¹Jesu wakataura zvinhu izvi, ndokusimudzira meso ake kudenga, akati: Baba, awa rasvika; kudzai Mwanakomana wenyu, kuti Mwanakomana wenyuwo akukudzei;

¹Jesus said these things, and lifting up his eyes to heaven, he said, “Father, the time has come. Glorify your Son, that your Son may also glorify you;

²sezvo makamupa simba pamusoro penyama yose, kuti vose vamakamupa, avape upenyu hwusingaperi.

² even as you gave him authority over all flesh, he will give eternal life to all whom you have given him.

³Uye uhwu upenyu hwusingaperi, kuti vakuzivei imwi Mwari woga wechokwadi, naJesu Kristu wamakatuma.

³ This is eternal life, that they should know you, the only true God, and him whom you sent, Jesus Christ.

⁴Ini ndakakukudzai panyika; ndapedza basa ramakandipa kuti ndiite;

⁴ I glorified you on the earth. I have accomplished the work which you have given me to do.

⁵uye ikozvino ndikudzei imwi, Baba, kwamuri pachenyu nerukudzo rwandaiva narwo ndinemwi nyika isati yavapo.

⁵ Now, Father, glorify me with your own self with the glory which I had with you before the world existed.

⁶Ndaratidza zita renyu kuvanhu vamakandipa kubva munyika; vakange vari venyu, uye makavapa ini; uye vakachengeta shoko renyu.

⁶ I revealed your name to the people whom you have given me out of the world. They were yours, and you have given them to me. They have kept your word.

⁷Ikozvino voziva kuti zvose-zvose zvamakandipa, zvinobva kwamuri;

⁷ Now they have known that all things whatever you have given me are from you,

⁸nekuti ndakapa kwavari mashoko amakandipa; uye ivo vakagamuchira, vakaziva zvirokwazvo kuti ndakabuda kwamuri, uye vakatenda kuti imwi makandituma.

⁸ for the words which you have given me I have given to them, and they received them, and knew for sure that I came forth from you, and they have believed that you sent me.

⁹Ini ndinokumbirira ivo; handikumbiriri nyika, asi avo vamakandipa, nekuti ndevenyu;

⁹ I pray for them. I don’t pray for the world, but for those whom you have given me, for they are yours.

¹⁰uye zvose zvangu ndezvenyu, nezvenyu ndezvangu; uye ndakakudzwa mavari.

¹⁰ All things that are mine are yours, and yours are mine, and I am glorified in them.

¹¹Uye handichisiri munyika, asi ava vari munyika; uye ini ndinouya kwamuri. Baba vatsvene, vachengetei muzita renyu vamakandipa, kuti vave vamwe, sesu.

¹¹ I am no more in the world, but these are in the world, and I am coming to you. Holy Father, keep them through your name which you have given me, that they may be one, even as we are.

¹²Pandaiva navo munyika, ini ndaivachengeta muzita renyu; avo vamakandipa, ndikachengetedza, uye hapana umwe wavo wakarasika, kunze kwemwanakomana wekurashwa, kuti rugwaro rwuzadziswe.

¹² While I was with them in the world, I kept them in your name. Those whom you have given me I have kept. None of them is lost, except the son of destruction, that the Scripture might be fulfilled.

¹³Asi ikozvino ndinouya kwamuri, uye zvinhu izvi ndinotaura munyika, kuti vave nemufaro wangu wakazadziswa mavari.

¹³ But now I come to you, and I say these things in the world, that they may have my joy made full in themselves.

¹⁴Ini ndakavapa shoko renyu, uye nyika yakavavenga, nekuti havasi venyika, seni ndisiri wenyika.

¹⁴ I have given them your word. The world hated them, because they are not of the world, even as I am not of the world.

¹⁵Handikumbiri kuti muvabvise panyika, asi kuti muvachengete pane wakaipa.

¹⁵ I pray not that you would take them from the world, but that you would keep them from the evil one.

¹⁶Havasi venyika, seni ndisiri wenyika.

¹⁶ They are not of the world even as I am not of the world.

¹⁷Vaitei vatsvene muchokwadi chenyu; shoko renyu ichokwadi.

¹⁷ Sanctify them in your truth. Your word is truth. Psalm 119:142

¹⁸Sezvamakandituma panyika, neniwo ndavatuma panyika.

¹⁸ As you sent me into the world, even so I have sent them into the world.

¹⁹Uye ini ndinozviita mutsvene nekuda kwavo, kuti ivowo vaitwe vatsvene muchokwadi.

¹⁹ For their sakes I sanctify myself, that they themselves also may be sanctified in truth.

²⁰Uye handikumbiriri ava chete, asi naivo vachatenda kwandiri neshoko ravo;

²⁰ Not for these only do I pray, but for those also who believe in me through their word,

²¹kuti vose vave vamwe; semwi, Baba, mandiri, neni mamuri; kuti ivowo vave umwe matiri; kuti nyika itende kuti imwi makandituma.

²¹ that they may all be one; even as you, Father, are in me, and I in you, that they also may be one in us; that the world may believe that you sent me.

²²Nekubwinya kwamakandipa, ini ndakavapa, kuti vave umwe, sesu tiri umwe.

²² The glory which you have given me, I have given to them; that they may be one, even as we are one;

²³Ini mavari, nemwi mandiri, kuti vapedzeredzwe vave umwe; uye kuti nyika izive kuti imwi makandituma, uye makavada, sezvamakandida.

²³ I in them, and you in me, that they may be perfected into one; that the world may know that you sent me, and loved them, even as you loved me.

²⁴Baba, ndinoda kuti ivowo vamakandipa, vave neni apo pandiri ini, kuti vaone kubwinya kwangu, kwamakandipa, nekuti makandida mavambo enyika asati avapo.

²⁴ Father, I desire that they also whom you have given me be with me where I am, that they may see my glory, which you have given me, for you loved me before the foundation of the world.

²⁵Baba vakarurama, nenyika haina kukuzivai, asi ini ndakakuzivai, neava vakaziva kuti imwi makandituma;

²⁵ Righteous Father, the world hasn’t known you, but I knew you; and these knew that you sent me.

²⁶uye ndakazivisa kwavari zita renyu, uye ndicharizivisa, kuti rudo rwamakandida narwo ruve mavari, neni mavari.

²⁶ I made known to them your name, and will make it known; that the love with which you loved me may be in them, and I in them.”