¹Naizvozvo hauna manzvengero, iwe munhu, upi neupi unotonga; nekuti pachinhu icho chaunotonga mumwe, unozvipa mhosva iwe, nekuti iwe unotonga unoita zvinhu zvakangodaro.

¹Therefore thou art inexcusable, O man, every one who judgest, for in that in which thou judgest another, thou condemnest thyself; for thou that judgest doest the same things.

²Asi tinoziva kuti kutonga kwaMwari kunoenderana nechokwadi pamusoro pevanoita zvinhu izvozvo.

²But we know that the judgment of God is according to truth upon those who do such things.

³Zvino unofunga izvi here, iwe munhu unotonga avo vanoita zvinhu zvakadai, uchiitawo zvakadaro, kuti ungatiza kutonga kwaMwari?

³And thinkest thou this, O man, who judgest those that do such things, and practisest them [thyself], that *thou* shalt escape the judgment of God?

⁴Kana unozvidza ufumi hwenyasha dzake nemoyo murefu, nemoyo munyoro; usingazivi kuti nyasha dzaMwari dzinokuisa pakutendeuka?

⁴or despisest thou the riches of his goodness, and forbearance, and long-suffering, not knowing that the goodness of God leads thee to repentance?

⁵Asi neukukutu hwako, nemoyo usingatendeuki, unozviunganidzira hasha nezuva rekutsamwa nekuzarurwa kwekutonga kwakarurama kwaMwari;

⁵but, according to thy hardness and impenitent heart, treasurest up to thyself wrath, in [the] day of wrath and revelation of [the] righteous judgment of God,

⁶iye uchapa kune umwe neumwe maererano nemabasa ake;

⁶who shall render to each according to his works:

⁷kuna ivo vane moyo mirefu vanorambira mumabasa akanaka vachitsvaka kubwinya, nokukudzwa, nokusafa, uchavapa upenyu husingaperi.

⁷to them who, in patient continuance of good works, seek for glory and honour and incorruptibility, life eternal.

⁸Asi kuna vane nharo, vasingateereri chokwadi, asi vanoteerera kusarurama, kuchavapo hasha nokutsamwa;

⁸But to those that are contentious, and are disobedient to the truth, but obey unrighteousness, [there shall be] wrath and indignation,

⁹kutambudzika nenhamo pamusoro pemweya umwe neumwe wemunhu unoita zvakaipa, pakutanga wemuJudha, newemuGiriki;

⁹tribulation and distress, on every soul of man that works evil, both of Jew first, and of Greek;

¹⁰asi kubwinya nokukudzwa, nerugare kune umwe neumwe unoita zvakanaka, kumuJudha pakutanga, nekumuGirikiwo.

¹⁰but glory and honour and peace to every one that works good, both to Jew first and to Greek:

¹¹Nekuti hakuna rusarura gomunhu kuna Mwari.

¹¹for there is no acceptance of persons with God.

¹²Nekuti vose vakatadza vakatadza vasina murairo; vachaparara vasina murairo; uye vose vakatadza mumurairo, vachatongwa nemurairo;

¹²For as many as have sinned without law shall perish also without law; and as many as have sinned under law shall be judged by law,

¹³nekuti havasi vanzwi vemurairo vakarurama pamberi paMwari, asi vaiti vemurairo ndivo vachanzi vakarurama;

¹³(for not the hearers of the law [are] just before God, but the doers of the law shall be justified.

¹⁴nekuti kana vahedheni vasina murairo vachiita pachisikirwo zvinhu zviri mumurairo, ava vasina murairo ndivo murairo wavo vamene;

¹⁴For when [those of the] nations, which have no law, practise by nature the things of the law, these, having no law, are a law to themselves;

¹⁵vanoratidza basa remurairo wakanyorwa mumoyo yavo, hana yavo ichipupurawo, nemirangariro panguva iyi ichipa mhosva kana kurwira pakati pavo;

¹⁵who shew the work of the law written in their hearts, their conscience also bearing witness, and their thoughts accusing or else excusing themselves between themselves;)

¹⁶nezuva iro Mwari paachatonga zvakavanzika zvevanhu, naJesu Kristu, maererano neevhangeri yangu.

¹⁶in [the] day when God shall judge the secrets of men, according to my glad tidings, by Jesus Christ.

¹⁷Tarira iwe unonzi muJudha, unozembera pamurairo, unozvikudza pamusoro paMwari,

¹⁷But if *thou* art named a Jew, and restest in the law, and makest thy boast in God,

¹⁸unoziva chido nekugamuchira zvakanakisisa, uchidzidziswa nemurairo,

¹⁸and knowest the will, and discerningly approvest the things that are more excellent, being instructed out of the law;

¹⁹unozvivimba kuti iwe uri mutungamiriri wemapofu, chiedza chevari murima,

¹⁹and hast confidence that thou thyself art a leader of the blind, a light of those who [are] in darkness,

²⁰murairi wemapenzi, mudzidzisi wevacheche, une chimiro cheruzivo nechechokwadi mumurairo;

²⁰an instructor of the foolish, a teacher of babes, having the form of knowledge and of truth in the law:

²¹Naizvozvo iwe unodzidzisa mumwe, hauzvidzidzisi here? Iwe unoparidza kuti munhu arege kuba, iwe haubi here?

²¹thou then that teachest another, dost thou not teach thyself? thou that preachest not to steal, dost thou steal?

²²Iwe unoti usapombwe, unoita upombwe here? Iwe unosema zvifananidzo, unopamba tembere dzavo here?

²²thou that sayest [man should] not commit adultery, dost thou commit adultery? thou that abhorrest idols, dost thou commit sacrilege?

²³Iwe unozvirumbidza nemurairo, unoshoora Mwari nekudarika murairo here?

²³thou who boastest in law, dost thou by transgression of the law dishonour God?

²⁴Nekuti zita raMwari rinonyombwa pakati pevahedheni kubudikidza nemwi sezvazvakanyorwa.

²⁴For the name of God is blasphemed on your account among the nations, according as it is written.

²⁵Nekuti kudzingiswa kunobatsira zvirokwazvo, kana uchichengeta murairo; asi kana uri mudariki wemurairo, kudzingiswa kwako kunoitwa kusadzingiswa.

²⁵For circumcision indeed profits if thou keep [the] law; but if thou be a law-transgressor, thy circumcision is become uncircumcision.

²⁶Naizvozvo kana kusadzingiswa kuchichengeta zviga zvemurairo, ko kusadzingiswa kwake hakuveregwi sekudzingiswa here?

²⁶If therefore the uncircumcision keep the requirements of the law, shall not his uncircumcision be reckoned for circumcision,

²⁷Nekusadzingiswa kwepachizvarigo, achizadzisa murairo, haangakutongi here iwe mudariki wemurairo nemagwaro uye kudzingiswa?

²⁷and uncircumcision by nature, fulfilling the law, judge thee, who, with letter and circumcision, [art] a law-transgressor?

²⁸Nekuti haazi muJudha, uri muJudha gokunze; hakuzi kudzingiswa kuri kwekunze panyama;

²⁸For he is not a Jew who [is] one outwardly, neither that circumcision which is outward in flesh;

²⁹asi iye muJudha uri iye nechomukati; nekudzingiswa ndekwemoyo mumweya, kwete mumagwaro; kurumbidzwa kwake hakubvi kuvanhu asi kuna Mwari.

²⁹but he [is] a Jew [who is so] inwardly; and circumcision, of the heart, in spirit, not in letter; whose praise [is] not of men, but of God.