¹Zvino Jesu azere neMweya Mutsvene wakadzoka achibva paJoridhani, akatungamirirwa neMweya kurenje,

¹Jesus, full of the Holy Spirit, returned from the Jordan, and was led by the Spirit into the wilderness

²achiidzwa nadhiabhorosi mazuva makumi mana. Uye wakange asingadyi chinhu nemazuva iwayo; zvino akati apera pakupedzisira akazonzwa nzara.

²for forty days, being tempted by the devil. He ate nothing in those days. Afterward, when they were completed, he was hungry.

³Zvino dhiabhorosi akati kwaari: Kana uri Mwanakomana waMwari, udza ibwe iri kuti rive chingwa.

³The devil said to him, “If you are the Son of God, command this stone to become bread.”

⁴Jesu akamupindura, achiti: Kwakanyorwa kuti: Munhu haangararami nechingwa chete, asi neshoko rimwe nerimwe raMwari.

⁴Jesus answered him, saying, “It is written, ‘Man shall not live by bread alone, but by every word of God.’” Deuteronomy 8:3

⁵Dhiabhorosi ndokumutora akamutungamidza pagomo refu, akamuratidza ushe hwose hwenyika nechinguvana.

⁵The devil, leading him up on a high mountain, showed him all the kingdoms of the world in a moment of time.

⁶Dhiabhorosi ndokuti kwaari: Simba iri rose ndichakupa nekukudzwa kwahwo, nekuti ndakaripiwa ini, uye ndinoripa ani nani wandinoda.

⁶The devil said to him, “I will give you all this authority, and their glory, for it has been delivered to me; and I give it to whomever I want.

⁷Naizvozvo iwe kana ukandishumira pamberi pangu, zvose zvichava zvako.

⁷If you therefore will worship before me, it will all be yours.”

⁸Jesu akapindura akati kwaari: Ibva shure kwangu, Satani; nekuti kwakanyorwa kuchinzi: Uchamata Ishe, Mwari wako, uye umushumire iye oga.

⁸Jesus answered him, “Get behind me Satan! For it is written, ‘You shall worship the Lord your God, and you shall serve him only.’” Deuteronomy 6:13

⁹Akaenda naye kuJerusarema, akamuisa pachiruvu chetembere, akati kwaari: Kana uri Mwanakomana waMwari, zviwisire pasi uchibva pano;

⁹He led him to Jerusalem, and set him on the pinnacle of the temple, and said to him, “If you are the Son of God, cast yourself down from here,

¹⁰nekuti kwakanyorwa kuchinzi: Ucharaira vatumwa vake pamusoro pako, kuti vakuchengete;

¹⁰for it is written, ‘He will put his angels in charge of you, to guard you;’

¹¹uye: Pamaoko vachakugamha, zvimwe ungagumbusa rutsoka rwako pabwe.

¹¹and, ‘On their hands they will bear you up, lest perhaps you dash your foot against a stone.’” Psalm 91:11-12

¹²Jesu achipindura, akati kwaari: Kwakanzi: Usaidza Ishe Mwari wako.

¹²Jesus answering, said to him, “It has been said, ‘You shall not tempt the Lord your God.’” Deuteronomy 6:16

¹³Dhiabhorosi akati apedza muedzo wose, akabva kwaari kusvikira pane imwe nguva.

¹³When the devil had completed every temptation, he departed from him until another time.

¹⁴Zvino Jesu wakadzokera kuGarirea nesimba reMweya; mukurumbira wake ukabudira kudunhu rose rakapoteredza.

¹⁴Jesus returned in the power of the Spirit into Galilee, and news about him spread through all the surrounding area.

¹⁵Iye ndokudzidzisa mumasinagoge avo, achikudzwa nevose.

¹⁵He taught in their synagogues, being glorified by all.

¹⁶Akasvika paNazareta, paakange arerwa; netsika yake wakapinda musinagoge nemusi wesabata, akasimuka kuti averenge.

¹⁶He came to Nazareth, where he had been brought up. He entered, as was his custom, into the synagogue on the Sabbath day, and stood up to read.

¹⁷Akapiwa rugwaro rwomuporofita Isaya. Zvino wakati avhura rugwaro, akawana nzvimbo pakange pakanyorwa kuti:

¹⁷The book of the prophet Isaiah was handed to him. He opened the book, and found the place where it was written,

¹⁸Mweya waIshe uri pamusoro pangu, nekuti wakandizodza, kuti ndiparidzire evhangeri kuvarombo; wakandituma kuti ndiporese vakavodzwa moyo, kuparidza kusunungurwa kuna vakatapwa, nekuona kumapofu, ndisunungure vakatsikirirwa,

¹⁸ “The Spirit of the Lord is on me, because he has anointed me to preach good news to the poor. He has sent me to heal the brokenhearted, NU omits “to heal the brokenhearted” to proclaim release to the captives, recovering of sight to the blind, to deliver those who are crushed,

¹⁹nekudanidzira gore rakanaka raIshe.

¹⁹ and to proclaim the acceptable year of the Lord.” Isaiah 61:1-2

²⁰Akapeta rugwaro, akadzosera kumuranda, akagara pasi; meso avose vaiva musinagoge akamudzvokora.

²⁰He closed the book, gave it back to the attendant, and sat down. The eyes of all in the synagogue were fastened on him.

²¹Zvino akatanga kuti kwavari: Nhasi rugwaro urwu rwazadziswa munzeve dzenyu.

²¹He began to tell them, “Today, this Scripture has been fulfilled in your hearing.”

²²Vose vakapupura nezvake, vakashamisika nemashoko enyasha akabuda mumuromo make, vakati: Uyu haazi mwanakomana waJosefa here?

²²All testified about him, and wondered at the gracious words which proceeded out of his mouth, and they said, “Isn’t this Joseph’s son?”

²³Akati kwavari: Zvirokwazvo muchataura kwandiri dimikira iri: Murapi, zvirape iwe; zvose zvatakanzwa zvakaitwa paKapenaumi, zviitewo muno munyika yekwako.

²³He said to them, “Doubtless you will tell me this parable, ‘Physician, heal yourself! Whatever we have heard done at Capernaum, do also here in your hometown.’”

²⁴Iye ndokuti: Zvirokwazvo, ndinoti kwamuri: Hakuna muporofita unogamuchirwa munyika yekwake.

²⁴He said, “Most certainly I tell you, no prophet is acceptable in his hometown.

²⁵Asi chokwadi ndinoti kwamuri: Chirikadzi zhinji dzaivako kuna Israeri pamazuva aEria, apo denga rakavharwa makore matatu nemwedzi mitanhatu, kusvikira kwava nenzara huru panyika yose;

²⁵ But truly I tell you, there were many widows in Israel in the days of Elijah, when the sky was shut up three years and six months, when a great famine came over all the land.

²⁶asi Eria haana kutumwa kune umwe wavo, kunze kwekuSarepita yeSidhoni, kumukadzi chirikadzi.

²⁶ Elijah was sent to none of them, except to Zarephath, in the land of Sidon, to a woman who was a widow.

²⁷Uye vanemaperembudzi vazhinji vaivako kuna Israeri panguva yemuporofita Erisha; asi hakuna umwe wavo wakanatswa, kunze kwaNaamani muSiria.

²⁷ There were many lepers in Israel in the time of Elisha the prophet, yet not one of them was cleansed, except Naaman, the Syrian.”

²⁸Ipapo vose vakange vari musinagoge vakazara nehasha, vachinzwa zvinhu izvi.

²⁸They were all filled with wrath in the synagogue, as they heard these things.

²⁹Ndokusimuka, vakamusundidzira kunze kweguta, vakamutinha kusvika pamawere pegomo, pakange pakavakwa guta ravo, kuti vamuposhera pasi.

²⁹They rose up, threw him out of the city, and led him to the brow of the hill that their city was built on, that they might throw him off the cliff.

³⁰Asi iye wakapfuura nepakati pavo akaenda.

³⁰But he, passing through their midst, went his way.

³¹Wakabva aburukira Kapenaume, guta reGarirea; uye waivadzidzisa nemasabata.

³¹He came down to Capernaum, a city of Galilee. He was teaching them on the Sabbath day,

³²Vakashamisika nedzidziso yake, nekuti shoko rake rakange rine simba.

³²and they were astonished at his teaching, for his word was with authority.

³³Zvino musinagoge makange mune munhu waiva ane mweya wedhimoni retsvina; akadanidzira nenzwi guru,

³³In the synagogue there was a man who had a spirit of an unclean demon, and he cried out with a loud voice,

³⁴akati: Regai! Tinei nemwi Jesu muNazareta? Mauya kuzotiparadza kanhi? Ndinokuzivai kuti ndimwi ani: Mutsvene waMwari.

³⁴saying, “Ah! what have we to do with you, Jesus of Nazareth? Have you come to destroy us? I know you who you are: the Holy One of God!”

³⁵Zvino Jesu akautsiura, achiti: Nyarara, ubude kwaari! Dhimoni rakati ramuwisira pakati, rikabuda kwaari, risina kumukuvadza.

³⁵Jesus rebuked him, saying, “Be silent, and come out of him!” When the demon had thrown him down in their midst, he came out of him, having done him no harm.

³⁶Kushamisika kukavasvikira vose, vakataurirana, vachiti: Ishoko ripi iri? Nekuti nesimba nechikuriri unoraira mweya yetsvina, ikabuda.

³⁶Amazement came on all, and they spoke together, one with another, saying, “What is this word? For with authority and power he commands the unclean spirits, and they come out!”

³⁷Mukurumbira wake ukabuda kunzvimbo dzose dzedunhu rakapoteredza.

³⁷News about him went out into every place of the surrounding region.

³⁸Zvino wakasimuka akabuda musinagoge, akapinda mumba maSimoni; zvino mbuyawasha vaSimoni vakange vakabatwa nefivhiri huru; vakamukumbirira kwaari.

³⁸He rose up from the synagogue, and entered into Simon’s house. Simon’s mother-in-law was afflicted with a great fever, and they begged him for her.

³⁹Zvino akakotamira pamusoro pavo, akatsiura fivhiri, ikavarega; uye pakarepo vakasimuka vakavashandira.

³⁹He stood over her, and rebuked the fever; and it left her. Immediately she rose up and served them.

⁴⁰Zvino zuva rakati rovira, vose vaiva nevarwere vezvirwere zvakasiyana siyana vakavauyisa kwaari; akaisa maoko pamusoro peumwe neumwe wavo akavaporesa.

⁴⁰When the sun was setting, all those who had any sick with various diseases brought them to him; and he laid his hands on every one of them, and healed them.

⁴¹Nemadhimoni akabuda kuvazhinji, achidanidzira achiti: Imwi muri Kristu Mwanakomana waMwari. Akaatsiura akasaatendera kutaura, nekuti akange achiziva kuti ndiKristu.

⁴¹Demons also came out from many, crying out, and saying, “You are the Christ, the Son of God!” Rebuking them, he didn’t allow them to speak, because they knew that he was the Christ.

⁴²Zvino kwakati kwaedza, akabuda, akaenda kunzvimbo yerenje, zvaunga zvikamutsvaka, zvikauya kwaari, zvikamudzivirira kuti arege kubva kwazviri.

⁴²When it was day, he departed and went into an uninhabited place, and the multitudes looked for him, and came to him, and held on to him, so that he wouldn’t go away from them.

⁴³Asi wakati kwavari: Ndinofanira kuparidzira evhangeri yeushe hwaMwari kumamwe magutawo; nekuti ndizvo zvandakatumirwa.

⁴³But he said to them, “I must preach the good news of the Kingdom of God to the other cities also. For this reason I have been sent.”

⁴⁴Akasiparidza mumasinagoge eGarirea.

⁴⁴He was preaching in the synagogues of Galilee.