¹Usazvirumbidza pamusoro pe­zuva ramangwana; nekuti hauzivi chaungavigirwa nezuva rimwe.

²Mumwe ngaakurumbidze, urege kuva muromo wako; Ngaave mweni, irege kuva miromo yako.

³Ibwe rinorema, uye jecha rinorema; Asi kutsamwa kwebenzi kunokurira zvose nokurema.

⁴Hasha dzinokuvadza, uye kutsamwa kunokukura; Asi ndiani angamira pamberi pegodo.

⁵Kurairwa pachena kunopfuura Rudo rwakavanzwa.

⁶Mavanga anotemwa neshamwari angatendwa, Asi kutsvoda komuvengi kunonyengedza.

⁷Mweya wakaguta unotsika pasi musvi wouchi; Asi mweya une nzara unoti zvose zvinozipa kunyange zvichivava.

⁸Seshiri inoburuka ichienda kure nedendere rayo, Ndizvo zvakaita munhu anofamba-famba kure napaanogara.

⁹Mafuta nezvinonhuhwira zvinofadza moyo; Ndizvo zvinoitawo kunaka koushamwari hwomunhu kunobva pakuyanana kwemweya.

¹⁰Usasiya shamwari yako neshamwari yababa vako; Usaenda kumba komunin'ina wako nezuva renhamo yako; Wokwako, ari pedo, anopfuura munin'ina uri kure,

¹¹Mwanakomana wangu, iva wakachenjera, ufadze moyo wangu; Kuti ndigone kupindura anondishora.

¹²Munhu akangwara anoona zvakaipa, ndokuvanda; Asi vasina mano vanopfuura havo, ndokuwira munjodzi.

¹³Munhu anozviita rubatso kumutorwa, umutorere nguvo yake; Umuite rubatso iye akazviita rubatso kumukadzi wokumwe.

¹⁴Anoropafadza shamwari yake nenzwi guru, achifumira mangwanani, Achanzi wakatukwa pamusoro pazvo.

¹⁵Kudonha kusingaperi pazuva remvura zhinji Nomukadzi anokakavara, zvakafanana.

¹⁶Anoda kumudzivisa, anodzidzisa mhepo; Ruoko rwake rworudyi rwakabata mafuta.

¹⁷Simbi inorodza simbi; Saizvozvo munhu anorodza chiso cheshamwari yake.

¹⁸Ani naani anochengeta muonde, achadya zvibereko zvawo; Anochengeta tenzi wake, achakudzwa.

¹⁹Chiso sezvachinotarisana nechiso mumvura, Saizvozvo moyo womunhu unotarisana nomunhu.

²⁰Sheori neAbhadhoni hazvitongoguti; Nameso omunhu haaguti.

²¹Hari yokunyausa ndeyesirivha, nevira nderendarama; Saizvozvo munhu anozikamwa nezvaanofarira.

²²Kunyange ukatswa benzi muduri nomutswi pakati pezviyo zvinotswiwa, Hupenzi hwaro hahungabvi kwariri.

²³Shingaira uzive chimiro chamakwai ako; Uchengete zvakanaka mapoka ako.

²⁴nekuti fuma haigari nokusingaperi; Ko korona inogara kusvikira kumarudzi ose here?

²⁵Uswa hunoenda bumhudza ndokubuda, Nemiriwo yamakomo inovunganidzwa.

²⁶Makwayana anokuvigira zvokufuka zvako, Uye mbudzi ndiwo mutengo weminda.

²⁷Mukaka wembudzi ucharingana zvokudya zvako, nezvokudya zveimba yako, Nokuraramisa varandasikana vako.