¹Zvino isu tine simba tinofanira kutakura utera hwevasina simba, uye tisingazvifadzi isu.

¹Now we who are strong ought to bear the weaknesses of the weak, and not to please ourselves.

²Umwe neumwe wedu ngaafadze umwe wake pane zvakanaka pakusimbisa.

²Let each one of us please his neighbor for that which is good, to be building him up.

³Nekuti kunyange Kristu haana kuzvifadza; asi sezvazvakanyorwa, zvichinzi: Kutuka kwevakakutukai kwakawira pamusoro pangu.

³For even Christ didn’t please himself. But, as it is written, “The reproaches of those who reproached you fell on me.” Psalm 69:9

⁴Nekuti zvose zvakagara zvanyorwa zakanyorerwa kudzidza kwedu kuti kubudikidza nemoyo murefu nekunyaradza kwemagwaro tive netariro.

⁴For whatever things were written before were written for our learning, that through patience and through encouragement of the Scriptures we might have hope.

⁵Zvino Mwari wemoyo murefu nenyaradzo ngaape kwamuri moyo umwe, umwe kune umwe zvichitevera Kristu Jesu;

⁵Now the God of patience and of encouragement grant you to be of the same mind one with another according to Christ Jesus,

⁶kuti nemoyo umwe uye nemuromo umwe mukudze Mwari, ivo baba vaIshe wedu Jesu Kristu.

⁶that with one accord you may with one mouth glorify the God and Father of our Lord Jesus Christ.

⁷Naizvozvo gamuchiranai, Kristu sezvaakatigamuchirawo, rwuve rukudzo rwaMwari.

⁷Therefore accept one another, even as Christ also accepted you, TR reads “us” instead of “you” to the glory of God.

⁸Zvino ndinoti, Jesu Kristu wakava muranda wedzingiso nekuda kwechokwadi chaMwari, kuti asimbise zvivimbiso kumadzibaba.

⁸Now I say that Christ has been made a servant of the circumcision for the truth of God, that he might confirm the promises given to the fathers,

⁹Uye kuti vahedheni vakudze Mwari nekuda kwetsitsi; sezvazvakanyorwa, zvichinzi: Nekuda kweizvozvi ndichakureururai pakati pevahedheni, nekuimbira zita renyu rumbidzo.

⁹and that the Gentiles might glorify God for his mercy. As it is written, “Therefore will I give praise to you among the Gentiles, and sing to your name.” 2 Samuel 22:50; Psalm 18:49

¹⁰Uyezve unoti: Farai imwi vahedheni pamwe nevanhu vake.

¹⁰Again he says, “Rejoice, you Gentiles, with his people.” Deuteronomy 32:43

¹¹Uyezve: Rumbidzai Ishe imwi vahedheni vose; mumukudze imwi vanhu vose.

¹¹Again, “Praise the Lord, all you Gentiles! Let all the peoples praise him.” Psalm 117:1

¹²uyezve Isaya unoti: Uchavapo mudzi waJese, naiye uchasimuka kutonga vahedheni; vahedheni vachavimba naye.

¹²Again, Isaiah says, “There will be the root of Jesse, he who arises to rule over the Gentiles; in him the Gentiles will hope.” Isaiah 11:10

¹³Dai Mwari wetariro akuzadzai nemufaro wose nerugare parutendo, kuti muwedzere patariro, kubudikidza nesimba reMweya Mutsvene.

¹³Now may the God of hope fill you with all joy and peace in believing, that you may abound in hope, in the power of the Holy Spirit.

¹⁴Zvino ini ndomene ndinogutsikana nemwi hama dzangu, kuti imwi pachenyu muzere nekunaka, makazadzwa neruzivo rwose, munogonawo kurairana.

¹⁴I myself am also persuaded about you, my brothers The word for “brothers” here and where context allows may also be correctly translated “brothers and sisters” or “siblings.” , that you yourselves are full of goodness, filled with all knowledge, able also to admonish others.

¹⁵Asi hama, ndinokunyorerai ndakatsunga zvikuru neimwe nzira, ndichiita sendinokuyeukai nekuda kwenyasha dzandakapiwa naMwari,

¹⁵But I write the more boldly to you in part, as reminding you, because of the grace that was given to me by God,

¹⁶kuti ndive mushumiri waKristu Jesu kuvahedheni, ndichishumira evhangeri yaMwari, kuti zvibayiro zvevahedheni zvigamuchirike, zvichiitwa zvitsvene neMweya Mutsvene.

¹⁶that I should be a servant of Christ Jesus to the Gentiles, serving as a priest the Good News of God, that the offering up of the Gentiles might be made acceptable, sanctified by the Holy Spirit.

¹⁷Naizvozvo ndine kuzvikudza muna Kristu Jesu pazvinhu zvemaererano naMwari.

¹⁷I have therefore my boasting in Christ Jesus in things pertaining to God.

¹⁸Nekuti handingashingi kutaura chero chinhu chaizvo Kristu zvaasina kuita kubudikidza neni, kuti vahedheni vateerereswe neshoko nebasa,

¹⁸For I will not dare to speak of any things except those which Christ worked through me, for the obedience of the Gentiles, by word and deed,

¹⁹kubudikidza nezviratidzo nezvishamiso, nesimba reMweya waMwari; kuti kubva kuJerusarema nekwakapoteredza kusvikira Iririkumu, ndakaparidza zvakazara evhangeri yaKristu;

¹⁹in the power of signs and wonders, in the power of God’s Spirit; so that from Jerusalem, and around as far as to Illyricum, I have fully preached the Good News of Christ;

²⁰nekudaro ndakashingaira kuparidza evhangeri, apo pasina kumborehwa Kristu, kuti ndirege kuvaka pamusoro penheyo dzeumwe munhu;

²⁰yes, making it my aim to preach the Good News, not where Christ was already named, that I might not build on another’s foundation.

²¹asi, sezvazvakanyorwa zvichinzi: Kune vasina kuudzwa zvake, vachaona, nevasina kunzwa vachanzwisisa.

²¹But, as it is written, “They will see, to whom no news of him came. They who haven’t heard will understand.” Isaiah 52:15

²²Nekuda kweizvozviwo, ndakadzivirirwa kazhinji kuuya kwamuri;

²²Therefore also I was hindered these many times from coming to you,

²³asi zvino zvandisisina nzvimbo pamatunhu awa, uye ndine chishuwo chikuru makore ose awa chekuuya kwamuri,

²³but now, no longer having any place in these regions, and having these many years a longing to come to you,

²⁴kana zvakadaro ndichaenda Sipania ndichauya kwamuri; nekuti ndinovimba kukuonai parwendo rwangu, ndiperekedzwe nemwi ikoko, kana ndatanga ndambogutswa zvishoma nemwi.

²⁴whenever I journey to Spain, I will come to you. For I hope to see you on my journey, and to be helped on my way there by you, if first I may enjoy your company for a while.

²⁵Asi ikozvino ndinoenda kuJerusarema kunoshumira vatsvene.

²⁵But now, I say, I am going to Jerusalem, serving the saints.

²⁶Nekuti zvakavafadza veMakedhonia neAkaya vakati zvakanaka kuti vape zvipo varombo vatsvene vari paJerusarema.

²⁶For it has been the good pleasure of Macedonia and Achaia to make a certain contribution for the poor among the saints who are at Jerusalem.

²⁷Zvakavafadza zvikuru, uye vane ngava navo; nekuti kana vahedheni vakaitwa vagovani navo pazvinhu zvavo zveMweya, vane ngavawo rekuvashumira pazvinhu zvenyama.

²⁷Yes, it has been their good pleasure, and they are their debtors. For if the Gentiles have been made partakers of their spiritual things, they owe it to them also to serve them in fleshly things.

²⁸Naizvozvo kana ndapedza chinhu ichi, ndikasimbisa chibereko ichi kwavari, ndichaenda Spania ndichipfuura nekwenyu.

²⁸When therefore I have accomplished this, and have sealed to them this fruit, I will go on by way of you to Spain.

²⁹Uye ndine chokwadi kuti kana ndichiuya kwamuri, ndichauya pakuzara kwemaropafadzo eevhangeri yaKristu.

²⁹I know that, when I come to you, I will come in the fullness of the blessing of the Good News of Christ.

³⁰Zvino ndinokukumbirisai hama, nekuda kwaIshe wedu Jesu Kristu, uye nekuda kwerudo rweMweya, kuti murwise pamwe neni pakunyengetera kwenyu kuna Mwari pamusoro pangu;

³⁰Now I beg you, brothers, by our Lord Jesus Christ, and by the love of the Spirit, that you strive together with me in your prayers to God for me,

³¹kuti ndisunungurwe kuna avo vasingatendi muJudhiya, uye kuti basa rangu kune veJerusarema rigamuchirwe nevatsvene;

³¹that I may be delivered from those who are disobedient in Judea, and that my service which I have for Jerusalem may be acceptable to the saints;

³²kuti ndiuye kwamuri nemufaro nekuda kwaMwari, ndivandudzwe pamwe nemwi.

³²that I may come to you in joy through the will of God, and together with you, find rest.

³³Zvino Mwari werugare ngaave nemwi mose. Ameni.

³³Now the God of peace be with you all. Amen.