¹Zvino nezuva retatu kwakava nemuchato muKana yeGarirea; namai vaJesu vakange varipo.

¹The third day, there was a marriage in Cana of Galilee. Jesus’ mother was there.

²NaJesuwo wakange akokwa pamwe nevadzidzi vake kumuchato.

²Jesus also was invited, with his disciples, to the marriage.

³Waini yakati ichishaikwa, mai vaJesu vakati kwaari: Havana waini.

³When the wine ran out, Jesus’ mother said to him, “They have no wine.”

⁴Jesu akati kwavari: Mukadzi, ndinei newe? Nguva yangu haisati yasvika.

⁴Jesus said to her, “Woman, what does that have to do with you and me? My hour has not yet come.”

⁵Mai vake vakati kuvaranda: Chipi nechipi chaanokuudzai, itai.

⁵His mother said to the servants, “Whatever he says to you, do it.”

⁶Zvino kwakange kwakaiswapo zvirongo zvitanhatu zvemabwe semanatsiro emaJudha, chimwe nechimwe chaipinda zviyero zviviri kana zvitatu.

⁶Now there were six water pots of stone set there after the Jews’ way of purifying, containing two or three metretes 2 to 3 metretes is about 20 to 30 U. S. Gallons, or 75 to 115 litres. apiece.

⁷Jesu akati kwavari: Zadzai zvirongo nemvura. Vakazvizadza kusvikira pamuromo.

⁷Jesus said to them, “Fill the water pots with water.” They filled them up to the brim.

⁸Ndokubva ati kwavari: Cherai ikozvino, mutakurire kumubati wechikafu. Vakazvitakura.

⁸He said to them, “Now draw some out, and take it to the ruler of the feast.” So they took it.

⁹Mubati wechikafu wakati aravira mvura ikava waini, asingazivi kwainobva (asi varanda vakange vachera mvura vaiziva), mubati wechikafu akadana muwani,

⁹When the ruler of the feast tasted the water now become wine, and didn’t know where it came from (but the servants who had drawn the water knew), the ruler of the feast called the bridegroom,

¹⁰ndokuti kwaari: Munhu umwe neumwe pakutanga unopa waini yakanaka, kana vanyatsomwa, isina kunyatsonaka; iwe wachengeta waini yakanaka kusvikira zvino.

¹⁰and said to him, “Everyone serves the good wine first, and when the guests have drunk freely, then that which is worse. You have kept the good wine until now!”

¹¹Uku kutanga kwezviratidzo kwakaita Jesu paKana yeGarirea, akaratidza kubwinya kwake; vadzidzi vake vakatenda kwaari.

¹¹This beginning of his signs Jesus did in Cana of Galilee, and revealed his glory; and his disciples believed in him.

¹²Shure kweizvozvo wakaburukira Kapenaume, iye, namai vake, nevanin'ina vake, nevadzidzi vake; vakagarako mazuva asiri mazvinji.

¹²After this, he went down to Capernaum, he, and his mother, his brothers, and his disciples; and they stayed there a few days.

¹³Zvino pasika yevaJudha yakange yaswedera, Jesu ndokukwira kuJerusarema.

¹³The Passover of the Jews was at hand, and Jesus went up to Jerusalem.

¹⁴Akawanawo mutembere avo vanotengesa nzombe nemakwai nenjiva, nevatsinhanisi vemari vagere.

¹⁴He found in the temple those who sold oxen, sheep, and doves, and the changers of money sitting.

¹⁵Zvino wakati aita tyava yerwonzi, akavadzinga vose mutembere, nemakwai nemombe; akateura mari yevatsinhanisi, ndokupidigura matafura.

¹⁵He made a whip of cords, and threw all out of the temple, both the sheep and the oxen; and he poured out the changers’ money, and overthrew their tables.

¹⁶Akati kune vaitengesa njiva: Bvisai zvinhu izvi pano; musaita imba yaBaba vangu imba yekutengeserana.

¹⁶To those who sold the doves, he said, “Take these things out of here! Don’t make my Father’s house a marketplace!”

¹⁷Vadzidzi vake ndokurangarira kuti kwakanyorwa kuchinzi: Kushingairira imba yenyu kwandidya kukandipedza.

¹⁷His disciples remembered that it was written, “Zeal for your house will eat me up.” Psalm 69:9

¹⁸Naizvozvo vaJudha vakapindura, vakati kwaari: Unotiratidza chiratidzo chei, chekuti unoita zvinhu izvi?

¹⁸The Jews therefore answered him, “What sign do you show us, seeing that you do these things?”

¹⁹Jesu akapindura akati kwavari: Pazai tembere iyi, uye mumazuva matatu ndichaimutsa.

¹⁹Jesus answered them, “Destroy this temple, and in three days I will raise it up.”

²⁰Naizvozvo vaJudha vakati: Makore makumi mana nematanhatu tembere iyi ichivakwa, zvino iwe ungaimutsa nemazuva matatu here?

²⁰The Jews therefore said, “It took forty-six years to build this temple! Will you raise it up in three days?”

²¹Asi iye waireva zvetembere yemuviri wake.

²¹But he spoke of the temple of his body.

²²Naizvozvo wakati amuka kuvakafa, vadzidzi vake vakarangarira kuti wakange areva izvi kwavari; ndokutenda magwaro, neshoko Jesu rakange areva.

²²When therefore he was raised from the dead, his disciples remembered that he said this, and they believed the Scripture, and the word which Jesus had said.

²³Zvino wakati ava muJerusarema papasika, pamutambo, vazhinji vakatenda kuzita rake pavakaona zviratidzo zvaaiita.

²³Now when he was in Jerusalem at the Passover, during the feast, many believed in his name, observing his signs which he did.

²⁴Asi Jesu pachake haana kuzvikumikidza kwavari, nekuti wakange achivaziva vose.

²⁴But Jesus didn’t trust himself to them, because he knew everyone,

²⁵Uye nekuti wakange asingatsvaki kuti ani nani apupure zvemunhu; nekuti wakange achiziva pachake zvakange zviri mumunhu.

²⁵and because he didn’t need for anyone to testify concerning man; for he himself knew what was in man.