¹imwi muri vana vaJehovha Mwari wenyu; musazvitema,kana kuzviveura pakati pameso pamusoro pavakafa.

¹You are the children of Yahweh your God: you shall not cut yourselves, nor make any baldness between your eyes for the dead.

²nekuti uri rudzi rutsvene kuna Jehovha Mwari wako; Jehovha wakakutsaura pakati pendudzi dzose dzavanhu vari panyika, kuti uve rudzi rwake chairwo.

²For you are a holy people to Yahweh your God, and Yahweh has chosen you to be a people for his own possession, above all peoples who are on the face of the earth.

³Usadya chinhu chipi nechipi chinonyangadza.

³You shall not eat any abominable thing.

⁴Mhuka dzamungadya ndidzo: Mombe, negwai, nembudzi;

⁴These are the animals which you may eat: the ox, the sheep, and the goat,

⁵nenondo, nemhara, nemhembwe, netsoma, nemharapara, nenyati, nengururu.

⁵the hart, and the gazelle, and the roebuck, and the wild goat, and the ibex, and the antelope, and the chamois.

⁶Mhuka ipi neipi ina mahwanda akaparadzana, ine tsoka dzakaparadzana, inodzeya, ndidzo dzamungadya henyu.

⁶Every animal that parts the hoof, and has the hoof cloven in two and chews the cud, among the animals, that may you eat.

⁷Asi idzi dzinodzeya, kana dzina mahwanda akaparadzana, regai kudzidya: Kamera, netsuro, nembira; nekuti dzinodzeya, asi hadzina mahwanda akaparadzana, hadzina kunaka kwamuri;

⁷Nevertheless these you shall not eat of them that chew the cud, or of those who have the hoof cloven: the camel, and the hare, and the rabbit; because they chew the cud but don’t part the hoof, they are unclean to you.

⁸nenguruve; nekuti ina mahwanda akaparadzana, asi haidzeyi; haina kunaka kwamuri; musadya nyama yadzo, uye musabata zvitunha zvadzo.

⁸The pig, because it has a split hoof but doesn’t chew the cud, is unclean to you: of their flesh you shall not eat, and their carcasses you shall not touch.

⁹Ndizvo zvamungadya kune zvose zviri mumvura: Zvose zvine zvimbi namakwande mungazvidya;

⁹These you may eat of all that are in the waters: whatever has fins and scales may you eat;

¹⁰asi zvose zvisina zvimbi namakwande, musazvidya izvo, hazvina kunaka kwamuri.

¹⁰and whatever doesn’t have fins and scales you shall not eat; it is unclean to you.

¹¹Mungadya shiri dzose dzakanaka.

¹¹Of all clean birds you may eat.

¹²Asi dzamusingafaniri kudya ndidzo: Gora guru, negondo guru, nenyamudzura;

¹²But these are they of which you shall not eat: the eagle, and the vulture, and the osprey,

¹³norukodzi, nenjerere, noruvangu namarudzi arwo;

¹³and the red kite, and the falcon, and the kite after its kind,

¹⁴namarudzi ose amakunguvo;

¹⁴and every raven after its kind,

¹⁵nemhou, nezizi, neshiri yegungwa, namarudzi ose oruvangu;

¹⁵and the ostrich, and the owl, and the seagull, and the hawk after its kind,

¹⁶nezizi duku, nezizi guru, nejichidza,

¹⁶the little owl, and the great owl, and the horned owl,

¹⁷nehukurwizi, negora, nekanyurura-hove;

¹⁷and the pelican, and the vulture, and the cormorant,

¹⁸nezimudo, nekondo, namarudzi ayo, nemhupupu, nechiremwaremwa.

¹⁸and the stork, and the heron after its kind, and the hoopoe, and the bat.

¹⁹Zvose zvina mapapiro zvinokambaira zvinofanira kuva zvisina kunaka kwamuri; hazvifaniri kudyiwa.

¹⁹All winged creeping things are unclean to you: they shall not be eaten.

²⁰Asi shiri dzose dzakanaka mungadzidya henyu.

²⁰Of all clean birds you may eat.

²¹Musadya chinhu chakanora choga; ungachipa mweni uri mukati mamasuwo ako, iye achidye, kana ungachitengesa kumutorwa; nekuti iwe uri rudzi rutsvene kuna Jehovha Mwari wako. Usabika mbudzana mumukaka wamai vayo.

²¹You shall not eat of anything that dies of itself: you may give it to the foreigner living among you who is within your gates, that he may eat it; or you may sell it to a foreigner: for you are a holy people to Yahweh your God. You shall not boil a young goat in its mother’s milk.

²²Utsaure zvakanaka zvegumi zvezvibereko zvose zvembeu dzako, dzinobva mumunda mako gore rimwe nerimwe.

²²You shall surely tithe all the increase of your seed, that which comes forth from the field year by year.

²³Unofanira kudya pamberi paJehovha Mwari wako, panzvimbo yaachatsaura kugarisa zita rakepo, zvegumi zvezviyo zvako, nezvewaini yako, nezvamafuta ako, nezvavana vemhongora dzemombe dzako nedzamakwai ako, kuti udzidze kutya Jehovha Mwari wako nguva dzose.

²³You shall eat before Yahweh your God, in the place which he shall choose, to cause his name to dwell there, the tithe of your grain, of your new wine, and of your oil, and the firstborn of your herd and of your flock; that you may learn to fear Yahweh your God always.

²⁴Kana nzira iri kuresa, ukasagona kuzvisvitsako, nekuti nzvimbo iyo yawakatsaurirwa naJehovha Mwari wako, kuti aise zita rakepo, iri kure newe, kana Jehovha Mwari wako akakuropafadza,

²⁴If the way is too long for you, so that you are not able to carry it, because the place is too far from you, which Yahweh your God shall choose, to set his name there, when Yahweh your God shall bless you;

²⁵unofanira kuzvitengesa nemari, ndokubata mari mumaoko ako, ugoenda kunzvimbo ichatsaurwa naJehovha Mwari wako,

²⁵then you shall turn it into money, and bind up the money in your hand, and shall go to the place which Yahweh your God shall choose:

²⁶ndokutenga nemari iyo zvose zvinodikamwa nomoyo wako, kana mombe, kana makwai, kana waini, kana zvinobata, kana zvose zvinoreva moyo wako kwauri, udyirepo pamberi paJehovha Mwari wako, ufare, iwe nemhuri yako.

²⁶and you shall bestow the money for whatever your soul desires, for cattle, or for sheep, or for wine, or for strong drink, or for whatever your soul asks of you; and you shall eat there before Yahweh your God, and you shall rejoice, you and your household.

²⁷Uye muRevhi uri mukati mamasuwo ako, usamukangamwa, nekuti haana mugove kana nhaka newe.

²⁷The Levite who is within your gates, you shall not forsake him; for he has no portion nor inheritance with you.

²⁸Nguva dzose kana makore matatu apera, unofanira kuuya nezvegumi zvose zvezvibereko zvako zvegore iro, ugozvichengeta mukati mamasuwo ako.

²⁸At the end of every three years you shall bring forth all the tithe of your increase in the same year, and shall lay it up within your gates:

²⁹Zvino muRevhi, zvaasina mugove kana nhaka newe, nomweni, nenherera, nechirikadzi, vari mumasuwo ako, vanofanira kuuya kuzodya, vagute; kuti Jehovha Mwari wako akuropafadze pamabasa ose aunoita namaoko ako.

²⁹and the Levite, because he has no portion nor inheritance with you, and the foreigner living among you, and the fatherless, and the widow, who are within your gates, shall come, and shall eat and be satisfied; that Yahweh your God may bless you in all the work of your hand which you do.