¹PABLO, prisionero de Jesucristo, y el hermano Timoteo, á Filemón amado, y coadjutor nuestro;

¹Katar o Pavlo, kai si phanglo le Jesus Kristoske, ai katar amaro phral o Timote. Tuke Philemon, amaro kuchi vortako, ai kai keres buchi amensa, ai kai khangeri kai chidelpe ande cho kher,

²Y á la amada Apphia, y á Archîpo, compañero de nuestra milicia, y á la iglesia que está en tu casa:

²ai amare pheiake e Apphia, ai ka Archippus kai marelpe amensa ando pachamos:

³Gracia á vosotros y paz de Dios nuestro Padre, y del Señor Jesucristo.

³O Del amaro Dat ai le Devles Jesus Kristo te del tume o lashimos ai e pacha.

⁴Doy gracias á mi Dios, haciendo siempre memoria de ti en mis oraciones.

⁴Swako data kai rhugiv ma, murho kuchi Philemon, da ma goji tute, ai naisiv murhe Devleske.

⁵Oyendo tu caridad, y la fe que tienes en el Señor Jesús, y para con todos los santos;

⁵Ke ashunav e dragostia kai si tu sa le Devleske narodoske, ai o pachamos kai si tu ando Jesus Kristo.

⁶Para que la comunicación de tu fe sea eficaz, en el conocimiento de todo el bien que está en vosotros, por Cristo Jesús.

⁶Ai mangav katar O Del o traio kai inkerel tu amensa katar o pachamos te kerel te zhanas mai mishto sa le mishtimata kai si ame ande amaro traio le Kristosa.

⁷Porque tenemos gran gozo y consolación de tu caridad, de que por ti, oh hermano, han sido recreadas las entrañas de los santos.

⁷Chiri dragostia, murho phral, dia man but raduimos ai zor! Ke raduisardian o ilo le Devlesko narodoske.

⁸Por lo cual, aunque tengo mucha resolución en Cristo para mandarte lo que conviene,

⁸Anda kodia, marka, pala Kristo me sim ivia te mothav tuke so trobul te keres.

⁹Ruégo te más bien por amor, siendo tal cual soy, Pablo viejo, y aun ahora prisionero de Jesucristo:

⁹Numa ke mange drago tuke, mangav vari so tutar. Sar sim me o Pavlo, iek manush phuro, ai katse ande temnitsa, ai akana ek manush phanglo le Jesus Kristoske.

¹⁰Ruégote por mi hijo Onésimo, que he engendrado en mis prisiones,

¹⁰Me mangav tutar vari so le Onesimeske, ke wo si murho shav ando Jesus Kristo; ke me kerdilem lesko dat ando Del katse ande temnitsa.

¹¹El cual en otro tiempo te fué inútil, mas ahora á ti y á mí es útil;

¹¹Mai anglal wo chi trobulas tu, numa akana trobul ame, vi tut ai vi man.

¹²El cual te vuelvo á enviar; tu pues, recíbele como á mis entrañas.

¹²Ai tradav les tute akana, premin les, sar te avilino iek kotor anda mande.

¹³Yo quisiera detenerle conmigo, para que en lugar de ti me sirviese en las prisiones del evangelio;

¹³Me manglemas te inkerav les pasha mande, zhi kai sim ande temnitsa ai te zhutil ma ande cho than.

¹⁴Mas nada quise hacer sin tu consejo, porque tu beneficio no fuese como de necesidad, sino voluntario.

¹⁴Numa chi manglem te kerav kanchi bi te phushav tutar, chi mangav te thav tu pe zor te keres mange mishtimos, ke mange mai drago te keres tu anda tute.

¹⁵Porque acaso por esto se ha apartado de ti por algún tiempo, para que le recibieses para siempre;

¹⁵Amborim o Onesimus sas lino tutar pe xantsi vriama, saxke te avel tusa porme sagda;

¹⁶No ya como siervo, antes más que siervo, como hermano amado, mayormente de mí, pero cuánto más de ti, en la carne y en el Señor.

¹⁶ke akana wo ma nai ferdi iek prosto sluga, numa mai but lo de sar iek sluga: wo si akana iek kuchi phral, ai mange defial drago lo, numa tuke trobul te avel mai but vi sar sluga, ai vi sar phral ando Kristo.

¹⁷Así que, si me tienes por compañero, recíbele como á mi.

¹⁷Te jinesa man sar cho vortako, premisar les sar te premisardianas man.

¹⁸Y si en algo te dañó, ó te debe, ponlo á mi cuenta.

¹⁸Ai te shubisailo vari so karing tute, vai te kamela tuke vari so, tu jin pa mande.

¹⁹Yo Pablo lo escribí de mi mano, yo lo pagaré: por no decirte que aun á ti mismo te me debes demás.

¹⁹Me, murhe vastesa tradav tuke kado divano. Me, o Pavlo, pochinava tuke palpale, ai chi trobul te dav tu goji ke tu kames mange cho traio.

²⁰Sí, hermano, góceme yo de ti en el Señor; recrea mis entrañas en el Señor.

²⁰E, phrala, mangav ma tutar, ker mange kado mishtimos ande dragostia le Kristoski. Raduisar murho ilo, sar iek phral ando Jesus Kristo!

²¹Te he escrito confiando en tu obediencia, sabiendo que aun harás más de lo que digo.

²¹Ke me pachav ma, ke ande kado lil kai ramov tuke, akana te keresa so mangav tutar, ai vi zhanav ke keresa mai but.

²²Y asimismo prepárame también alojamiento; porque espero que por vuestras oraciones os tengo de ser concedido.

²²Ai ande kodia lashar i mange iek soba ke pachav ma ke O Del ashunela tumare rhugimata, ai dela te avav pale tumensa.

²³Te saludan Epafras, mi compañero en la prisión por Cristo Jesús,

²³O Epaphras, kai si mansa ande temnitsa le Jesus Kristoske tradel tuke but bax, zor ai sastimos.

²⁴Marcos, Aristarco, Demas y Lucas, mis cooperadores.

²⁴Ai vi o Marko, o Aristarchus, o Demas, ai o Luk, murhe vortacha kai keren mansa buchi.

²⁵La gracia de nuestro Señor Jesucristo sea con vuestro espíritu. Amén.

²⁵O mishtimos amaro Devlesko Jesus Kristo te avel tumensa. Amen.