¹Y HABLO David á Jehová las palabras de este cántico, el día que Jehová le había librado de la mano de todos sus enemigos, y de la mano de Saúl.

¹ Dawda na baytu woone sanney ci Rabbi se, zaaro kaŋ ra Rabbi n'a kaa nga ibarey kulu da Sawulu mo kambe ra.

²Y dijo: Jehová es mi roca, y mi fortaleza, y mi libertador;

² A ne: «Rabbi ya ay tondi no, d'ay wongu fuwo, D'ay faabakwa, oho, ay wane no!

³Dios de mi roca, en él confiaré: Mi escudo, y el cuerno de mi salud, mi fortaleza, y mi refugio; Mi salvador, que me librarás de violencia.

³ Ay Irikoyo no, ay tondi gaabikoono. A ra no ay ga tugu. Ay korayo d'ay faaba hillo mo, Ay cinari kuuko, d'ay lambayaŋ do mo no. Ya faabakwa, ni g'ay faaba toonye gaabo gaa.

⁴Invocaré á Jehová, digno de ser loado. Y seré salvo de mis enemigos.

⁴ Ay ga ce Rabbi gaa, nga kaŋ to sifayaŋ. Woodin ga naŋ i m'ay faaba ay ibarey kambey ra.

⁵Cuando me cercaron ondas de muerte, Y arroyos de iniquidad me asombraron,

⁵ Zama buuyaŋ hari bonday n'ay windi. Irikoy jaŋ-ka-ganayaŋ baayaŋ n'ay humburandi.

⁶Me rodearon los dolores del infierno, Y me tomaron descuidado lazos de muerte.

⁶ Alaahara korfey n'ay koli ka windi, Buuyaŋ hirrimey n'ay di.

⁷Tuve angustia, invoqué á Jehová, Y clamé á mi Dios: Y él oyó mi voz desde su templo; Llegó mi clamor á sus oídos.

⁷ Ay kankamo ra ay hẽ Rabbi gaa, Oho, ay n'ay Irikoyo ce. A fuwo ra a maa ay jinda mo, Ay hẽeno mo to a hangey ra.

⁸La tierra se removió, y tembló; Los fundamentos de los cielos fueron movidos, Y se estremecieron, porque él se airó.

⁸ Saaya din no laabo gaan, a zinji, Beena kaajey mo nyooti. I zinji-zinji, zama Rabbi futu.

⁹Subió humo de sus narices, Y de su boca fuego consumidor, Por el cual se encendieron carbones.

⁹ Dullu fun a niina ra ka ciciri, Danji mo kaŋ ga ŋwa ka ban pat! fun a meyo ra. A na danji-bi yaŋ diyandi.

¹⁰Y abajo los cielos, y descendió: Una oscuridad debajo de sus pies.

¹⁰ A na beeney gungumandi ka zumbu ganda. Kubay bi tik go a ce taamey cire.

¹¹Subió sobre el querubín, y voló: Aparecióse sobre las alas del viento.

¹¹ A kaaru ciiti malayka boŋ ka tun beene, Oho, haw fatayaŋ boŋ no i di a.

¹²Puso tinieblas alrededor de sí á modo de pabellones; Aguas negras y espesas nubes.

¹² A na kubay ciya nga tuguyaŋ do a windanta. Harey margu-margu yaŋey, Beene batama hirriyaŋ beerey mo no.

¹³Del resplandor de su presencia Se encendieron ascuas ardientes.

¹³ A jine kaari nyalawyaŋ se danji-biyey di.

¹⁴Jehová tronó desde los cielos, Y el Altísimo dió su voz;

¹⁴ Rabbi kaati beene. Beeray-Beeri-Koyo na nga jinda tunandi ka salaŋ.

¹⁵Arrojó saetas, y desbaratólos; Relampagueó, y consumiólos.

¹⁵ A na nga hangawey samba k'i say-say. Nga nyalawyaŋ mo n'i kankam.

¹⁶Entonces aparecieron los manantiales de la mar, Y los fundamentos del mundo fueron descubiertos, A la reprensión de Jehová, Al resoplido del aliento de su nariz.

¹⁶ Rabbi kaatiyaŋo gaa, d'a niine funsuyaŋo yooja mo gaa, Teeku fondey bangay, Ndunnya tiksey mo fun taray.

¹⁷Extendió su mano de lo alto, y arrebatóme, Y sacóme de copiosas aguas.

¹⁷ A go beene, a donton k'ay sambu, A n'ay candi ka kaa hari boobo ra.

¹⁸Libróme de fuertes enemigos, De aquellos que me aborrecían, los cuales eran más fuertes que yo.

¹⁸ A n'ay hamay ka kaa ay ibare gaabikoono kambe ra, Da borey kaŋ yaŋ konna ay kambe ra, Zama i bisa ay gaabi.

¹⁹Asaltáronme en el día de mi calamidad; Mas Jehová fué mi sostén.

¹⁹ I kaŋ ay boŋ ay masiiba zaaro ra, Amma Rabbi ciya ay se deyaŋ hari.

²⁰Sacóme á anchura; Libróme, porque puso su voluntad en mí.

²⁰ A kande ay nangu yulwante ra mo. A n'ay kaa kambe zama a ga farhã d'ay.

²¹Remuneróme Jehová conforme á mi justicia: Y conforme á la limpieza de mis manos, me dió la paga.

²¹ Rabbi n'ay bana ay adilitara hino me, Ay kambey hananyaŋo me no a n'ay bana.

²²Porque yo guardé los caminos de Jehová; Y no me aparté impíamente de mi Dios.

²² Zama ay na Rabbi fondey haggoy, Ay mana laala ka fay d'ay Irikoyo mo.

²³Porque delante de mí tengo todas sus ordenanzas; Y atento á sus fueros, no me retiraré de ellos.

²³ Zama a farilley kulu go ay jine, A hin sanney mo, ay mana fay d'ey.

²⁴Y fuí íntegro para con él, Y guardéme de mi iniquidad.

²⁴ Ay ya toonante no a do haray, Ay n'ay fundo gaay mo ay zunubo ciine ra.

²⁵Remuneróme por tanto Jehová conforme á mi justicia, Y conforme á mi limpieza delante de sus ojos.

²⁵ Woodin se no Rabbi bana ay se ay adilitara hino me, D'ay hananyaŋo hino me a jine.

²⁶Con el bueno eres benigno, Y con el íntegro te muestras íntegro;

²⁶ Suujikoy se ni ga ni boŋ cabe Suujikoy. Boro toonante se mo ni ga ni boŋ cabe toonante.

²⁷Limpio eres para con el limpio, Mas con el perverso eres rígido.

²⁷ Boro kaŋ bina ga hanan se ni ga ni boŋ cabe bine-hanno-koy. Siirante mo, ni ga ni boŋ cabe a se carmaykom.

²⁸Y tú salvas al pueblo humilde; Mas tus ojos sobre los altivos, para abatirlos.

²⁸ Ni ga taabantey mo faaba, Amma ni moy go boŋbeeraykoyey boŋ, Zama ni m'i kaynandi.

²⁹Porque tú eres mi lámpara, oh Jehová: Jehová da luz á mis tinieblas.

²⁹ Zama nin no ga ti ay fitilla, ya Rabbi. Rabbi g'ay kuba hanandi mo.

³⁰Porque en ti romperé ejércitos, Y con mi Dios saltaré las murallas.

³⁰ Zama ni gaakasina do no ay gaaba nda wongu sata. Ay Irikoyo hino no ay ga cinari sar k'a daaru nd'a.

³¹Dios, perfecto su camino: La palabra de Jehová purificada, Escudo es de todos los que en él esperan.

³¹ Irikoy wo, a fonda ya toonante no. Rabbi sanno ya neesante mo no. Koray mo no boro kulu kaŋ ga tugu a ra se.

³²Porque ¿qué Dios hay sino Jehová? ¿O quién es fuerte sino nuestro Dios?

³² Zama may no ga ti Irikoy, kala Rabbi? May no ga ti tondi, kal iri Irikoyo?

³³Dios es el que con virtud me corrobora, y el que despeja mi camino;

³³ Irikoy no ga ti ay wongu fu beero. A ga furo toonantey jine fondey ra.

³⁴El que hace mis pies como de ciervas, Y el que me asienta en mis alturas;

³⁴ A g'ay cey ciya sanda jeeri wane yaŋ cine. A g'ay daŋ ay nangu beerey boŋ.

³⁵El que enseña mis manos para la pelea, y da que con mis brazos quiebre el arco de acero.

³⁵ A g'ay kambayzey dondonandi wongu, Hal ay kambey ga guuru-say biraw haw daŋ.

³⁶Tú me diste asimismo el escudo de tu salud, Y tu benignidad me ha acrecentado.

³⁶ Ni n'ay no ni faaba korayo mo, Ni baano mo n'ay beerandi.

³⁷Tú ensanchaste mis pasos debajo de mí, Para que no titubeasen mis rodillas.

³⁷ A n'ay ce daarey feeri ay cire, Ay ce jindey mo mana mulay.

³⁸Perseguiré á mis enemigos, y quebrantarélos; Y no me volveré hasta que los acabe.

³⁸ Ay n'ay yanjekaarey ce kondo ŋwa, Ay n'i halaci mo. Ay mana bare ka ye mo kala kaŋ i n'i ŋwa ka ban.

³⁹Los consumiré, y los heriré, y no se levantarán; Y caerán debajo de mis pies.

³⁹ Ay binde n'i ŋwa, ay n'i gooru k'i fun, Hal i mongo ka hin ka tun. Oho, i kaŋ ay ce taamey cire.

⁴⁰Ceñísteme de fortaleza para la batalla, Y postraste debajo de mí los que contra mí se levantaron.

⁴⁰ Zama ni n'ay guddu da gaabi wongo sabbay se. Borey kaŋ yaŋ tun ay gaa mo, ni naŋ i ma sumbal ay cire.

⁴¹Tú me diste la cerviz de mis enemigos, De mis aborrecedores, y que yo los destruyese.

⁴¹ Ni naŋ mo ay yanjekaarey ma jinde banda no ay se, Zama ay m'ay konnakoy tuusu.

⁴²Miraron, y no hubo quien los librase; A Jehová, mas no les respondió.

⁴² I guna, amma faabako si no. I guna hala Rabbi do, amma a mana tu i se.

⁴³Yo los desmenuzaré como polvo de la tierra; Hollarélos como á lodo de las plazas, y los disiparé.

⁴³ Saaya din ay n'i kar, Ay n'i te sanda laabu bulungu cine, Ay n'i taamu-taamu sanda fondo gaa potor-potor cine, Ay n'i mumuru mo.

⁴⁴Tú me libraste de contiendas de pueblos: Tú me guardaste para que fuese cabeza de gentes: Pueblos que no conocía, me sirvieron.

⁴⁴ Ni n'ay faaba ay borey canda-canda gaa. Ni n'ay hallasi mo hal ay ma ciya dumi cindey se jine boro. Dumi kaŋ doŋ ay s'a bay, a go ga may ay se.

⁴⁵Los extraños titubeaban á mí: En oyendo, me obedecían.

⁴⁵ Yawey ga sombu ay jine. Za i maa ay baaro, i g'ay gana.

⁴⁶Los extraños desfallecían, Y temblaban en sus escondrijos.

⁴⁶ Yawey ga yangala, Jijiriyaŋ ra mo i ga fatta ngey wongu fuwey ra.

⁴⁷Viva Jehová, y sea bendita mi roca; Sea ensalzado el Dios, la roca de mi salvamento:

⁴⁷ Rabbi ya fundikooni no! W'ay tondo sifa! Wa Irikoy beerandi, ay faaba tondo nooya!

⁴⁸El Dios que me ha vengado, Y sujeta los pueblos debajo de mí:

⁴⁸ Irikoy wo no ga banayaŋ goy te ay se, A ga dumi waani-waani kaynandi ay cire.

⁴⁹Y que me saca de entre mis enemigos: Tu me sacaste en alto de entre los que se levantaron contra mi: Librásteme del varón de iniquidades.

⁴⁹ Nga no g'ay kaa ay ibarey cire. Oho, ni g'ay beerandi borey kaŋ yaŋ tun ay se din boŋ. Ni g'ay soolam ka kaa toonyantey kambe ra.

⁵⁰Por tanto yo te confesaré entre las gentes, oh Jehová, Y cantaré á tu nombre.

⁵⁰ Ya Rabbi, woodin se no ay ga saabu ni se dumi cindey game ra. Ay ma sifayaŋ baytu te ni maa gaa.

⁵¹El que engrandece las saludes de su rey, Y hace misericordia á su ungido, A David, y á su simiente, para siempre.

⁵¹ Faaba fu beeri no a ga ciya bonkoono kaŋ nga daŋ din se, A ga baakasinay suuji cabe mo nga wane suubananta se, Kaŋ ga ti Dawda nda nga banda se, hal abada.»