripture says, No one believing on him shall be ashamed.

¹²Nekuti hapana musiyano pakati pemuJudha nemuGiriki; nekuti ishe mumwe chete wevose wakafuma kune vose vanonamata kwaari.

¹²For there is no difference of Jew and Greek; for the same Lord of all [is] rich towards all that call upon him.

¹³Nekuti ani nani uchadana kuzita raIshe, uchaponeswa.

¹³For every one whosoever, who shall call on the name of the Lord, shall be saved.

¹⁴Zvino vachagodana sei kuna iye wavasina kutenda kwaari? Uye vachatenda sei wavasina kunzwa nezvake? Vachanzwa sei vasina muparidzi?

¹⁴How then shall they call upon him in whom they have not believed? and how shall they believe on him of whom they have not heard? and how shall they hear without one who preaches?

¹⁵Vachaparidza sei vasingatumwi? Sezvazvakanyorwa zvichinzi: Dzakanaka sei tsoka dzevanoparidza evhangeri yerugare, nevanoparidza mashoko emufaro ezvinhu zvakanaka?

¹⁵and how shall they preach unless they have been sent? according as it is written, How beautiful the feet of them that announce glad tidings of peace, of them that announce glad tidings of good things!

¹⁶Asi vose havana kuteerera evhangeri. Nekuti Isaya unoti: Ishe, ndiani wakatenda zvatakaparidza?

¹⁶But they have not all obeyed the glad tidings. For Esaias says, Lord, who has believed our report?

¹⁷Naizvozvo rutendo rwunouya nekunzwa, nekunzwa neshoko raMwari.

¹⁷So faith then [is] by a report, but the report by God's word.

¹⁸Asi ndinoti: Havana kunzwa here? Hongu zvirokwazvo, Inzwi ravo rakaenda kunyika yose; nemashoko avo kumigumo yenyika.

¹⁸But I say, Have they not heard? Yea, surely, Their voice has gone out into all the earth, and their words to the extremities of the habitable world.

¹⁹Asi ndinoti: Israeri haana kuziva here? Pakutanga Mozisi unoti: Ndichakumutsirai godo kwete nevatorwa, nerudzi rusingafungi ndichakutsamwisai.

¹⁹But I say, Has not Israel known? First, Moses says, *I* will provoke you to jealousy through [them that are] not a nation: through a nation without understanding I will anger you.

²⁰NaIsaya une ushingi uye unoti: Ndakawanikwa nevasina kunditsvaka; ndakaratidzwa kune vasina kundibvunza.

²⁰But Esaias is very bold, and says, I have been found by those not seeking me; I have become manifest to those not inquiring after me.

²¹Asi kuna Israeri unoti: Zuva rose ndakatambanudza maoko angu kuvanhu vasingateereri, nevanokakavara.

²¹But unto Israel he says, All the day long I have stretched out my hands unto a people disobeying and opposing.