¹Judate lakah Pathian theihin a oma; Israelte lakah a min a thupi hi.

²Salem ah bawkta a oma. Huan, amah omna tuh Zion ah a om hi.

³Huaiah thalpeu thalte a hihsiaa: phawte, namsaute, kidounate toh. Selah.

⁴Nang tuh thupitak leh hoihtak na hi a, sathah tangte sangin.

⁵Lungtang phaten loh a tuak ua, a ihmu uh a ihmu denta uhi; mi hatte leng kuamahin a khut uh a lik theita kei uhi.

⁶Jakob Pathian aw, na sawina jiakin kangtalai leh sakol leng gending theilou in a om tuaktuak uhi.

⁷Nang, nangmah mah, lau ding na hi: na heh peuhmah leh, kua ahia na mitmuha ding thei ding?

⁸Na vaihawm thu van akipanin na theisaka; lei a laua, a daita hi.

⁹Leia mi thunuailut tengteng hondam dinga, Pathian tuh vaihawm dinga a thoh laiin. Selah.

¹⁰Pellouin mihing hehnain nang a honphat dinga: hehna valin na kigak ding hi.

¹¹Thu chiam inla, Toupa na Pathian lak uah hihtangtung un: a kima mi tengteng in kihtak dingpa tuh kipahmante hontawisak uhen.Aman lalte kha a sat khe ding a; amah tuh leia kumpipate adingin a kihtak huai ahi.

¹²Aman lalte kha a sat khe ding a; amah tuh leia kumpipate adingin a kihtak huai ahi.