¹Zvino Jehovha akataura naMozisi, akati,

¹Yahweh spoke to Moses, saying,

²Taura navana vaIsiraeri, utore kwavari tsvimbo, imwe paimba imwe neimwe yamadzibaba avo, tsvimbo dzine gumi nembiri, pamachinda avo ose nedzimba dzamadzibaba avo; zvino unofanira kunyora zita romumwe nomumwe patsvimbo yake.

²“Speak to the children of Israel, and take of them rods, one for each fathers’ house, of all their princes according to their fathers’ houses, twelve rods: write every man’s name on his rod.

³Asi zita raAroni unofanira kurinyora patsvimbo yaRevhi; nekuti kunofanira kuva netsvimbo imwe yomukuru mumwe nomumwe wedzimba dzamadzibaba avo.

³You shall write Aaron’s name on the rod of Levi; for there shall be one rod for each head of their fathers’ houses.

⁴Zvino unofanira kudzichengeta mutende rokusangana pamberi peareka yechipupuriro, pandinosangana nemi.

⁴You shall lay them up in the Tent of Meeting before the testimony, where I meet with you.

⁵Ipapo munhu andichatsaura, tsvimbo yake ichabuka, kuti ndigumise kunyunyuta kwavana vaIsiraeri kwavanokunyunyutira nako.

⁵It shall happen, that the rod of the man whom I shall choose shall bud: and I will make to cease from me the murmurings of the children of Israel, which they murmur against you.”

⁶Zvino Mozisi akataura navana vaIsiraeri, machinda avo ose akamupa tsvimbo, imwe yomuchinda mumwe nomumwe nedzimba dzamadzibaba avo, ndidzo tsvimbo gumi nembiri; netsvimbo yaAroni yakanga iri pakati petsvimbo dzavo.

⁶Moses spoke to the children of Israel; and all their princes gave him rods, for each prince one, according to their fathers’ houses, even twelve rods: and the rod of Aaron was among their rods.

⁷Mozisi akachengeta tsvimbo idzo pamberi paJehovha mutende rechipupuriro.

⁷Moses laid up the rods before Yahweh in the tent of the testimony.

⁸Fume mangwana Mozisi akapinda mutende rechipupuriro, onei tsvimbo yaAroni yeimba yaRevhi yakanga yabuka, yava namabukira, yabudisa maruva, yabereka maamanda akanga aibva.

⁸It happened on the next day, that Moses went into the tent of the testimony; and behold, the rod of Aaron for the house of Levi was budded, and put forth buds, and produced blossoms, and bore ripe almonds.

⁹Ipapo Mozisi akabudisa tsvimbo dzose pamberi paJehovha kuvanhu vaIsiraeri vose; vakatarira, mumwe nomumwe akatora tsvimbo yake.

⁹Moses brought out all the rods from before Yahweh to all the children of Israel: and they looked, and took every man his rod.

¹⁰Jehovha akati kuna Mozisi, Dzosera tsvimbo yaAroni pamberi pechipupuriro, ichengetwe chive chiratidzo chavanhu vakandimukira; kuti ugumise kundinyunyutira kwavo, varege kufa.

¹⁰Yahweh said to Moses, “Put back the rod of Aaron before the testimony, to be kept for a token against the children of rebellion; that you may make an end of their murmurings against me, that they not die.”

¹¹Mozisi akaita saizvozvo; sezvaakarairwa naJehovha, ndizvo zvaakaita.

¹¹Moses did so. As Yahweh commanded him, so he did.

¹²Vana vaIsiraeri vakataura naMozisi, vakati, Tarira, tofa, topera, topera tose.

¹²The children of Israel spoke to Moses, saying, “Behold, we perish! We are undone! We are all undone!

¹³Mumwe nomumwe anoswedera, anoswedera kutabhenakeri yaJehovha, anofa; zvino tichafa tose kanhi?

¹³Everyone who comes near, who comes near to the tabernacle of Yahweh, dies! Will we all perish?”