¹Zvakanaka kuvonga Jehovha, Nokuimbira zita renyu nziyo dzokurumbidza, imwi Wekumusoro-soro;

²Kuparidza unyoro bwenyu mangwanani, Nokutendeka kwenyu usiku hwose,

³Nechinoridzwa chine hungiso gumi, nomutengeramwa; Nenzwi rakanaka pambira.

⁴nekuti imi, Jehovha, makandifadza nezvamakaita; Ndichafara kwazvo namabasa amaoko enyu.

⁵Mabasa enyu akakura seiko, Jehovha! Mifungo yenyu yakadzika kwazvo.

⁶Asina njere haazvizivi; Benzi harinzwisisi izvozvi,

⁷Kana vakaipa vachimera souswa, Uye kana vaiti vose vezvakaipa vachikura; Zvinoitwa kuti vaparadzwe nokusingaperi.

⁸Asi imwi Jehovha muri kumusoro nokusingaperi.

⁹Nekuti tarirai, Jehovha, vavengi venyu, nekuti tarirai, Jehovha, vavengi venyu vachaparara; Vaiti vose vezvakaipa vachaparadzirwa.

¹⁰Asi runyanga rwangu makarusimudza sorunyanga rwenyati; Ndakazodzwa namafuta matsva.

¹¹Ziso rangu rakaona zvakaitirwa vavengi vangu, Nzeve dzangu dzakanzwa zvakaitirwa vaiti vezvakaipa, vakandimukira.

¹²Wakarurama uchamera somuchindwe; Achakura somusidhari paRebhanoni.

¹³Vakasimwa mumba maJehovha Vachakura muvazhe dzaMwari wedu.

¹⁴Vacharamba vachibereka zvibereko pakukwegura kwavo; Vachava vanyoro navatsva;

¹⁵Kuti vaparidze kuti Jehovha akarurama; Ndiye dombo rangu, hapana chinhu chisina kururama maari.