¹Israelte chingpa, Belam pawl banga Josephte pipa, bil na doh in: nang cherubte tunga tu, hongvak khia in.

²Ephraimte leh Benjaminte leh Manasite mitmuhin na hatna tokthou inla, honhondam dingin hongpai in.

³Pathian aw, honkihei sak nawn inla; na mel hihvak in, huchiinhotdamin ka om ding uhi.

⁴TOUPA aw, sepaihte Pathian, bangtan ahia na mite thumna tunga na heh ding?

⁵Amaute khitui-tanghouin na vaka, khitui dawn dingin tehna lian takin na pe jel hi.

⁶Nang ka kim ua mite adingin kinakna din non bawl naka: ka melmate uh a nui chiat nak uhi.

⁷Sepaihte Pathian aw, honkihei sak nawn inla: na mel hihvak in, huchin hotdamin ka om ding uhi.

⁸Aigupta gam akipan grep gui na honla a: nam chih na delh khiaa, na suanta hi.

⁹A ma na hih siang jela, thutakin zung a kaia, gam tuh a luah vek hi.

¹⁰Tangte a lim tuamin a om chiat, ahiangte Pathian sidar singte bang hial ahi.

¹¹A hiangte tuh tuipi tanin a jam suak saka a selte Luipi phain.

¹²Bangachia a huangte hihsia na hia? Lampi a pai peuhmahin a sat kheta uhi.

¹³Gamnuaia ngalin a hihsia a, gamsaten leng a ne uhi.

¹⁴Sepaihte Pathian aw, hehpih takin kihei nawnin; van akipanin honensuk inla, hiai grep gui en inla, hongveh in.

¹⁵A kung na khut taklamin a suan leh, ahiang nang dia na khauhsak toh.

¹⁶Mei ah a kangta, phukin a omta: na mela salhna jiakin a mangthang jel hi.

¹⁷Na taklama mi tungah na khut om hen, mihing tapa nang dia na hihhat tungah.

¹⁸Huchiin kon kiksan kei ding ua: honhihhalh inla, huchiin na minka lou ding hi.TOUPA aw, sepaihte Pathian, hon kihei sak nawn inla; na mel hihvak in. huchiin hotdamin ka om ding uhi.

¹⁹TOUPA aw, sepaihte Pathian, hon kihei sak nawn inla; na mel hihvak in. huchiin hotdamin ka om ding uhi.