¹Rumbidza Jehovha, mweya wangu! Jehovha Mwari wangu, muri mukuru kwazvo; Makafukidzwa nokukudzwa noumambo.

¹Bless Yahweh, my soul. Yahweh, my God, you are very great. You are clothed with honor and majesty.

²imwi munozvifukidza nechiedza sechisimiro; Munotatamura kudenga-denga somucheka wetende;

²He covers himself with light as with a garment. He stretches out the heavens like a curtain.

³Ndiye anoteya matanda edzimba dzake mumvura; Anoita makore ngoro yake; Anofamba pamusoro pamapapiro emhepo

³He lays the beams of his rooms in the waters. He makes the clouds his chariot. He walks on the wings of the wind.

⁴Anoita mhepo nhume dzake; Nomoto, unopfuta, vashumiri vake;

⁴He makes his messengers or, angels winds; his servants flames of fire.

⁵Akateya nheyo dzapasi; Kuti parege kuzununguswa nokusingaperi,

⁵He laid the foundations of the earth, that it should not be moved forever.

⁶Makapafukidza nemvura yakadzika sechisimiro; Mvura zhinji yakamira pamusoro pamakomo,

⁶You covered it with the deep as with a cloak. The waters stood above the mountains.

⁷Makati muchituka ikatiza; inzwi rokutinhira kwenyu rakati richinzwika, ikachimbidzika kuenda-

⁷At your rebuke they fled. At the voice of your thunder they hurried away.

⁸Makomo akakwira, mipata yakaderera- ikaenda kunzvimbo yamakaigadzirira,

⁸The mountains rose, the valleys sank down, to the place which you had assigned to them.

⁹Makaitarira muganhu, kuti irege kudarika; Kuti irege kudzoka kuzofukidza pasizve.

⁹You have set a boundary that they may not pass over; that they don’t turn again to cover the earth.

¹⁰Anotuma matsime mumipata; Mvura inoyerera napakati pamakomo;

¹⁰He sends forth springs into the valleys. They run among the mountains.

¹¹Anomwisa mhuka dzose dzesango; Mbizi dzinopedza nyota yadzo.

¹¹They give drink to every animal of the field. The wild donkeys quench their thirst.

¹²Shiri dzokudenga dzinogara paari, Dzinorira pakati pamatavi.

¹²The birds of the sky nest by them. They sing among the branches.

¹³Anodiridza makomo ari padzimba dzake; Pasi panogutiswa nechibereko chamabasa enyu.

¹³He waters the mountains from his rooms. The earth is filled with the fruit of your works.

¹⁴Anomeresa uswa bwezvipfuwo, Nemiriwo, inobatsira vanhu; Kuti abudise zvokudya pasi;

¹⁴He causes the grass to grow for the livestock, and plants for man to cultivate, that he may bring forth food out of the earth:

¹⁵Newaini inofadza moyo womunhu, Namafuta anobwinyisa chiso chake, Nechingwa chinosimbisa moyo womunhu.

¹⁵wine that makes glad the heart of man, oil to make his face to shine, and bread that strengthens man’s heart.

¹⁶Miti yaJehovha inoguta; Iyo misidhari yeRebhanoni yaakasima;

¹⁶Yahweh’s trees are well watered, the cedars of Lebanon, which he has planted;

¹⁷Apo panovaka shiri matendere adzo, Kana riri zimudo, miti yemisipiresi ndiyo imba yaro.

¹⁷where the birds make their nests. The stork makes its home in the fir trees.

¹⁸Makomo marefu ndeetsoma; Matombo ndihwo utiziro bwembira.

¹⁸The high mountains are for the wild goats. The rocks are a refuge for the rock badgers.

¹⁹Akatara mwedzi kuti uratidze nguva; Zuva rinoziva nguva yokuvira kwaro.

¹⁹He appointed the moon for seasons. The sun knows when to set.

²⁰Munoita rima, usiku ndokuvapo; Panguva iyo mhuka dzose dzedondo dzinobuda.

²⁰You make darkness, and it is night, in which all the animals of the forest prowl.

²¹Vana veshumba vanoomba vachitsvaka zvavangauraya, Vanotsvaka zvokudya zvavo kuna Mwari.

²¹The young lions roar after their prey, and seek their food from God.

²²Kana zuva richibuda, dzinoenda hadzo, Dzichindovata mumapako adzo.

²²The sun rises, and they steal away, and lay down in their dens.

²³Zvino munhu obudira kubasa rake. Nokumurimo wake kusvikira madekwana.

²³Man goes forth to his work, to his labor until the evening.

²⁴Haiwa Jehovha, mabasa enyu mazhinji sei! Makaaita ose nenjere; Pasi pazere nefuma yenyu.

²⁴Yahweh, how many are your works! In wisdom have you made them all. The earth is full of your riches.

²⁵Hero gungwa, rakakura ibamhi, Mukati maro mune zvinhu zvinokambaira zvisingagoni kuverengwa, Zvipenyu zviduku nezvikuru.

²⁵There is the sea, great and wide, in which are innumerable living things, both small and large animals.

²⁶Hezvo zvikepe, zvinofamba; Heyo ngwena yamakaumba, kuti itambe mariri.

²⁶There the ships go, and leviathan, whom you formed to play there.

²⁷Izvi zvose zvinokumirirai, Kuti muzvipe zvokudya zvazvo nenguva yakafanira.

²⁷These all wait for you, that you may give them their food in due season.

²⁸Zvamunozvipa imi, ndizvo zvazvinounganidza; Munotadzanura ruoko rwenyu, izvo ndokuguta nezvakanaka.

²⁸You give to them; they gather. You open your hand; they are satisfied with good.

²⁹Munovanza chiso chenyu, izvo ndokuvhunduswa; Munozvitorera mweya wazvo, izvo ndokufa, Zvichidzokera kuguruva razvo.

²⁹You hide your face: they are troubled; you take away their breath: they die, and return to the dust.

³⁰Munotuma mweya wenyu, izvo ndokusikwa; Munovandudza chiso chevhu.

³⁰You send forth your Spirit: they are created. You renew the face of the ground.

³¹Kubwinya kwaJehovha ngakugare nokusingaperi; Jehovha ngaafarire mabasa ake;

³¹Let the glory of Yahweh endure forever. Let Yahweh rejoice in his works.

³²Iye anotarira pasi, ipo ndokubvunda; Unobata makomo, iwo ndokubudisa utsi.

³²He looks at the earth, and it trembles. He touches the mountains, and they smoke.

³³Ndichaimbira Jehovha panguva yose youpenyu hwangu; Ndichaimbira Mwari wangu nziyo dzokurumbidza ndichiripo.

³³I will sing to Yahweh as long as I live. I will sing praise to my God while I have any being.

³⁴Kurangarira kwangu ngakumufadze; Ndichafara kwazvo muna Jehovha.

³⁴Let your meditation be sweet to him. I will rejoice in Yahweh.

³⁵Vatadzi ngavaparadzwe pasi, Navakaipa ngavarege kuzovapo. Rumbidzai Jehovha, mweya wangu. Hareruya

³⁵Let sinners be consumed out of the earth. Let the wicked be no more. Bless Yahweh, my soul. Praise Yah!