¹Y VENIDA la mañana, entraron en consejo todos los príncipes de los sacerdotes, y los ancianos del pueblo, contra Jesús, para entregarle á muerte.

¹Kana phuterdilo o dies sa le rasha ai le phure kai poronchinas avile andek than, ai dinepe duma pa O Jesus ai ashshile te mudaren les.

²Y le llevaron atado, y le entregaron á Poncio Pilato presidente.

²Phangle les, ai ningerde les ka Pilate o guvernori.

³Entonces Judas, el que le había entregado, viendo que era condenado, volvió arrepentido las treinta piezas de plata á los príncipes de los sacerdotes y á los ancianos,

³Kana O Judas kodo kai dias les ando vas, dikhlias ke shinde leske kris te mudaren les, keisailo, ai ningerdias palpale le trenda kotora rup kal rasha ai kal phure kai poronchinas.

⁴Diciendo: Yo he pecado entregando la sangre inocente. Mas ellos dijeron: ¿Qué se nos da á nosotros? Viéras lo tú.

⁴Ai phendias, "Bezex kerdem ke dem ando vas chache manushes, phende leske, "So si amenge kodia, chiri diela si."

⁵Y arrojando las piezas de plata en el templo, partióse; y fué, y se ahorcó.

⁵O Judas shudias le rupune love ande tamplo, ai gelo ai mudardilo.

⁶Y los príncipes de los sacerdotes, tomando las piezas de plata, dijeron: No es lícito echarlas en el tesoro de los dones, porque es precio de sangre.

⁶Le bare rasha vazde sa le love, ai phende, "Nai mishto te thas kadala love andel love la tamplaki, ke kadala si ratvale love."

⁷Mas habido consejo, compraron con ellas el campo del alfarero, por sepultura para los extranjeros.

⁷Dinepe duma ai ashshile te chinen le lovensa ek kimpo kai busholas "Potter's field" o than kai bichinel le phiria chikake, te gropon streinon.

⁸Por lo cual fué llamado aquel campo, Campo de sangre, hasta el día de hoy.

⁸Anda kodia phenen leske, "O kimpo le ratesko, zhi adies."

⁹Entonces se cumplió lo que fué dicho por el profeta Jeremías, que dijo: Y tomaron las treinta piezas de plata, precio del apreciado, que fué apreciado por los hijos de Israel;

⁹Antunchi so sas phendo katar o profeto Jeremiah pherdilo, "Line le trenda kotora rup, sode wo moldias uni Zhidovonge.

¹⁰Y las dieron para el campo del alfarero, como me ordenó el Señor.

¹⁰Ai dine le te chinen o kimpo "Potter's field". Sar O Del phendias mange."

¹¹Y Jesús estuvo delante del presidente; y el presidente le preguntó, diciendo: ¿Eres tú el Rey de los judíos? Y Jesús le dijo: Tú lo dices.

¹¹O Jesus sas angla guvernori Pilate: ai o guvernori Pilate phushlias les, "Tu san o amperato le Zhidovongo?" "Sar tu phendian," O Jesus phendias leske.

¹²Y siendo acusado por los príncipes de los sacerdotes, y por los ancianos, nada respondió.

¹²Kana phende ke doshalo lo le rasha le bare ai le phure kai poronchinas, wo chi phendias khanchi.

¹³Pilato entonces le dice: ¿No oyes cuántas cosas testifican contra tí?

¹³Antunchi o Pilate phendias leske, "Chi ashunes sa le dosha kai mothon pe tute?"

¹⁴Y no le respondió ni una palabra; de tal manera que el presidente se maravillaba mucho,

¹⁴Numa O Jesus chi phendias khanchi ka chi iek andal dosha kai thode pe leste, anda kodia o guvernori Pilate chudisailo.

¹⁵Y en el día de la fiesta acostumbraba el presidente soltar al pueblo un preso, cual quisiesen.

¹⁵Sas ek zakono ka guvernori Pilate po dies o baro le Zhidivongo te mekel avri iekes ande temnitsa savo godi o narodo halola.

¹⁶Y tenían entonces un preso famoso que se llamaba Barrabás.

¹⁶Sas phandado antunchi iek kai zhangloliaspe ke de sa nasul lo, lesko anav sas Barabbas.

¹⁷Y juntos ellos, les dijo Pilato; ¿Cuál queréis que os suelte? ¿á Barrabás ó á Jesús que se dice el Cristo?

¹⁷Kana sas chidine, o Pilate phendias lenge, "Saves mangen te mekav tumenge? O Barabbas vai O Jesus kai mothon leske Kristo?"

¹⁸Porque sabía que por envidia le habían entregado.

¹⁸Ke wo zhanglias sostar dine les ando vas, ke le rashan sas inetsia pe leste.

¹⁹Y estando él sentado en el tribunal, su mujer envió á él, diciendo: No tengas que ver con aquel justo; porque hoy he padecido muchas cosas en sueños por causa de él.

¹⁹Kana beshlias po skamin te kerel e kris, leski rhomni tradias te mothon leske, "Na hamisavo ka kado chacho manush, ke adies chinuisardem but pala o suno kai dikhlem pa leste."

²⁰Mas los príncipes de los sacerdotes y los ancianos, persuadieron al pueblo que pidiese á Barrabás, y á Jesús matase.

²⁰Le rasha le bare ai le phure kai poronchinas thode le narodos te mangen te mekel kodoles kai bushol Barabbas, ai te mudarel kodoles kai bushol Jesus.

²¹Y respondiendo el presidente les dijo: ¿Cuál de los dos queréis que os suelte? Y ellos dijeron: á Barrabás.

²¹O Pilate magdata phendias lenge, "Savo andal dui mangen te mekav tumenge?" Won phende, "Barabbas"

²²Pilato les dijo: ¿Qué pues haré de Jesús que se dice el Cristo? Dícenle todos: Sea crucificado.

²²O Pilate phendias lenge, "So te kerav kadalesa O Jesus kai mothon leske Kristo?" Savorhe phende, "Tho les po trushul."

²³Y el presidente les dijo: Pues ¿qué mal ha hecho? Mas ellos gritaban más, diciendo: Sea crucificado.

²³O Pilate phendias, "Sostar, che nasulimos kerdias?" Numa won mai zurales dine mui, "Tho les po trushul."

²⁴Y viendo Pilato que nada adelantaba, antes se hacía más alboroto, tomando agua se lavó las manos delante del pueblo, diciendo: Inocente soy yo de la sangre de este justo veréis lo vosotros.

²⁴Kana o Pilate dikhlias ke nashti kerel khanchi, ke buntuilaspe o narodo, lias pai, ai xaladias peske vas angla narodo, ai phendias, "Me chi sim doshalo anda rat kadale chache manushesko, akana zhi tumende si."

²⁵Y respondiendo todo el pueblo, dijo: Su sangre sea sobre nosotros, y sobre nuestros hijos.

²⁵Sa le manush phende, "Lesko rat te avel pe amende ai pe amare glate."

²⁶Entonces les soltó á Barrabás: y habiendo azotado á Jesús, le entregó para ser crucificado.

²⁶Antunchi meklias lenge o Barabbas, marde le Jesusos bichosa, ai dias les te thon les po trushul.

²⁷Entonces los soldados del presidente llevaron á Jesús al pretorio, y juntaron á él toda la cuadrilla;

²⁷Antunchi le ketani le Pilatoske line le Jesusos ningerde les ando kher le ketanengo, ai chidinisaile kruglom lestar ek antrego kompania ketani.

²⁸Y desnudándole, le echaron encima un manto de grana;

²⁸Line leske tsalia pe leste, ai thode pe leste ek loli raxami.

²⁹Y pusieron sobre su cabeza una corona tejida de espinas, y una caña en su mano derecha; é hincando la rodilla delante de él, le burlaban, diciendo: ­Salve, Rey de los Judíos!

²⁹Kerde korona andal lunzhe kanrhe, ai thode la po lesko shero, ai thode rhai ande lesko vas o chacho, dine changa angla leste, te maren mui lestar, ai phenenas, "Lungo traio ka o amperato le Zhidovongo!"

³⁰Y escupiendo en él, tomaron la caña, y le herían en la cabeza.

³⁰Chungarde pe leste, line e rhai ai marde les pa shero lasa.

³¹Y después que le hubieron escarnecido, le desnudaron el manto, y le vistieron de sus vestidos, y le llevaron para crucificarle.

³¹Kana getosarde te maren mui lestar, line pa leste e raxami, dine leske tsalia pe leste, ai ningerde les te thon les po trushul.

³²Y saliendo, hallaron á un Cireneo, que se llamaba Simón: á éste cargaron para que llevase su cruz.

³²Po drom kai zhanas, arakhle ieke manush anda Cyrene, kai busholas Simon: ai thode les te ningerel o trushul.

³³Y como llegaron al lugar que se llamaba Gólgotha, que es dicho, El lugar de la calavera,

³³Aresle ka kodo than kai bushol Golgatha, o than kai miazol "Kokalo sheresko".

³⁴Le dieron á beber vinagre mezclado con hiel: y gustando, no quiso beber lo

³⁴Dine les lolo shut hamime drabensa te pel, kana zumadias, ai haliardias so si, chi pelias.

³⁵Y después que le hubieron crucificado, repartieron sus vestidos, echando suertes: para que se cumpliese lo que fué dicho por el profeta: Se repartieron mis vestidos, y sobre mi ropa echaron suertes.

³⁵Thode les po trushul, ai hulade leske tsalia pe save godi nirisardias les: te kerdiol so o profeto phendiasas, "Hulade murhe tsalia mashkar pende, ai thodepe te dikhen kon niril murhe raxami."

³⁶Y sentados le guardaban allí.

³⁶Pala kodia beshle kote ai dikhenas pe leste.

³⁷Y pusieron sobre su cabeza su causa escrita: ESTE ES JESUS EL REY DE LOS JUDIOS.

³⁷Opral pa lesko shero amblade ek ramomos kai phenelas che dosh ankerde pe leste "KADO SI O JESUS AMPERATO LE ZHIDOVONGO."

³⁸Entonces crucificaron con él dos ladrones, uno á la derecha, y otro á la izquierda.

³⁸Lesa ek data dui chor sas thodine po trushul, iek ka lesko chacho vas, ai iek ka lesko stingo.

³⁹Y los que pasaban, le decían injurias, meneando sus cabezas,

³⁹Zhene kai nakhenas kotsar, kerenas anda shero ai mishkirinas les.

⁴⁰Y diciendo: Tú, el que derribas el templo, y en tres días lo reedificas, sálvate á ti mismo: si eres Hijo de Dios, desciende de la cruz.

⁴⁰Ai phenenas, "Tu kai sas te xaiis e tampla, ai ande trin dies te vazdes kodia tampla, skepisar tut te san tu O Shav le Devlesko, aidi tele pa trushul."

⁴¹De esta manera también los príncipes de los sacerdotes, escarneciendo con los escribas y los Fariseos y los ancianos, decían:

⁴¹Sakadia le rasha le bare, le phure kai poronchinas, ai kodola kai sikavenas le zakonuria marde mui lestar.

⁴²á otros salvó, á sí mismo no puede salvar: si es el Rey de Israel, descienda ahora de la cruz, y creeremos en él.

⁴²Phenenas, "Skepisardias kavren, numa nashti skepil pes. Wo si O Amperato le themesko Israel, mek avel tele pa trushul, ai pachasa ame ande leste.

⁴³Confió en Dios: líbrele ahora si le quiere: porque ha dicho: Soy Hijo de Dios.

⁴³Wo pachalpe ando Del ai jinel pe leste, phendia ke O Shav le Devlesko lo, aven dikhas te mangela O Del te skepil les akana.

⁴⁴Lo mismo también le zaherían los ladrones que estaban crucificados con él.

⁴⁴Vi le chor kai sas thodine po trushul lesa, marde lestar mui sakadia.

⁴⁵Y desde la hora de sexta fueron tinieblas sobre toda la tierra hasta la hora de nona.

⁴⁵Kal desh u dui po mashkar le diesesko tuniariko avilo pe lumia pe kai trin chasuria.

⁴⁶Y cerca de la hora de nona, Jesús exclamó con grande voz, diciendo: Eli, Eli, ¿lama sabachtani? Esto es: Dios mío, Dios mío, ¿por qué me has desamparado?

⁴⁶Karing le trin chasuria O Jesus dias mui andek baro glaso, "Eli, Eli, lama sabachthani?" Kodia si "Murho Del, Murho Del, Sostar meklian ma?"

⁴⁷Y algunos de los que estaban allí, oyéndolo, decían: A Elías llama éste.

⁴⁷Uni anda kodola kai sas kote ashunde les, ai phende, "Po Elijah del mui."

⁴⁸Y luego, corriendo uno de ellos, tomó una esponja, y la hinchió de vinagre, y poniéndola en una caña, dábale de beber.

⁴⁸Strazo iek anda lende grebisailo, lias ek kotor, thodias les ando lolo shut, thodias po khash ai zumadias te del ka Jesus te pel.

⁴⁹Y los otros decían: Deja, veamos si viene Elías á librarle.

⁴⁹Numa le kaver phende, "Mek les aven dikhas te avela o Elijah te skepil les."

⁵⁰Mas Jesús, habiendo otra vez exclamado con grande voz, dió el espíritu.

⁵⁰Magdata O Jesus dias mui ando baro glaso, antunchi dias pesko duxo opre, ai mulo.

⁵¹Y he aquí, el velo del templo se rompió en dos, de alto á bajo: y la tierra tembló, y las piedras se hendieron;

⁵¹Strazo o poxtan ande tamplo shindilo ande donde de opral zhi tele; e phuv izdraias. Le bax pharhale.

⁵²Y abriéronse los sepulcros, y muchos cuerpos de santos que habían dormido, se levantaron;

⁵²Le greposhevuria phuterdile, but anda le Devleske manush kai mule sas, sas vazdine ka traio.

⁵³Y salidos de los sepulcros, después de su resurrección, vinieron á la santa ciudad, y aparecieron á muchos.

⁵³Avile avri andal greposhevuria. Kana O Jesus wushtilo, won gele ando swunto foro, kote but zhene dikhle le.

⁵⁴Y el centurión, y los que estaban con él guardando á Jesús, visto el terremoto, y las cosas que habían sido hechas, temieron en gran manera, diciendo: Verdaderamente Hijo de Dios era éste.

⁵⁴O fitsiri ai le ketani kai sas lesa dikhenas po Jesus, dikhle sar izdraias e phuv, ai so godi kerdiliape, daraile zurales, ai phende, "Chaches kado sas O Shav le Devlesko."

⁵⁵Y estaban allí muchas mujeres mirando de lejos, las cuales habían seguido de Galilea á Jesús, sirviéndole:

⁵⁵But zhuvlia avile pala Jesus andai Galilee te len sama lestar ai dikhenas de dural.

⁵⁶Entre las cuales estaban María Magdalena, y María la madre de Jacobo y de José, y la madre de los hijos de Zebedeo.

⁵⁶Mashkar lende e Maria Magdalena, ai e Maria e dei le Iakovoski ai le Josefoski, ai e dei le shave le Zebedoske.

⁵⁷Y como fué la tarde del día, vino un hombre rico de Arimatea, llamado José, el cual también había sido discípulo de Jesús.

⁵⁷Kana peli e riat, avilo iek manush barvalo andai Arimathaea, lesko anav sas Josef, wo sas iek anda kodola kai pachanaspe ando Jesus.

⁵⁸Este llegó á Pilato, y pidió el cuerpo de Jesús: entonces Pilato mandó que se le diese el cuerpo.

⁵⁸Gelo ke o Pilate, ai manglias le Jesusosko stato. O Pilate dias ordina te den les leste.

⁵⁹Y tomando José el cuerpo, lo envolvió en una sábana limpia,

⁵⁹Kana o Joseph lias o stato, vuluisardias les andek vuzho poxtan.

⁶⁰Y lo puso en su sepulcro nuevo, que había labrado en la peña: y revuelta una grande piedra á la puerta del sepulcro, se fué.

⁶⁰Ai thodias les ande pesko nevo greposhevo kai sas shindo ando bax, ai spidias ek baro bax angla greposhevo, ai gelotar,

⁶¹Y estaban allí María Magdalena, y la otra María, sentadas delante del sepulcro.

⁶¹E Maria Magdalena ai e kaver Maria beshenas angla greposhevo.

⁶²Y el siguiente día, que es después de la preparación, se juntaron los príncipes de los sacerdotes y los Fariseos á Pilato,

⁶²Pe terharin, kana getolaspe, o pervo anda le diesa le bare le Zhidovongo, le rasha le bare ai le Farizeanuria gele ka Pilate.

⁶³Diciendo: Señor, nos acordamos que aquel engañador dijo, viviendo aún: Después de tres días resucitaré.

⁶³Ai phende leske, "Raia, diam ame goji ke kodo xoxamno mai anglal sar te merel phendias, "Po trito dies si te zhuvindiv."

⁶⁴Manda, pues, que se asegure el sepulcro hasta el día tercero; porque no vengan sus discípulos de noche, y le hurten, y digan al pueblo: Resucitó de los muertos. Y será el postrer error peor que el primero.

⁶⁴Anda kodia de ordina te phandachen o greposhevo mishto, zhi po trito dies, ke kam zhan leske disipluria te choren lesko stato, ai mothon le manushenge, ke wushtilo andai martia: Kodo xoxaimos si te avel mai nasul sar o pervo."

⁶⁵Y Pilato les dijo: Tenéis una guardia: id, aseguradlo como sabéis.

⁶⁵O Pilate phendias lenge, "Si tume zhene, zhan, keren so zhanen."

⁶⁶Y yendo ellos, aseguraron el sepulcro, sellando la piedra, con la guardia.

⁶⁶Geletar, ai phandade o greposhevo zurales, ai thode vari so po bax te haliardiolpe te phutrena les, ai mekle zhene te len sama.