¹Jehovha wakataura naMozisi akati,

¹Yahweh spoke to Moses, saying,

²Raira vana vaIsiraeri kuti vauye kwauri namafuta akanaka amaorivhi, akaisvonaka akasviniwa omwenje, kuti avhenekese mwenje nguva dzose.

²“Command the children of Israel, that they bring to you pure olive oil beaten for the light, to cause a lamp to burn continually.

³Kunze kwechidzitiro chechipupuriro, mutende rokusangana, Aroni anofanira kuigadzira kubva madekwana kusvikira mangwanani nguva dzose pamberi paJehovha; unofanira kuva mutemo usingaperi kusvikira kumarudzi enyu ose.

³Outside of the veil of the Testimony, in the Tent of Meeting, shall Aaron keep it in order from evening to morning before Yahweh continually: it shall be a statute forever throughout your generations.

⁴Anofanira kugadzira mwenje pachigadziko chakaisvonaka nguva dzose pamberi paJehovha.

⁴He shall keep in order the lamps on the pure gold lampstand before Yahweh continually.

⁵Iwe unofanira kutora upfu hwakatsetseka, ugobika nahwo zvingwa zvine gumi nezviviri; chingwa chimwe nechimwe chinofanira kuitwa nezvegumi zviviri zveefa.

⁵“You shall take fine flour, and bake twelve cakes of it: two tenth parts of an ephah 1 ephah is about 22 litres or about 2/3 of a bushel shall be in one cake.

⁶Unofanira kuzvigadzika patafura yakaisvonaka pamberi paJehovha uchiita nhurikidzwa mbiri, zvitanhatu panhurikidzwa.

⁶You shall set them in two rows, six on a row, on the pure gold table before Yahweh.

⁷Unofanira kuisawo pamusoro penhurikidzwa imwe neimwe zvinonhuhwira zvakanaka, kuti chive chokurangaridza chechingwa, chive chipiriso chinopisirwa Jehovha.

⁷You shall put pure frankincense on each row, that it may be to the bread for a memorial, even an offering made by fire to Yahweh.

⁸Musi mumwe nomumwe wesabata unofanira kuzvirongedza pamberi paJehovha nguva dzose; isungano isingaperi inoitwa navana valsiraeri.

⁸Every Sabbath day he shall set it in order before Yahweh continually. It is on the behalf of the children of Israel an everlasting covenant.

⁹Zvinofanira kuva zvaAroni navanakomana vake; vazvidye panzvimbo tsvene, nekuti chitsvene kwazvo kwaari pakati pezvipiriso zvinopisirwa Jehovha nomutemo usingaperi.

⁹It shall be for Aaron and his sons; and they shall eat it in a holy place: for it is most holy to him of the offerings of Yahweh made by fire by a perpetual statute.”

¹⁰Zvino mwanakomana womukadzi muIsiraeri, asi baba vake vaiva munhu weEgipita, wakafamba pakati pavana vaIsiraeri, mwanakomana womukadzi muIsiraeri akarwa nomurume muIsiraeri pamisasa.

¹⁰The son of an Israelite woman, whose father was an Egyptian, went out among the children of Israel; and the son of the Israelite woman and a man of Israel strove together in the camp.

¹¹Mwanakomana womukadzi muIsiraeri akamhura zita raJehovha, akatuka, vakaenda naye kuna Mozisi. Zita ramai vake rakanga riri Sheromiti, mwanasikana waDhibhiri, worudzi rwaDhani.

¹¹The son of the Israelite woman blasphemed the Name, and cursed; and they brought him to Moses. His mother’s name was Shelomith, the daughter of Dibri, of the tribe of Dan.

¹²Vakamuisa mutirongo, kuti vaziviswe zvinorehwa naJehovha.

¹²They put him in custody, until the will of Yahweh should be declared to them.

¹³Zvino Jehovha akataura naMozisi akati,

¹³Yahweh spoke to Moses, saying,

¹⁴Budisa mutuki kunze kwemisasa; zvino vose, vakamunzwa, vanofanira kuisa maoko avo pamusoro wake, ungano yose igomutaka namabwe.

¹⁴“Bring out of the camp him who cursed; and let all who heard him lay their hands on his head, and let all the congregation stone him.

¹⁵Zvino iwe utaure navana vaIsiraeri, uti, Ani naani anotuka Mwari wake anofanira kurohwa pamusoro pezvivi zvake.

¹⁵You shall speak to the children of Israel, saying, ‘Whoever curses his God shall bear his sin.

¹⁶Munhu unomhura zita raJehovha, zvirokwazvo anofanira kuurawa; ungano yose inofanira kumutaka namabwe, kana ari mutorwa, kana ari wakaberekerwa munyika, kana achimhura zita raJehovha unofanira kuurawa.

¹⁶He who blasphemes the name of Yahweh, he shall surely be put to death; all the congregation shall certainly stone him: the foreigner as well as the native-born, when he blasphemes the Name, shall be put to death.

¹⁷Munhu anorova mumwe, akafa, zvirokwazvo anofanira kuurawa;

¹⁷“‘He who strikes any man mortally shall surely be put to death.

¹⁸nomunhu anorova chipfuwo, chikafa, anofanira kuchiripa; upenyu pachigaro choupenyu.

¹⁸He who strikes an animal mortally shall make it good, life for life.

¹⁹Kana munhu akamanikidza wokwake, sezvaakaita iye, anofanira kuitirwawo;

¹⁹If anyone injures his neighbor; as he has done, so shall it be done to him:

²⁰kuvhunika kuchatsibwa nokuvhunika, ziso neziso, zino nezino, sezvaakamanikidza mumwe, naiye anofanira kuitirwa saizvozvo.

²⁰fracture for fracture, eye for eye, tooth for tooth; as he has injured someone, so shall it be done to him.

²¹Munhu unouraya chipfuwo, anofanira kuripa; anouraya munhu, anofanira kuurawa.

²¹He who kills an animal shall make it good; and he who kills a man shall be put to death.

²²Munofanira kuva nomurayiro mumwe chete kumutorwa kana kunowakaberekerwa panyika; nekuti ndini Jehovha Mwari wenyu.

²²You shall have one kind of law, for the foreigner as well as the native-born: for I am Yahweh your God.’”

²³Mozisi akataura navana vaIsiraeri, ivo vakabudisa mutuki kunze kwemisasa, vakamutaka namabwe. Vana vaIsiraeri vakaita sezvakarairwa naMozisi.

²³Moses spoke to the children of Israel; and they brought out him who had cursed out of the camp, and stoned him with stones. The children of Israel did as Yahweh commanded Moses.