¹Rwiyo rukuru rwaSoromoni.

¹The song of songs, which is Solomon's.

²Ngaanditsvode nokutsvoda komuromo wake; nekuti rudo rwako rwakanaka kupfuura waini.

²Let him kiss me with the kisses of his mouth; For thy love is better than wine.

³Zvizoro zvako zvinonhuhwira zvakanaka; Zita rako rakaita samafuta akadururwa; Saka mhandara dzinokuda.

³Thine ointments savour sweetly; Thy name is an ointment poured forth: Therefore do the virgins love thee.

⁴Ndikwevere kwauri; tichakutevera tichimhanya; Mambo wakandiisa mudzimba dzake dzomukati; Tichafara nokukufarira zvikuru iwe; Ticharumbidza rudo rwako kupfuura waini; Zvakarurama zvavakakuda.

⁴Draw me, we will run after thee! -- The king hath brought me into his chambers -- We will be glad and rejoice in thee, We will remember thy love more than wine. They love thee uprightly.

⁵Ndakasviba, asi ndakanaka hangu, imwi vakunda veJerusaremu, Samatende eKedhari, Semicheka yakaremberedzwa yaSoromoni.

⁵I am black, but comely, daughters of Jerusalem, As the tents of Kedar, As the curtains of Solomon.

⁶Musanditarira, zvandakasviba, nekuti zuva rakandipisa. Vanakomana vamai vangu vakanditsamwira, Vakandiita murindikadzi weminda yemizambiringa; Asi munda wangu wemizambiringa handina kuuchengeta.

⁶Look not upon me, because I am black; Because the sun hath looked upon me. My mother's children were angry with me: They made me keeper of the vineyards; Mine own vineyard have I not kept.

⁷Ndiudze iwe, unodikamwa nomweya wangu, Kuti unofudza boka rako kupi, Kuti unorizorodza kupi masikati; nekuti ndichaitirei somunhu akafukidzwa kumeso Pakati pamapoka eshamwari dzako?

⁷Tell me, thou whom my soul loveth, Where thou feedest [thy flock], Where thou makest it to rest at noon; For why should I be as one veiled Beside the flocks of thy companions?

⁸Kana usingazivi, iwe unopfuura vakadzi vose nokunaka, Tevera makwara amapoka, Ufudze makwayana ako kurutivi rwamatende avafudzi.

⁸If thou know not, thou fairest among women, Go thy way forth by the footsteps of the flock, And feed thy kids beside the shepherds' booths.

⁹Ndakakufananidzira iwe, shamwari yangu, Nebhizagadzi pakati pengoro dzaFarao.

⁹I compare thee, my love, To a steed in Pharaoh's chariots.

¹⁰Matama ako akanaka pakati pezvirukwa zvevhudzi; Mutsipa wako nezvibwe zvinokosha zvakatungirwa.

¹⁰Thy cheeks are comely with bead-rows, Thy neck with ornamental chains.

¹¹Tichakuitira zvirukwa zvendarama Nezvuma zvesirivha.

¹¹We will make thee bead-rows of gold With studs of silver.

¹²Nguva yose mambo agere patafura yake, Nadho yangu yakabudisa kunhuhwira kwayo.

¹²While the king is at his table, My spikenard sendeth forth its fragrance.

¹³Mudiwa wangu akaita kwandiri sehombodo yemura, Inogara pakati pamazamu angu.

¹³A bundle of myrrh is my beloved unto me; He shall pass the night between my breasts.

¹⁴Mudiwa wangu akaita kwandiri sesumbu ramaruva ehena, Paminda yemizambiringa paEngedhi.

¹⁴My beloved is unto me a cluster of henna-flowers In the vineyards of Engedi.

¹⁵Tarira, wakanaka, shamwari yangu; Tarira, wakanaka; Meso ako akafanana neenjiva.

¹⁵Behold, thou art fair, my love; Behold, thou art fair: thine eyes are doves.

¹⁶Tarira, wakanaka, mudiwa wangu, zvirokwazvo, unofadza; Uvato bwedu ndipo pabumhudza.

¹⁶Behold, thou art fair, my beloved, yea, pleasant; Also our bed is green.

¹⁷Matanda edzimba dzedu ndeemisidhari; Mbariro dzayo ndedzemisiperesi.

¹⁷The beams of our houses are cedars, Our rafters are cypresses.