¹REQUIERO yo pues delante de Dios, y del Señor Jesucristo, que ha de juzgar á los vivos y los muertos en su manifestación y en su reino.

¹Kadala vorbi si katar murho ilo tumenge, phenav le vorbi angla Del ai angla Jesus Kristo. Wo kai dela pe kris le zhuvindin ai vi le mulen, phenela kon si doshalo, vai nai doshalo kana O Jesus Kristo avela te anel leska swunto amperetsiako.

²Que prediques la palabra; que instes á tiempo y fuera de tiempo; redarguye, reprende; exhorta con toda paciencia y doctrina.

²De duma pai Vorba le Devleski, phen pa late sagda kana maladiol ai vi kana chi maladiol; parhu le ginduria le manushenge, ai phen kodolenge kai chi keren vorta, ai sichar te bariol o pachamos le manushengo ai te avel tu bari rhavda.

³Porque vendrá tiempo cuando ni sufrirán la sana doctrina; antes, teniendo comezón de oir, se amotonarán maestros conforme á sus concupiscencias,

³Ke avela e vriama kai le manush chi mai mangena te ashunen e chachi Vorba le Devleski, numa lenape pala penge ginduria, ai chidena pasha pende bute manushen kai sicharen, ai kai mothona lenge so mangen won te ashunen.

⁴Y apartarán de la verdad el oído y se volverán á las fábulas.

⁴Chi mai ashunena ka chachimos, duriona te ashunen paramicha kai nai chache.

⁵Pero tú vela en todo, soporta las aflicciones, haz la obra de evangelista, cumple tu ministerio.

⁵Numa tu les sama tutar ande soste godi; rhevdisar le vutuimata, ai ker chi buchi sar iek manush kai ingerel e lashi viasta, ai ker mishto sa chi buchi sar iek sluga le Devleski.

⁶Porque yo ya estoy para ser ofrecido, y el tiempo de mi partida está cercano.

⁶Numa me, o chaso avilo kai si te avav dino sar iek sakrifis; e vriama avili mange te merav.

⁷He peleado la buena batalla, he acabado la carrera, he guardado la fe.

⁷Me marde ma o lasho marimos, me gelem zhando gor, ai garadem o pachamos.

⁸Por lo demás, me está guardada la corona de justicia, la cual me dará el Señor, juez justo, en aquel día; y no sólo á mí, sino también á todos los que aman su venida.

⁸Ai akana e podarka kai nirisardem azhukerel ma, kodia si e konona le chachimaski ,kai O Kristo, kai kerel e kris vorta, dela ma kodo dies: numa chi dela ferdi man kodia konona, numa sa kodolen kai azhukeren le dragostimasa e vriama kana avela O Kristo.

⁹Procura venir presto á mí:

⁹Zumav ta aidi mande sar mai sigo.

¹⁰Porque Demas me ha desamparado, amando este siglo, y se ha ido á Tesalónica; Crescente á Galacia, Tito á Dalmacia.

¹⁰Ke o Demas meklia ma, ke pra drago leske kadia lumia, wo gelotar ande Thesalonika; ai o Crescenes gelotar ande Galatia, ai o Titus ande Dalmatia.

¹¹Lucas solo está conmigo. Toma á Marcos, y traéle contigo; porque me es útil para el ministerio.

¹¹Ferdi o Luk mansalo. Le le Markos, ai an les tusa; ke sai zhutila ma ande murhi buchi.

¹²A Tychîco envié á Efeso.

¹²Tradem o Tichicus ando Ephesus.

¹³Trae, cuando vinieres, el capote que dejé en Troas en casa de Carpo: y los libros, mayormente los pergaminos.

¹³Kana avesa, an mange e raxami kai meklem ando Troas ka Carpur; ai an mange vi le klishki, ai mai but an o ramomos pe morchi le bakrengo kai si phangle.

¹⁴Alejandro el calderero me ha causado muchos males: el Señor le pague conforme á sus hechos.

¹⁴O Alexander o kakaviari kerdia mange but nasulimos; numa O Kristo pochinela leske anda so kerdia.

¹⁵Guárdate tú también de él; que en grande manera ha resistido á nuestras palabras.

¹⁵Arakh tu lestar vi tu, ke phendia ke mangel te aterdiarel so godi mangas te keras.

¹⁶En mi primera defensa ninguno me ayudó, antes me desampararon todos: no les sea imputado.

¹⁶Khonik chi thodia mange partia e pervo data kana phendem ke chi sim doshalo; savorhe mekle ma. Numa te na lel sama lenge O Del!

¹⁷Mas el Señor me ayudó, y me esforzó para que por mí fuese cumplida la predicación, y todos los Gentiles oyesen; y fuí librado de la boca del león.

¹⁷Numa O Kristo pasha mande sas, ai delas ma zor, ai sai davas duma vorta pai Vorba le Devleski, ai te ashunen sa kodola kai Nai Zhiduvuria; ai simas lino avri anda mui le lionosko.

¹⁸Y el Señor me librará de toda obra mala, y me preservará para su reino celestial: al cual sea gloria por los siglos de los siglos. Amén.

¹⁸O Kristo ankalavela ma anda swako nasulimos, ai arakhela ma ai garavela ma vuzho te zhav ande lesko rhaio le cheresko. Leske te avel o luvudimos sa data, ande swako vriama. Amen.

¹⁹Saluda á Prisca y á Aquila, y á la casa de Onesíforo.

¹⁹Trade but bax, zor ai sastimos ka Priscilla, ai ka Aquila, ai vi ka familia le Onesiphoroski.

²⁰Erasto se quedó en Corinto; y á Trófimo dejé en Mileto enfermo.

²⁰O Erastus beshlo ande Corinth, ai meklem le Trophimus ande Miletus ke naswalo sas.

²¹Procura venir antes del invierno. Eubulo te saluda, y Pudente, y Lino, y Claudia, y todos los hermanos.

²¹Zumav ta aidi mai anglal sar o ivend. O Eubulus, o Pudens, o Linus, e Claudia ai sa le kolaver phral traden tuke but bax, zor ai sastimos.

²²El Señor Jesucristo sea con tu espíritu. La gracia sea con vosotros. Amén. {epístola á Timoteo, el cual fué el primer obispo ordenado en Efeso, fué escrita de Roma, cuando Pablo fué presentado la segunda vez á César Nerón.}

²²O Jesus Kristo te avel tusa ai o lashimos le Devlesko te avel tumensa. Amen.